《虎毒不》集中討論區

屌 講得好中

婆媳少啲見咪少啲糾紛

而家避開唔見，即係解決唔到啦
講返套戲咁將全部問題掉晒落去，咁女主角緊係攬炒la
我就覺得導演拍成咁係純粹想自己發洩一波，因為現實中大部份人都會學識妥協。

睇完，覺得戲既內容係相當寫實。不過要張咁多內容，要濃縮到兩個鐘內，所以觀感上變成好似賣慘咁。例如晚晚無得訓，身形走樣，身份認同問題，心靈上既崩潰、演變到鑽牛角尖。

好多留言話戲中既女主角既做法唔合邏輯，唔識變通，好難共情。但依一套電影，係演繹緊好多新手媽媽既狀態，並唔係教科書講一位「合邏輯」既媽媽應該點樣做決定。站係上帝視覺，我直頭會叫佢唔好同依個男人生。

我之前都諗左好耐生唔生仔，搵左好多資料、supplements 都食埋，但思前想後都係傾向唔生。正正就係考慮到戲中入面既困境。所以套戲一開始媽媽抱住個bb好攰既樣，我已經好共情到，即刻眼濕濕😟。

作為一個媽媽，我會希望自己俾最好既野佢，所以我會理解點解主角會咁盡力想餵母乳，見到其他人成功上奶，好多奶水，陷入一個自責既loop入面，係唔係自己做得唔夠多？唔夠好？ 企係第三者角度，依d諗法係唔理性既。

社會身份角色既轉變。一個女人變成新手媽媽，社會上會認定你要先照顧小朋友,包括媽媽自己都會咁諗。但「我」呢？ 我既身份認同，價值應該如何建立？ 我係唔係要拋低自己去成就小朋友？但我又好想對個小朋友負責。戲中既主角都陷入依個矛盾當中。

我好建議討論緊生唔生小朋友既情侶，帶埋男方去睇依套戲。因為講到好多作為女人既難處同身體既轉變。例如身形走樣、乳頭變黑、漏尿、脫髮、性生活可能受影響。依d好多時係男方未生前，係無法想像既。

其實會令人blame the victim，覺得主角鑽牛角尖，共情唔到，未必係社會嘅同理心不足，或者社會關注不足，可以係套戲拍得差

呢幾日見到最多嘅comment就係唔敢生仔、係一套現實嘅恐怖片等等，如其話個結局拍得唔好，不如話導演立心不良就係要帶出呢個訊息，佢係真心想整死，話open end 已經好留手，唔好講咩叫人關注產後抑鬱

成就小朋友就要拋低自己係咩邏輯？而家好多人講到湊仔係零和遊戲咁，返工都係拋低自己成就個老闆架

一個女人變成新手媽媽，社會上會認定你要先照顧小朋友

我覺得好正常
只係唔應該只係放喺女性身上
想延續自己dna，又唔想照顧佢先？
咁係自相矛盾

但「我」呢？ 我既身份認同，價值應該如何建立？ 我係唔係要拋低自己去成就小朋友？

延續自己dna就一定有所犧牲
只係唔一定要女性犧牲所有
呢個要同另一半夾，大家犧牲啲咩
掉轉如果係男方犧牲事業，向女方拎錢又畀唔出
我都會覺得條女對自己嗰半份dna唔負責
但如果要求完全冇犧牲，係唔可能

生仔唔係victim
咁因為產後抑鬱而最後走上絕路嘅有資格成為victim嗎？
我感覺到其實成套戲只係想觀眾對新手媽媽有更多的同理心，多幾個芬姨，就會少幾個阿貞。

其實我意思並唔係“女人自己on9”
我意思係好多位唔認同呢套戲呢位主角嘅抉擇
亦即係呢位角色，並唔係現實所有女性
我針對嘅係套戲嘅處理手法

上面我有提到
淑貞呢個角色應該結婚前溝通好
生仔前點樣既返工，又湊仔
我相信唔係生咗之後先意會到嘅問題
喺呢點上淑貞唔係純victim

老公一家幫唔到手我大致認同
但佢結婚好明顯係揀錯人
同奶奶相處得唔好，育兒方針唔夾，應該唔係生咗先睇得出
奶奶講嘢難聽、鍾意符水呢啲，一路一齊住開嘅話，唔會生咗先發覺會咁
由此我認為劇本太過刻意寫衰啲人，亦寫蠢咗女主角

劇本中淑貞呢個角色想要support好合理
但有兩個問題：
1. 佢喺唔識畀support嘅人不斷求support，係緣木求魚。老公一家唔會明，係無論淑貞點講，嗰刻都唔會明。我唔係話老公一家做得好，反而佢哋嘅不濟塑造得太明顯，正常應該要退避三舍，但導演係逼淑貞同佢哋糾纏。呢點我認為劇本寫到淑貞呢個角色本身唔識睇人，令我對佢同情有限。

2. 淑貞有無紓緩個重擔？其他人幫唔到咩手，無計，但至少佢唔好為自己增加重擔。結果佢驚無咗自己而不斷返工，係返體力勞動嘅全職。當佢一路返開唔想無咗份工，搞到自己好辛苦，到佢無咗份工，佢唔係俾自己抖，佢係逼自己更辛苦。如果話佢返嘅工係金融、係sales，唔可以離開市場或者斷咗人脈，咁樣講得通。但麵包師傅應該無咁大問題，除非佢寫到一辭咗職就搵唔返份工，但睇返套戲呢行又唔係咁。上面我提過一個折衷辦法，就係返兼職。只要佢肯放棄暫時返全職呢個念頭，佢壓力至少輕一半。

劇本要寫到淑貞無可奈何，固然要寫到佢無退路，但一路睇我認為好多退路，而淑貞唔肯揀，呢一點我認為係劇本不足。

或者你對呢套戲同呢個議題好大感觸
或者你唔認同我睇法
無問題，但請先唔好扭曲我原意，格硬講成我針對女性
否則只係徒添拗撬，淪為口舌之爭
或者你可以先睇返頭兩三版，我由始至終唔認同嘅係套戲嘅處理手法

生仔唔係victim
咁因為產後抑鬱而最後走上絕路嘅有資格成為victim嗎？
我感覺到其實成套戲只係想觀眾對新手媽媽有更多的同理心，多幾個芬姨，就會少幾個阿貞。

上面巴打講嘅係“唔諗清楚就生嘅人”唔係victim
你講嘅係"生仔(嘅人)"

1.生仔嘅人
- (A)諗清楚而生嘅人
- (B)唔諗清楚而生嘅人

佢講嘅係"1B非victim"
你講嘅係"1.非victim"

你覺得咁叫中哂？
張點心紙剔得更多嘅都大有人在
我完全覺得佢放喺主角身上的情況已經係最最最common了

可能你係一個好隊友、同老婆嘅育兒經歷相對輕鬆所以覺得套戲太誇張。但你接觸嘅只係自己同太太單一經驗，你問多10個丫，唔使睇bk上轉threads都大把。更多嘅人係經歷過、跨過去了，而唔係無出現過呢啲問題。

可能呢套電影太真實講中要害
太多人接受唔到

唔算
吸煙肺癌死咗會唔會係victim?
故事的確冇話佢被迫結婚生b
只有生咗之後性別定型畀嘅壓力
呢個可以係
但生仔唔係

其實我唔太認同佢係產後抑鬱嗰種抑鬱
佢唔係突然冇原因了無生趣
而係真係各樣加啲稻草

想多啲芬姨，可以
但話自己揀嘅完有後果係victim並唔達致你要嘅效果

你叫我問多十個，老實講我就係身邊啲老豆都好識湊學其他ching話齋人奶唔夠補奶粉係常識level 操作

唯一識同普遍會有咪係婆媳糾紛囉

其實呢産後抑鬱有幾多芬姨都無用

抑鬱個隻鑽牛角尖係可以有被害妄想

最緊要係睇精神科食藥

不過講多句食精神科藥就唔餵得人奶

其實我覺得故事開始咗之後佢都冇得點揀
現實考慮佢唔可以唔返工
佢老公份糧唔夠養b

依個係講緊媽媽照顧小朋友既內心掙扎，你講合唔合邏輯，可能唔合家？ 處於極度負面情緒既時候，如何理性？

但你用返工做比較，就有d唔同。返工有收工，但做媽媽係無收工。正如戲中所講無AL無termination。

可能你未共情到女性面對生小朋友既心理扎掙。你企係上帝視覺去思考依件事。