《虎毒不》集中討論區

你應該無生過

生完之後d荷爾蒙 令到個人好似鬼上身

我算係咁，有老公，有啊媽幫手，但都瀨瀨地野

試過有次啊媽幫我餵奶，個刻個腦竟然覺得啊媽想搶我bb。即頭想喊咁濟

我唔敢諗如果我生個陣 零support 老公又唔理個陣 我會變成點 要抑鬱幾耐

咁個奶奶咪仲無敵？養到個仔咁大

我都明白産後抑鬱真係情緒大起大落

但係套戲唔洗放晒衰人落去囉太誇張

我反而覺得套戲係無一面倒嘅衰人

個現實就係咁，唔一定係電視劇咁有明確嘅大惡人，而係一啲一啲嘅小惡，推人入深淵
利申唔會生，但睇完我好有反思，唔係上面咁講比套戲「嚇」

套野所有演員都做得好好 唯獨個劇情真係不敢恭維 我知成套野係想拍出產後抑鬱既問題 但入面d情節真係好難令人共情 因為根本唔make sense

個阿媽準備左六年先生 又話為個BB好 一定要喂人奶 但又餵唔掂 個奶奶心痛個孫 偷偷地餵奶粉 阿媽即刻發難 唔比佢湊 但佢自己又湊唔掂 夜晚個女餓醒 又係堅持揼奶 餵唔掂怕嘈到人寧願走去池塘邊餵蚊都唔飲奶粉 之後又怪個B做乜成日喊 不停係咁loop 大佬啊 你比我係個B又餓又痕又熱我都喊啦下話

之前個套爸爸 作為同一類型既戲 容易令人共情好多 因為就算我哋唔個仔點解諗唔通 香港人或多或少都睇過單新聞 知道有人真係會咁諗 會一齊由爸爸既角度去探討呢個無解既問題

而呢套戲 充斥住負能量 將每一個湊B既情景都諗到最衰 你可以話真係有d極端既人會有咁既諗法 但又一個真實既個案去做support 比我感覺個導演唔係想我哋去關注產後抑鬱既問題 純粹想叫大家唔好生

有過生過小朋友的可以話呢套野太真實, 你可能會覺得唔make sense,
但係產後抑鬱那重心態同女主角的心路歷情, 我可以講佢係表達得絕對準確.

有d 位確實有d 誇張, 但呢套戲比我的感覺就係要多d 關心新手媽媽, 及時申出援手, 否則崩潰只會係一瞬間.
同埋弒嬰/虐兒/自殺事件其實不時發生, 有人理解過佢地嗎?
深井那一單媽媽掉BB 落橋的事件我到呢一刻都覺得好SAD

我覺得套戲有d矛盾位好怪，又要返工，Bb病左冇得早退照顧佢，唔係更加想留返係屋企湊仔咩？其實返得工就預左照顧唔到個bb

唔夠奶驚個女瘦，想佢飲多d奶，唔係諗埋飲奶粉咩

自己都有個bb，餵過一段時間母乳，個仔飲唔夠成日喊，最後飲奶粉大

有劇情大漏洞，成套戲說明力就會大打折扣，表達唔到核心訊息喇

Logic fail,劇本唔合理乜都係假

岩岩生b後媽媽的心態會想自己照顧晒bb 所有野, 亦唔信任其他人, 但同事佢亦想keep 到佢ge 事業. 呢到我諗想帶出反差帶出放棄自我的爭扎.

有個階段醫院唔只推崇母乳, 直情係好似洗你腦甘母乳先係比最好的禮物BB. 佢餵唔到母乳所以有內疚感, 餵奶粉更加有罪惡感.
同埋要明白角色唔係純粹正常人邏輯, 佢有產後抑鬱鑽了牛角尖唔奇.

佢咁堅持咪就係自我感動囉
無錯人奶一定好過奶粉
但係當自己唔夠奶水 就要變通架啦
佢似想做個好媽媽的模樣多過真係為個B好

產後抑鬱係後期攪到咁先出現

冇錯 根本成套戲好似同奶粉有仇咁 我明人奶係有佢既好處 咁但係你冇奶係咪寧願餵少d比個女都唔可以比奶粉 戲入面個女飲親奶粉都笑晒口 根本平時就係餓親 大佬以前d女人冇奶都識搵奶媽補奶 現代有奶粉呢d科技佢都唔肯用 你人奶加奶粉都好啊下話 成套野睇到我想界櫈

產後抑鬱其實生左bb 後唔多唔少已經有, 只係去到咩程度., 而唔係只係後期先出現.
因為生完bb 荷爾蒙轉變, 係直情變左另一個人甘.
好似m 到, 但唔係暴燥, 而係沉鬱&鑽牛角尖.
唔係話所有人都係甘, 但係我諗有過小朋友的會體會到.

問題係成套戲邏輯唔通，你會覺得係成件事係因為堅持淨人奶攪出嚟，多Q餘，好敗筆

重有，套戲嘅劇情唔係咁，上半場好好地，係攪攪下burn out, 先急轉直下

如果想表達主角係受社會壓力影響，劇情要交代，否則套戲冇說服力

我有小朋友就覺得唔太真實

健康院見到bb追唔到生長線都唔會唔理啦隨時轉介醫生開肥仔奶粉

只能恭喜你說你好好彩

如果套戲只能令到某啲媽咪觀眾圍爐取暖就失敗咗

再見瑩火蟲咁囉，好慘得嚟其實自己on9

同意，要觀眾接受到主角唔合理嘅決定，首先就係要觀眾代入到主角嘅處境或者好喜歡個主角令人忘記合唔合理。