2025 西藏(正篇)-天上阿里，北環線

耐力好應該得，我3個鐘就打柴，又無胃口食野，淨係靠snicker可以挨半個鐘。餅乾都食到。

有做開運動嘅應該都得。3日就肯定輕鬆d。1日就d達人先搞得掂。

你行過朝聖之路2日輕鬆la

呢度高原，唔係無力，係無氣
有對香格里拉父子，老豆76歲，行得快過我地

都係意志力對決
樓主d團友係咪未行完 原本分3日 咁你咪有一日自由時間

呢隻幾靚仔下，但少d見到。


唔行下面石春路了，喺下面睇唔到路，而且一步一滑都唔係幾過癮。


又有冰，雖然好厚下，但有d位又溶溶地，唔係嘅話都落去行下。


d車一開過，就咁。企喺順風位廢事食塵，行步路都無氣，唔好叫我戴口罩


行行下聞到陣燒柴味，有班藏民喺度煮茶飲…仲要順風吹去前面，一路都要聞

曬到僕街呀，本來話想帶個面罩遮遮，抖氣都抖唔順

好大個嘛呢堆。

行緊嘅時候呢就唔覺得缺氧，一停低就會發覺自己係咁抖氣

沿路都上上落落…行到死死下，仲有時會幾大風下


忽然路過個好多嘛呢堆嘅位，對到岡仁波齊




繼續行，大部份河都未溶。

又路過一個補給點，無開

不過有旱廁。

仲唔知點解好多雀喺度


行行下又睇唔到岡介波齊。

路面少量結冰，不過硬咗都還ok。

但day2唔係

1349離遠見到座橋。
轉左止熱寺，直行崗加，正常時候兩邊都有旅館，但崗加影岡仁波齊嘅角度會差d。

咁緊係去止熱寺望下先。

過橋見到好大條冰河


過完橋路邊有隻土撥鼠，上網睇

呢隻怕醜仔縮返咗入個窿度


對面岡加唔知有無開…

呢邊條路又上又落，唉。

呢邊又有經幡廣場，不過唔大。



行餐死先到止熱寺。


呢度影岡仁波齊好睇d。



1430到止熱寺，但無人咁。

走咗上去，有開門，可以睇佛，但都係無人。坐咗喺上面門口休息咗一陣，唔通要喺下面補給點住？又落咗去兜個圈，乜都未開。

再望返上去了，原來止熱寺再行過d仲有野我真係蠢死了。

入面有間開咗，有喼喺度仲唔係住呢度？但無人

結果再蠢一次，再行過d有個廚房，d人喺入面飲緊茶。我坐咗喺度hea，忽然見到有兩個僧人喺廚房走出黎。
走去問佢，有無得住。
其中一個話天葬台間招待所開咗。你有幾多個人？
我加埋d團友5個啊，咁對面崗加有無得住？
唔知喎。你地有5個人？
係啊5個人。天葬台招待所有幾遠？
翻過前面個山口，再行500米就到。
大概要幾耐？
視乎體力喎，一般2個鐘都去到。

可唔可以裝d水。
可以啊，去隔離廚房裝。

於是屌你老味，1500又再出發去天葬台…但其實止熱寺係可以借宿嘅，仲包食。唔使錢
對面嘅崗加應該係有開嘅。

唔係，今日已經係第3日，19號到個日係day1，但無去到行啫。19號未開係可以自己走入去轉。

裝水嗰時，個藏民聽到我去天藏台，叫我行圈住個條"捷徑"


上咗49分鐘先到山腰…

你老板呢d咩路黎…行幾步索哂氣，又斜又多石。

不過後面見到一對香格里拉父子，一野喺下面爆上黎，過埋我

上完d石堆，仲要再上


上完又見到岡仁波齊。


仲要行餐嘔。

跟住撞到兩個廣東人。一個廣州，深圳，都係自駕嘅。


1654終於到天葬台補給點。


入到去見到嗰個香格里拉父子，坐埋佢地度吹水，先知父已76，仲行得鬼死咁快。
吹吹下水，有個藏民帶個小朋友入黎。廣州佬話呢個小朋友都行得好快

跟住深圳佬問床位，老闆娘話瞓呢度(廳)就150，另外有100蚊&70蚊嘅床位。
深圳佬話睇下先。睇完返黎同我地講瞓廳。佢話d房好大陣味。
咁我地就揀咗位，再買野食

揀咗床位之後，我個團友廣州佬問我呢度仲有無位，我話有，佢話幫佢留一個。我講完價錢，佢話唔使了，下面免費。

跟住買八寶粥+野飲。


深圳佬自己帶咗杯面，買咗d野飲再問佢哋要熱水。
之後先發現有得炒菜。

無乜胃口，叫咗個蛋炒飯。

係幾靚仔嘅，但好多生米仲好多未溶嘅鹽。最後食淨咗2啖。

呢度風景係幾好，喺個廳都望到。


跟住聽佢地吹自駕旅遊d野。咩異地還車免費。

我就係度打文，但好奇怪嘅係，喺廳大多時得2格signal，會upload唔到圖。

跟住9點到，佢地會搬一堆煤入黎燒，仲會點藏香，薰勻成間屋。焗死一焗，跟住d人又好鬼嘈，唔記得11定12點先熄燈。
瞓之前團友廣州佬話佢地頭有個團隊去咗寺熱寺幫佢地check血氧，佢地3個都係得7x。如果第二朝都係咁就打道回府。
咁我又check血氧，97。

我都係呢間補給點食過杯麵

訓廳係點？仲貴d既

竟然用煤 唔係用牛屎

瞓廳有燒煤，暖d。房就硬食。

收得人150/100/70仲燒牛屎就真係搵笨

睇條路 真係要有啲行山經驗先掂

我之前珠峰d帳篷都係牛屎 聞聞下浸味都慣症

最大問題係高海拔呼吸難 多肌肉重辛苦

其實跟人行就ok，我地算第一批賣飛嘅遊客，人係少咗d。
再唔係download大陸個兩步路app，入面有大陸d gps軌跡，可以download offline用。我有downloas，但最後都係跟人。

好多錯別字 睇到好辛苦

恭喜巴打完成轉山
之後去古格皇朝遺蹟？
其他年紀大少少既團友狀態如何？同你步伐差唔多，定係成日要等佢地？

好鬼焗，瞓唔到，狂轉身都無幫助。
仲要3點幾唔知做乜，有人拎個鐵狂攪d煤，勁嘈。後尾聽人講，部發電機半夜熄咗，d煤唔知做乜就無再燒…其實唔燒仲好，好鬼焗，我仲驚會一氧化碳中毒。

跟住5點幾未夠6點又開燈，開音樂，薰藏香。原來佢要營業了。你老味。
我checķ下血氧，得返78，連續深呼吸之後再check，82…收皮了但個人好似無乜大反應，仲食埋八寶粥早餐。

跟住煮野d味薰入廳…成身連袋連入面d野都係味，痴線㗎
我哋(下稱深圳哥+廣州哥)諗住天光先出發㗎嘛。
又搬咗d煤入黎燒

佢地話噚晚落咗雪，不過唔影響轉山。

等乜鬼，各自行，嗰個重慶auntie成日搵人幫佢打卡，俾佢捉過一次，搞唔掂。

燒煤燒到缺氧畀我幾凍都會出去抖氣

已經搞唔清樓主係邊度去邊度 同一開始寫嘅行程好似唔太一樣
上面住要錢 下面唔駛 係因為之後唔會落返嚟
咁落返下面住嘅話 係第二日再行一次上去?

今日主打就翻越 卓瑪拉山口 5630米海拔。
不過由於噚日已經上咗天葬台嘅招待所，嗰度已經5千3 ，結果係深圳哥同廣州哥都瞓唔到，全員失眠。
6點幾仲天黑黑，仲可以影到星星，影唔清座山，出面又鬼死咁凍。


深圳哥係咁催快d行，結果未日出就行咗一段路。

0738仲未日出。

好早就已經有人行，仲有藏民已經喺度三步一磕。

好很凍，著到羽絨都唔夠，著埋條風褸做面都勉強。而且凍到手凍，上次華山送個對勞工手套好過無，再開咗2個暖包貼手背，勉強好d。借咗深圳哥一支行山棍黎用。

d雪下面有冰，有d好鬼跣，無支行山棍我可能跌咗一跤。


呢個深圳哥。過咗天葬台補給站之後上山，一大段都係呢種石頭路，落咗雪就更奶野，會跣。


0803日出就得返1/3個岡仁波齊，唉真係可惜


岡仁波齊左邊有座尖尖嘅山，唔知叫乜。


藏叫喺呢環境都三步一磕，真係唔知講乜。


之後一段冰雪交加嘅上坡，踩雪就ok

日照金山啊，可借岡仁波齊已經被遮住。


上完前面個段坡會有一小段平路。

都幾多人。

無啦啦香格里拉個仔走黎問我地有無見到佢老豆。
深圳哥話頭先見佢老豆上坡就兜返咗落去。阿仔就跑返去搵佢老豆…堅係跑


條平路有一段係純冰面，唔知夏天溶唔溶，溶咗會點…

藏民冰面朝拜。

又要上坡，又係石頭路。

行咗唔夠一個鐘，深圳哥已經lead住行，而我都係行一陣抖一陣


右上角有個尖尖嘅山，佢地話上面就卓瑪拉山口。

有一班人已經準備進擊呢個山口

休息咗3分鐘，佢地已經上咗一半


0903越過經幡
我地都衝擊卓瑪拉山口

上呢度會見到岡仁波齊喺後面。


一路上都望住呢座山。


上到黎一個平台，好多嘛呢堆

之後又要繼續上

以前睇人地爬雪山個d片，d人慢吞吞咁，發生喺我身上…因為高，動作大d都扯𠱼咁。

0926之後終於都到頂(卓瑪拉山口)，終於曬到太陽。
幫佢地打張卡。

跟住就喺度講，我地噚日行多咗2個鐘到天葬台，都行咗咁耐先到呢度，深圳湖南佢地行唔行到㗎。
深圳廣州哥噚日有喺止熱寺遇到佢深圳湖南，原來深圳姨係信佛，誠心黎轉山，仲話準備咗幾年。