《虎毒不》集中討論區

唔係唔面對現實問題
年少日記同爸爸我認為好
因為佢哋帶到問題後，再帶觀眾出困局

呢套戲係自己創造個困局，然後踢觀眾入去
要觀眾一齊受苦
受完苦，佢唔係帶觀眾出困局
佢係推觀眾落水塘

年少日記同爸爸係想人消化創傷
如果本身有啲抑鬱嘅孕婦或媽媽睇完呢套戲
你覺得佢哋係咪會改善咗情緒

你講得岩, 我都期望呢套電影可以做到咁正面既效果
但我+朋友+場內聽到好多次打喊露+樓上幾位留言者, 都攞唔到咁正面既message。講返我自己, 覺得可惜既係編劇&導演 (都是同一人) 太草草地將所有諗得到既問題都一次過扔晒落去, 結果令到我自己 (講緊我自己呀下), 冇凳女主角可憐, 反而過程中有少少厭惡, 點解要拍到咁

對此我認為呢套戲做唔到
話佢改善唔到情緒只係客氣說話
直接啲講，其實係憂心有人睇完會做傻事
可能有新媽媽壓力極大
心諗呢套戲可能有共鳴，又睇到導演話想人關注產後女性，一心入去睇下點
假使佢睇到好投入，然後想知主角最後點
睇到結局，我係憂心會感染到佢情緒而做傻事

我都鍾意悲觀黑暗嘅電影
但同時電影對公眾有影響力
如果佢黑暗得來帶到訊息或者藝術畀觀眾
抵消咗本身對觀眾嘅負面影響，咁我認為可以

但如果盲目對觀眾有好深嘅負面影響
其他嘢又唔係好到可以彌補到呢點
咁就覺得平衡唔到，負面得好無謂
正正係我認為呢套戲嘅情況

林夕：自從2003年張國榮離開以後，我自己很後悔的事情是，在他病患比較嚴重的時候，我還是寫一些很悲慘的歌。所以我越來越發覺，流行曲其實不單讓人發洩悲哀，也應該有多一些比較正面的東西，或者是一些有啟發的東西，讓你可以啟發到一個聽眾，可以能夠用一種比較積極的態度去面對生活。所以我2003年以後的歌詞都有一種使命，是希望讓人除了發洩悲哀，還有如何找到快樂。

林夕的這種轉變一方面源自於香港整個大環境的壓力以及好友的離去，另一方面則是因為在千禧年前後，他開始受到焦慮症的侵襲。
https://phtv.ifeng.com/program/mrmdm/200709/0904_1597_212924_1.shtml

好認同師兄你講法
有人話電影唔一定要比正面訊息, 我都好認同, 而且我認為呢個係一個獨立於《虎毒不》以外既一個討論, 可以另外開一個page 大家交流一下

我(本人)對《虎毒不》失望, 正正如師兄所言, 陳小娟係話自己想帶起社會對女性生育既關注, 而我假設, 佢係女性爭取多一點正面影響

但呢部戲入面, 睇到陳小娟貪心地將所有諗得到既生育問題扔晒入只有110mins 既電影入面, 冇再加空間同觀眾討論/ 反思, 我同朋友s睇完套戲不但止無對女主角冇mercy, 仲嬲左陳小娟, 點解一方面要拍 1)女主角屋企人其實都算supportive 2) 舊老闆其實都唔算harsh 3) 女主角堅持做返人工低又需要勞力既工作 4)係女主角一方面要me time 一方面話自己好愛個女..

以上等等都有機會令觀眾覺得, 女主角係自討苦吃.. 仲有好多其他抵消唔到既point, 唔詳列了

劇中男女主角都唔算有錢（無錢買/租樓要同老爺奶奶住、女方戶口得兩皮、男做順豐）