《虎毒不》集中討論區

你頭幾句就已經證明佢唔係well prepared for生仔女
根本佢身心都未準備好

同埋唔使睇啲媽媽寫信畀自己

我自己都經歷過兩次因為情緒問題同寫信給自己
第一次直頭曾經諗過去死
依家望返都會覺得有一半係自己當時鑽牛角尖，聽唔入其他人既意見

無論如何，難捱既日子總會過
最重要係堅持落去，只要唔放棄就會見到曙光
但曙光未必係指所有問題迎刃而解，可以係自己放低執著，接受依家既自己
呢個就係我同自己對話所得出既結論

我唔覺得電影有任何那怕係一絲既鼓勵
成套戲似恐嚇人叫人唔好生仔多啲

我覺得淑貞同偉都未ready做人老豆老母

佢最初原因係想返返工
有自己獨立收入
但故事繼續落講咗
佢哋養b嘅錢要兩個夾埋先夠
如果唔使兩個，女主角戶口啲錢唔會少
所以故事係老公一個養唔起

生小朋友好多時就係個個都以為自己well prepared，但生咗先知原來咁辛苦

你自己都識講，沉咗落去嘅時候就係會鑽牛角尖，如果當時有人同你講返你而家講嘅呢啲心靈雞湯，你都會覺得佢bullshit

呢套戲與其話俾媽媽睇，我覺得更加適合比媽媽身邊嘅人睇

我覺得導演處理得最差就呢點

到底佢係等錢使、放唔低自己既夢想，定係純粹覺得返工起碼輕鬆過湊B想逃避aka覺得做緊自己

動機唔同好影響我既觀感

係係係, 你食鹽多過我食米


唔知你逼死個老婆同bb 有咩感受呢
唔使答我, 我唔想知
答埋你呢個post 會永久block 你

建議所有人注意精神健康
遠離呢種覺得自己好偉大嘅阿偉

幾個都係動機
指𡁵同一個目標：返工
同時又幾個動機畀𡁵幾個壓力佢
故事開始個b已經出現咗
之後啲嘢都唔係主角有得揀
佢有得揀嘅係故事前面
揀個老公，揀生唔生

覆埋你前面
導演有講過
歌頌母親偉大本身已經係一個壓力
好似點都做唔夠，又淨係focus落媽媽嗰邊
所以大家平衡啲
覺得兩性都要偉大都要付出
可能會好啲

果然係小朋友，唔夠講咪block囉

係呀全世界得你一個要精神健康，你係世界中心，其他人生存係為成全你

唔使歌頌母愛偉大咁誇張
剩係表達出每位生存到今時今日既人都應該明白媽媽養大自己係好唔容易就已經好夠

而導演就選擇用一個最壞既例子去講，因為去到最後對母子好大機會係死埋

我知有產後抑鬱既新手媽媽唔少
但去到咁極端去到自殺呢步係唔係產後抑鬱既媽媽入面既常態先？

同埋佢描寫老公嗰Part好片面
完全係嗰種從女性角度去寫男人幾咁唔負責任一齊湊B
但冇理解到男人出面做野係幾咁辛苦，又或者有但輕輕帶過

咩兩性都要付出，講到男人冇付出過咁

得罪講句，我覺得普遍女性係輕視咗男人要面對既工作同社會壓力
成日覺得男人有咩咁巴閉，男人做到既野佢地都做到

現實就係話畀大家聽，基層最厭惡、最辛苦同最要體力勞動既工作都係清一色男人咁滯
戲入面阿偉揸車送貨嗰啲已經未去到最辛苦，仲有紮鐵、鑽地穿線、落坑渠嗰啲
阿貞唔夠瞓就焗燶咗麵包被人屌
上面講嗰堆一唔留神唔夠瞓好容易出意外死人冧樓
然後屋企嗰個就怪男人無撚用掛住瞓覺唔幫手湊B

當然BBQ嗰段對話都反映阿偉其實係有空檔都唔幫手湊，但佢兩個fd都講過有幫手湊B，證明係部分例子

仲有樣極度唔政治正確既野想講就係，現今男人喺社會工作壓力咁大某程度上就係因為女性教育水平高咗，出嚟做野又搶咗男人一半工作
所以男人先逼住要過度競爭，一份糧都養唔起頭家

我認同每個男女都有追逐自己理想既權利，亦認同女性唔一定要生仔
但無可否認係依家社會咁唔適宜養育仔女，就係呢幾十年多咗班女性出嚟同男性喺職場競爭

但好多所謂女權主義者就將問題過度簡化

首先，我唔認為依套戲係歌頌母愛，反而係反對一啲傳統母愛無私奉獻辛苦之類嘅特質，揭露「母愛」光環之下嘅黑暗。

其次，情節嘅安排冇好極端。我會話角色嘅遭遇只係比較困難，探討一個希望成為一百分媽媽嘅女人點樣步向滅亡係依套戲嘅主線。

第三，男主角方面，主角係為母親視角出發，男性性點比較少都好正常，個個都要返工，唔明點解要特登喺呢套戲入邊再講一次男人返工好辛苦。

以育兒方面男主已經比上一代男性好（太保／老爺），上一代男性係育兒方面嘅角色，基本上就係缺席或者可以話佢哋集中喺養家活兒（錢）上面，面對育兒，佢哋就係一個逃避嘅態度。阿偉係依一個家庭成長之下育兒已經算係有進步，佢喺依一個三代同堂嘅家庭入面佢真係對於育兒最有貢獻嘅男人，雖然佢有支援太太嘅初步概念，但係養妻活兒對佢嚟講亦都係根深蒂固。

我會話佢可以做得更好，但電影基本上係冇小丑化阿偉（雖然佢淨係掛住瞓覺同埋打機，又唔識幫手換尿片，唔知尿片幾多碼，老婆講嘢又冇心裝載婆媳關系又處理唔到）

其實你政唔政治正確嗰part都冇乜所謂，因為都係冇乜道理，隨主社會發展，尤其是係教育普及，競爭越嚟越激烈係一個常態化，男性係要同女性競爭相反，女性同女性男性同男性之間嘅競爭一樣存在，大家公平競爭嘅話，只係以前男性工作嘅紅利消失。一份糧養起頭家某程度上只係你而家嘅生活水準越來越高支出越來越大，你對於生活嘅認知已經比以前更高嘅時候生活水平之前就唔可以返去以前。在古代啲嘅男人係咪可以話以前只係唔餓死老婆瘟臭屋就得根本唔使供書教學。

喺男女嘅意識進步之下，傳統嘅分工亦都會作出一啲改變，理想嘅狀況之下就係男女都有一半主內一半主外，咁其實大家嘅工作量係一樣。（當然實際嘅分工就係雙方溝通之下產生，但係如果好似電影咁樣九比一或者八比二，其實都係難以平衡）

再理性啲咁睇其實生仔根本就冇利可圖，唔生上述問題解決一半

睇完



個導演立咩心場cls

個導演自己生完好辛苦就要全世界同佢suffer
俾empathy 佢

唔想人好過佢


心地唔好

所以好多人都建議佢盡快求醫

我好同意，現實中有啲照顧者（不分性別）嘅經歷再困難一百倍，尤其香港嘅單親照顧者

我見連登好多人都話套戲好恐怖頂唔順，我睇到中間都有啲頂唔住BB啲喊聲，但我諗諗吓我睇兩個鐘都頂唔順，照顧者每日面對真係好辛苦

好多人留言又話女人湊仔自己鑽牛角尖之類，而我本人做社工專做兒童照顧者，其實有時照顧者被理解被明白已經差好遠

可能有人會覺得女主角自己攞嚟衰，但細心啲睇佢身邊啲人其實無人真正明白過佢需要

女主角對於做照顧者嘅主角轉變未能適應，同屋企隻雀一樣覺得自己被困係籠入面。但身邊無人去嘗試理解佢，仲係咁嘲諷同否定佢嘅想法，尤其個on9奶奶，套戲個奶奶已經比現實我接觸過嘅奶奶好好多，可見現實仲有更恐怖嘅奶奶，好撚癲架

好多媽媽同爸爸都同我講過，真係返工輕鬆嘅湊仔100倍，湊仔係休假，OT無補時，無福利

雖然好辛苦，但其實照顧者都有分享返見到小朋友開心佢地覺得好值得，所以辛苦同滿足係並存。同返工一樣，返工好撚辛苦，但出糧時又會好滿足一樣

其實套戲女主角都有分享佢湊小朋友都有滿足嘅時候，但辛苦嘅時候無人明白，無人理解，叫佢捱多陣唔好死，全部都垃圾同無效support，你再幾勁終有一日都打唔過呢個長期戰

套戲個老公其實佢都好努力，有用佢方法去比支持老婆，但用錯方法，完全唔同channel

所以比多啲理解同支持，尊重每個人嘅付出，無人係理所當然地付出，無嘢係老撚馮。

我只係覺得佢拍出嚟就係為咗發洩，同埋作為一套女權電影，一定係為女性發聲，喺入邊嗰啲男女定位根本就冇討論空間。因為套戲入面嗰啲男人一定要係廢，呢個係故意設計，睇得就預咗，個男人冇問題又點樣突顯到女人慘

男人人工低又關女人事香港人工低係d資本主義已經發展到去一個痴線，嚴重剝削緊打工仔。

一定得一個原因咩

難怪啲人成日笑左翼過度簡化問題

但一定唔關女人事，係右翼過度簡化問題

你成段野背後都係想表達女人唔好讀咁多書，唔好出黎做野，喺屋企湊仔

已經有哂預設立場

有病就睇醫生啦幾時有叫女人唔好讀咁多書喺屋企湊仔

我從來唔覺得女人一定要結婚生仔

我係講緊個呢幾十年經濟結構同勞工市場唔同晒
你唔可以無視女性呢幾十年教育水平高咗，釋放咗勞動力係壓縮咗男性既就業空間

幾十年前女人就好似你咁講唔讀書，喺屋企湊仔
依家有起碼5-6成女性讀完大學大專出嚟搵工做
你同我講勞工市場冇衝擊？

當然資本主義都有好大關係
但依家就係講緊女性玩女權自助餐
自己著數既或者男性受害就唔提
自己唔著數既就放到最大

好心你班左翼就讀多啲書（唔係屈係你自己掛個左翼牌頭）
唔好剩係讀幾本書就覺得自己好理解呢個世界啦

唔啱你心水就係右翼
我係撐空置稅同派錢架右翼

香港不論男女，學歷都愈來愈高，咁唔通你又其他高學歷嘅人衝擊勞動市場？其實你就係認為女人唔應該出黎做野，因為會影響男性嘅就業空間。

同埋我想講撐空置稅同派錢都唔一定係左翼

你係咪唔識計數

以前人口上升、學歷上升，主流職位都係得一個男性Pool競爭
呢幾十年多咗同男性Pool差唔多數目既女性加入市場
就算你唔計工廠妹呢啲低學歷工作，勞動人口多咗咁多你同我講唔關事？

仲有我幾時話自己係左翼？

唔係右翼就一定係左翼架

如果淨係睇110分鐘戲，聽到bb喊聲泵奶聲淑貞喊聲，就好煩好悲好抑鬱頂唔順，某程度上証明咗呢d人唔適合生仔，正正完全達到左導演拍呢套戲嘅目的，

你咪話 我睇果場真係有幾個人頂唔順走咗

咁你話女性唔一定結婚生仔，佢地出黎做野又比你屌同男性爭工做，咁你想女人點？

撐空置稅同派錢都可以係右翼