2025 西藏(正篇)-天上阿里，北環線

20年前去西藏轉山, 回鄉証唔駛搞邊防証, 唔想同人夾錢包車(Toyota 62/4500), 就要坐巴士, 冇巴士就坐順風車

D所謂順風車都係東風/解放大卡車, 截到車都要同司機講價, 講掂數就坐係司機隔離, D貨車一般都有兩個司機輪流開車, 除咗食同解放外, 基本係7x24無間狂奔, 所以可以全程由朝到晚對住大銀幕全天候任睇青藏高原風光兼無間吸收高原紫外線

之後司機開車去到邊度停車飲茶放水, 食飯訓覺都係佢話哂事, 出咗拉薩後一路向西都係沙石土路, D大貨車地板油開足馬力勁奔, 凳到屁股開花, 而家就全程高速, 一上車即刻瞓著

過咗日喀則之後, 要去到獅泉河先會有酒店, 後藏南北線/新藏線沿途都係住10蚊一晚嘅床位, 成個星期都冇涼沖, 要到獅泉河先會有5蚊一次嘅洗澡店, 邊似而家周圍都係標間酒店房全日冷暖氣熱水wifi, 晚晚麻辣火鍋凍啤酒咁嘆

咁當年轉完山, 搵到架順風車去咗瑪旁雍錯雄巴村浸温泉, 點知等咗兩日都冇車路過, 要行返出巴嘠

以前去西藏係咪要入藏函？

青藏公路, 坐飛機入藏要入藏紙

尼泊爾友誼公路, 新藏線/滇藏線就唔駛, 因為冇人check

唔怪之得話係阿里區盪失路好危險

真係乜都冇

注意藏民
點解？？？？

佢意思係話, 呢度山高皇帝遠, 唔好去猜度人嘅善惡

司機就俾人打電話鬧
邊個報串

前一句咪寫咗, 部車有cam錄車內嘅野, 仲會即時upload, 仲要有人check/ai check

咁你哋吹水嘅內容咪知道晒
依家科技咁發達嘅😱😱

竟然有monster engery🤣🤣

等幾耐

但鬧佢啲咩？
唔去縮文布南村有咩問題

鬧佢幫d客逃票…因為湖南妹係咁叫佢車我地入去瑪旁雍措。
其實好撚搞笑，收費個度嗰日其實仲未開門，要4月20先同岡仁波齊一齊開…但旅遊社就覺得官方未開就唔可以入去，唔想揹飛。
司機停咗喺門口叫我地自己行入去，最後都係無車到入去。但實在係有d遠，可能要行一個鐘先到湖邊。
如果自駕就直接開入去，睇住其他人開咗入去。

哦大陸啲監控真係好癲