2025 西藏(正篇)-天上阿里，北環線

喺鎮入面嘅牛都係搵垃圾食，呢兩隻喺度食紙皮。我將頭先食淨嘅印度米裝咗落杯，走埋去，佢就退，可能驚我打佢。我灑咗d米落d紙皮度。隻黑牛過黎奶哂。


1點過d食完飯又出發，d雲真係好低。

司機頭先喺wechat group send咗珠峰景區停售公告。
https://mp.weixin.qq.com/s/otiXdfKbdSZw-nTcsx02Hg

師傅話我地都幾好運，今晚再問下岡仁波齊轉山點，好運嘅人去到邊都好運。
承你貴言

深圳姨未開車就話想去廁所，師傅話一陣搵個地方放低你去。
千祈唔好信，已經開咗15分鐘車都未搵到呢個地方，其實應該行返去頭先食飯個度去埋個廁所。

呢邊其實幾多河&湖，但硬係無乜草，又乾燥。

路過個聶木縣乃龍鄉，臨出村先有廁所。

個廁所出奇地乾淨，但無水洗手。

珠峰落緊大雪？

好慘，師傅話有d團去到門口先無得入。

睇字都覺得個團好嘈

已經無心嘈，一個二個成日瞓覺。不過瞓醒就無嘈一陣。湖南妹氣氛組嘅，成日講埋d笑話同d奇想。

湖南妹聽落食得過

嘩 樓豬個團唔得wo 太早
山又無得轉
珠峰又住唔到base camp過夜 珠峰最重要一定係base camp帳幕過夜 雖然依家拉後左好多

係，太早，應該5月中之後會好好多

而家ebc去到絨布寺，以前個位變左1號camp

遠左好撚多 之前個位係再行一段亂石路先見到1號camp

宜家又話開返

咁咪啱，下晝入去睇日落

已經用咗7gb data，希望張kucky sim係真無限。

其實一路上好多羊/牛，不過多數都好遠。之後去到阿里無人區唔知見唔見到其他野生動物


好長嘅路。

暫時最靚嘅馬路就今朝出景區，又直又有雪山做背景。但雪山喺背面，望前面只係一般。

路過古措村，有兩隻好大隻嘅牛


香港有d屋唔近地鐵站已經覺得唔方便。呢d村簡直將唔方便演繹到極致。


路過一個叫門布鄉嘅，呢度都有野食。


瞓咗陣，師傅問有無人要拍個野驢…原來我影到矇咗。


培孜村附近


佩枯措附近，好多放牧嘅。一羊一啖口水都浸死我


停咗車喺度等區間測速

隔離有個山頭，爬上去影遠少少。

沿路都見到，希夏邦馬峰

隔離連住一片雪山

另外係拉薩嗰陣 有冇留意過生果咩價錢

其實係路邊痾得唔得如果唔怕有人見到嘅話

如果唔瞓咁咪嘈到仆街想靜靜地睇下風景都唔得

Ching 係邊報團？

淘寶

lucky sim 係大陸用咩台？

青旅隔離間商場嘅超市價。

用聯通/電信多。但移動會收得好d。

上網速度如何？

夠upload相去連登
噚晚睇片有d lag

好遠望到佩枯措，佩沽措，湖入面嘅混血王子，半咸淡水。


搵個位停低試下行過去湖邊。


佩枯措，湖邊。唔知遲d會唔會圈起收錢




個湖又綠又藍都幾靚，行遠d仲可以影埋希夏邦馬峰。

之後再開車上觀景台，呢度有幾檔咖啡車，有個旱廁。

影湖一般。

呢度影山靚d。


佩枯措upload可以去到5MB/s，upload張全景相3x MB，跟住就upload fail

即磨幾錢一杯？