2025 西藏(正篇)-天上阿里，北環線

印象中日喀則已經係最靚既酒店
之後唔會再有呢個lv

我嗰時自駕去阿里 經過 那曲 附近又咁啱壞車….
班藏民個個爛仔咁嘅款…又拎我副超睇 又想屈錢搵佢地拖車….班藏民見錢開眼咁…

班打團入邊 邊個最正常？

祝你好運

上網睇kayan 去西藏阿里d酒店 都唔差

酒店對住個廣場…then you know…廣場舞大媽出動淨係聽到聲，無留意有無人。不過11點到就停咗。

廣州男個跟團plan係唔包住宿，佢又book到間酒店喺另一邊。
司機話之後唔會再接送佢，要佢自己黎匯合，或者搵我拼房。
佢噚晚9點wechat問我o唔ok拼房。我答佢無所謂。
跟住佢10點又同我講都係唔拼，廢事扯鼻寒嘈到我。我無問題。

噚晚食飯，香港auntie狂share佢d行山相，話稻城亞丁好靚，想再去行野路；咁啱湖南女又去過，就傾埋一齊。
湖南女噚日喺車上面間中就接一個電話，唔係裝修就係d門匙，司機話之後去到後面阿里信號好差，佢就話咁我要盡快呢幾日安排哂d事…應該係做地產。湖南女話之後仲會去尼泊爾…真係有錢有時間

原來扭黑色個粒掣，將粒鐵珠推到落底就會塞住唔出氧。好鬼嘈，煲水聲+噴氣聲


有熱食凍食，仲有酥油茶。唔check房卡，我見司機已經喺度食。

食食下有兩個紅衫僧人，個服務員即刻拎碟畀佢地。
噚日喺車度，佢地話呢度d僧人地位>政府。跟住師傅話呢邊d細佬去返學，除咗免學費，每個女仲有米有油拎返屋企。
湖南女話咁點解見d細路唔返學都去d寺度拜，有d仲乞錢，明明政府畀好福利返學。
香港auntie呢d係信仰，噚日去大昭寺參觀，有個女人嗰女走過來摸我串佛珠。嗰女人話佢個女以後大個會做僧女。

本身話0820出發，結果0815湖南深圳先落去食早餐。香港auntie已經食完checkout埋。

最後0840先出發。

深圳姨>湖南妹>香港姨=廣州
其實都只係自負d…暫時無咩大問題。

你d團友幾有趣

有錢通常自負d

師傅話1030集合，依家自己行。
扎什倫布寺，55蚊…依家淡季全部半價，冬季仲免門票。


入面見到嘅有兩條路，一條轉經路，一條遊覽路，牆上有指示牌。
無導遊，維有睇維基：

[quote]扎什倫布寺（藏語：བཀྲ་ཤིས་ལྷུན་པོ，威利轉寫：bkra shis lhun po，THL：Trashilhünpo，藏語拼音：Zhaxilhünbo），也稱「吉祥須彌寺」，全名為「扎什倫布白吉德欽曲唐結勒南巴傑瓦林」，意為「吉祥須彌聚福殊勝諸方州」，是中國西藏自治區日喀則市最大的寺廟，為四世之後歷代班禪喇嘛駐錫之地。位於日喀則市桑珠孜區城西的尼色日山坡上。它與拉薩的「三大寺」甘丹寺、色拉寺、哲蚌寺合稱格魯派的「四大寺」。四大寺以及青海的塔爾寺和甘肅的拉卜楞寺並列為格魯派的「六大寺」。［/quote ]

有4個紅宮都可以入去嘅，係歷代班禪舍利，仲有個大佛。

左邊轉過去又有白塔，d藏民又轉白塔，跟住轉咗一個圈出返黎。




轉上山又轉返落黎，都有d大風，但太陽曬住就熱。




其實藏民同遊客真係幾大分別，藏民d衫多數黑啡色，唔係拎住佛珠就係轉經筒，曬到又黑又紅。


過咗堆壁畫就轉返落黎門口。



之後去行遊覽路望下。




頭先轉完經路之後，行中間兜下，見到好多人圍住道門。


笑撚死，有4個外國人，有個藏民拍咗拍個鬼佬，做咗個影相嘅手勢。跟住d人輪流同鬼佬合照

d鬼佬後尾頂唔順，唔等開門就走咗

0948開門了

原來係放班禪舍利嘅地方。

轉完出返黎跟住遊覽路指示牌行，會去到另一個紅宮。


大雄寶殿

轉下轉下有一間房有座大佛。



轉下轉下就行咗個半鐘，夠鐘走人，多d時間會好d，山上面仲有個圍住成座寺轉嘅轉經道


無導遊就得個睇字。

佢地見識多，就永遠用自己嘅經驗黎做判斷，但好多時d經驗唔係通用嘅

之後去搞邊防證。

要親身去，帶回鄉證。但佢會問有無帶香港身份證，有就ok，下過最好都係拎埋。

排咗20分鐘。門口有d賣生果/栗子/蕃薯嘅…栗子好食，蕃薯唔甜。

898

我食鹽多過你食飯

邊防證攪左幾錢？

唔使錢，登記only

要4，5個鐘先到珠峰大本營…

好多測速，有d仲喺對面線…仲要成程限速40

坐咗成朝車…



呢度乜膠上海至此5000km…咁都要整個？咁北京5000km呢？廣州5000km呢？


有無有人整返個香港5000km。

開上山又開落山，中間仲有d區間測速限40…



之後1點幾先lunch，太難食，影鋪名都唔記得影


門口有兩隻牛仔喺垃圾筒搵食。
廣州佬話好似食觀音土咁，生喺度就係悲劇。
其實你覺得佢悲劇啫，佢仲好努力咁生存緊，雖然可能長唔大，可以過一日就一日啦

食完飯將今朝買個蕃薯畀咗佢地食，兩啖就食哂又繼續摷垃圾…

之後出發去珠峰大本營，師傅話今日天氣好，應該睇到日照金山，不過d野都係講唔定。

記得果時食野 最清淡係d湯同土豆絲

廢老思維
冇可否認 經驗係好有用
但有啲經驗已經outdated

嗰兩隻唔講嘅話 以為係狗奀到呢

係車會唔會播下歌咁

果時坐車團友播2002的第一場雪 勁好feel
出面好荒毛 遠處有雪山

用上海嚟計 應該係因為佢係中國本土最東邊(唔計東北嘅話)
西藏就最西 可以顯示中國打橫係5000km

318 蟈道太出名啫

唔記得左邊到睇到 5000km 個牌有個大陸人以為5000m 海拔

漏咗兩張