《虎毒不》集中討論區

呢套戲反思生仔定抑鬱？
產後抑鬱，一半係靠身邊人支持/藥物，一半始終係靠自己。
上面有人提過，冇錢唔好生仔，其實唔完全關事，當個呀媽有病時，就算十個工人一百億身家佢都係會有相對嘅問題（例如最常見嘅不信任）。
抑鬱症就係無論你身處任何情況都會亂諗嘢，將自己迫向逆境。做佢身邊嘅人會仲辛苦，冇病都變病埋一份。

講返電影，如果可以俾觀眾一個出路/ 情緒出口，就算一時三刻，點都好過佢down完更down，呢套戲，講個極端例，真係有情緒問題嘅睇完去自殺/攬住bb跳樓/一屍兩命，個導演可以置身事外？

反思點樣避免產後抑鬱，自己同身邊嘅人可以做咩，點樣做得更好

同埋可以思考成個社會對於媽媽、女人、甚至每個人嘅壓迫係唔係太大？點樣去改善？

好過一味灌輸正能量。如果驚情緒有問題嘅人睇完套戲會出事，不如諗下點樣喺現實入面幫佢地走情緒困境，諗下個社會點樣變得更好唔再壓迫人，因為套戲係反映緊現實。

唔係嘛，選擇拍個最爛嘅結局但調返轉掟個波叫觀眾思考點樣避免？

我夠可以話就係因為思考唔掂所以先走上絕路，咁係咪暗中比咗呢個訊息觀眾。我真心理解唔到點解負到極端嘅能量會好過一味灌輸正能量。而且唔係得正同負，黮樣喺負之中帶出「冇咁負」都可以係一種心態，結局都會完全唔同。

講咗，現實已經有新聞各大小媒體討論區報導，多必電影要多此一舉再咁放大

係咪又係鏗鏘集？

好多人比較埋年少同爸爸，有冇諗過呢兩套係一開始已經發生悲劇，再描述仍然在生嘅人點樣走出陰霾。同呢套用悲劇嚟做結局爭好遠

睇完劇透唔打算睇了。我覺得唔啱睇就唔好睇，正如鬼片冇得逼。

電影可以更深入描寫唔同社會問題，用戲劇方式表達更吸引人去了解

睇完，我覺得佢好強行將全部生育會令人崩潰的元素塞曬落一套戲度，而係呢個年代，講緊係80-90甚至00出世的一代，有幾多人會真係冇諗清諗楚先生，一路睇一路反白眼

反面教材一樣可以引起觀眾反思

另外呢種拍法最唔討好係因為大部分人都共情唔到劇中女主角的想法，感覺好似係佢自己拎黎咁，又人奶又唔比奶奶湊，可唔可以唔好有咩就掉曬比抑鬱，其實抑鬱都可以拍得好睇

同埋我見到有人話佢寫實，寫實左d乜？全部劇情我相信現實都會有發生過，但有好多位係夾硬塞曬去比同一個女主角面對，仲叫寫實？夾硬寫ja下嘛？如果有劇組人見到，唔該你地反省下

覺得如果部戲係極端地負面只係顯得部戲太單一啫, 但唔覺得電影一定要正面, 好多嘢而家觀眾識消化㗎啦
同埋陳小娟又真係做咗人阿媽, 佢都有條件咁講故事, 呢種態度都要尊重掛

呢套戲有人話仲頹過manchester by the sea

應該整個新手爸爸專場比我地圍爐看下

第二段真是好同意，近乎是賣弄式惡意

戇鳩，就係講緊嗰啲關心冇撚用

新聞睇完就算，數字嚟
電影將件事血淋淋擺喺觀眾眼前，觀眾坐定定接收，都係一個取向

同埋引起話題已經負起社會責任

我覺得佢哋睇完套戲唔開心，難以接受，係因為一直以來唔知道，而家終於知道，所以第一反應係抗拒

如果睇完唔開心，覺得驚
應該多啲留意身邊嘅人，返去孝順媽媽
好過勸退人，解決提出問題嘅人

我望住呢啲comment都一路睇一路反白眼

後悔入場
正如上面所講
好無hope
睇完好lost
連回甘味都無

係
佢哋同戲入面其他人冇咩分別
覺得自己啲建議幫咗手
實際只係怪人點解自己搞唔掂

好多人覺得電影就係娛樂，係現實嘅逃避，因為人創造嘅可以創造happy ending。但係真正好嘅藝術應該係一面面對真實嘅鏡。我甚至鍾意睇一啲覺得睇唔明，甚至反感嘅戲（唔係低質/血腥嗰種），代表裡面一定有啲嘢係自己要面對或者學習嘅嘢。真正嘅信仰應該經得起破碎重組，而電影，或者任何嘅藝術都只係途徑。

其實一套戲可以令人咁抗拒代表佢中咗一啲嘢差嘅戲只會令人無感，或者「唉屌又睇咗爛片，算我唔好彩。」你見佢一直Mon住post喪屌，其實係咪篤中咗佢邊度

不過我覺延續自己dna呢件事的確係要夠能力先好做
主角真係未夠能力+身邊人冇心/冇能力幫到佢
所以呢個結局好合理

估唔到無拍女主屌返奶奶一鑊
連婆媳線都由頭壓抑到尾