2025 西藏(正篇)-天上阿里，北環線

無問，佢都無show出黎，d相都無影到

山竹一市斤37.5
士多啤梨一兜28.5

中國講景嘅話 西藏新疆都係世十之內
可惜呢……希望有生之年去到

我想行烏孫古道，靚到痴線

我係聽日先入去，只係司機話要趕時間搞邊防證，希望聽日冇古怪嘢可以住返晚

忽然又落雪

路過一個 錯堆熱日 隔離嘅湖，


過咗個山口就乜雪都無哂，仲有太陽。

又s型落山。

落山到 折巴鄉


過咗折巴鄉又要上落一座山，仲鬼死咁曬。一日四季。

到今日為止，遇過4個踩單車嘅

落山之後左邊舊薩嘎。

右邊新薩嘎

今晚住舊薩嘎，要檢查邊防證。香港人要搵個拎哂d證落去登記。

今晚間房，hmmm，湖南深圳今晚想試下住經濟型嘅酒店，平100蚊，睇下有咩分別。



唔知係我on9，定新發現。用佢酒店wifi上唔到連登，但upload到圖

我發現樓主d房好多都靚 我果時住果d好經濟 裝修無咁靚
有晚唔記得原本酒店唔夠房定點 司機車我同另外2個男仔去左青旅住多人房

同深圳差唔多

樓主住青旅間房都好靚

單人靚房 雖然多人房都唔差

依家報團唔俾住經濟型，佢話無招呼外賓資格。

呢間堅係ok，除咗無毛巾，無供氧，仲要行樓梯
如果本身有高反應該死畀你睇。

即係變相外國人要硬食住貴野 雖然都唔係貴好多

新post 留名支持
當年去珠峰大本營真係訓帳幕，已經無印象有幾凍但起碼訓得到的，估唔到而家有埋酒店，而且都係睇唔到日照金山
估唔到而家起埋酒店，我諗呢樣都算正面既，但不如搞好個廁所同將部份帳幕改成glamping 款，點都好過大興土木

之後喺薩嘎縣晚飯，廣州佬話胃唔舒服，唔黎食辣野。其實我見佢日日都食2次藥，咩 奧美拉唑扬片。google完係胃藥黎。醫生有胃病都好正常嘅。
重慶姨話想去食面，唔join。

本黎司機噚晚話介紹食間冒菜，中間發生咗d野，深圳湖南話唔住呢間酒店，要去睇經濟型嘅。司機帶咗佢地去睇兩間，佢地話都幾差下。
深圳姨話自己都係做酒店嘅，唔會住我依家住緊個間(歐冠精品大酒店)。最後佢地揀咗附近另一間桔子富氧酒店，間野大堂睇落都靚d。
唔知係咪搞到司機唔happy，湖南妹問佢間冒菜喺邊都無覆。最後打畀佢叫佢過黎食飯先出咗黎。



一開頭搵唔到間冒菜喺邊，又想食羊肉串，就入咗間叫領航羊嘅…都唔算差。中間個盆就係冒菜，冒菜其實就係四川版嘅關東煮…揀完菜，佢幫你打邊爐煮熟佢，再畀個鍋你。

食飯個時講下d餸好唔好食個d廢話。
師傅話呢個薩嘎縣特別容易高反，比起珠峰/岡仁波齊都要嚴重，但又無講清楚點解。不過我喺出面路過，呢邊好大塵。
最後又講轉山，深圳姨問師傅呢幾日你睇我地情況，我應該轉到吧？
湖南妹話不怕，有咩事我揹佢，或者直接叫直升機。師傅無正面回應。
講講下發現原來師傅差唔多60歲，睇落似4x。
食完之後，同師傅吹水，又講起轉山，師傅話呢團應該得我同個湖南妹轉到，因為聽日要下晝先去到塔欽，得半日時間轉前半段。但如果一齊轉，就可能轉不了。
睇黎想勸退另外三個。
我話其實可以說好，如果第一日行唔到去止熱寺，第二日就原路返回。

深圳姨第一日就喺度吸氧，日日都要吸。
重慶姨行得極慢，佢應該行唔哂55km。加上未正式開山，無景區巴士。
廣州男我就唔知佢做乜唔得。
湖南妹勁好體力，喺車狂食狂瞓，到景點又跑又跳都得。
分兩日轉我應該handle到，1日就有d極限。

返到酒店，8點半開始供氧…一如以往熄咗佢

聽日呢度去塔欽縣好似成500km…跟住下晝先轉山，真係會死畀你睇
之前睇人地轉山個d vlog，多數喺塔欽住一晚，第二朝先去轉。

聽朝7半早餐，8點出發。

對個d有高反嘅人黎講係好事，起碼酒店有供氧，好過無。睇完日落都8點幾，再搭景區大巴返落下面d村都9點。如果仲要再返出去景區外酒店就太遠了。
不過我無問，朝早有無得上返去睇日出。

200蚊同300蚊嘅分別…其實都真係唔差幾多。仲兩個人除。鍾意仲可以自己一個人住。隨時平過喺歐洲住hostel

上年去係峰大本營訓帳幕 打埋邊爐
夜晚出去影星 岩岩好中秋 特別好FEEL

唔記得講，珠峰下面巴松村間酒店，朝早無熱水。慣咗朝早先沖涼嘅人記得每間酒店都要問下。

以前睇其他人寫嘅遊記，話夜晚係大本營去痾屎要小心，個洞下面就係屎山

係 之前係旱廁 差錯腳就係咁先 有幸係果到放低過幾舊屎 果日坐山就快上到地板

樓主d團友好散 日日簡酒店 簡餐廳 唔齊人 真係純併車

當年仲有得過夜時影到佢咁 仲有頂帽 好搞笑