《虎毒不》集中討論區

呢套戲唯一導致慘案發生ge外部原因係婆媳關係
其餘導致走上絕路ge好多都係阿貞自己ge內部問題

阿貞懷孕之前ge所謂願意犧牲所有野, 其實去到BB出世之後已經變成只係妥協
所謂ge六年時間準備好, 其實只係準備好迎接一個好乖ge BB
如果當BB不似預期就會變成壓力ge時候, 咁所謂準備根本係笑話

我同意，睇完套戲我一直有個問題
大家睇完套戲仲會唔會想生BB
或者想生都要諗清楚各種可能性同點樣面對

睇完唔覺得套戲啲人講到抑壓、太悲觀
反而係見啲觀後感咁冇同理心
佐證咗現實比戲中育兒環境更hostile

向香港一眾媽媽致敬

其實都唔只婆媳咁簡單，成個家入面都冇人真係企佢果邊，老爺奶奶唔鐘意佢，老公又唔幫佢，娶完個老婆番黎當工人咁使，間屋入面成個外人咁，所謂嘅內部問題全部都係來自外來壓力

同埋令佢走上絕路嘅，係身邊冇人認同佢，餵人奶唔夠營養、唔夠奶同 BB 太瘦係佢飲食有問題、BB 喊係佢照顧得唔好、唔做全職主婦係比人洗腦教壞、叫人出街番黎要洗手先掂 BB 太囉嗦、要個老公照顧個 BB 又要比人鬧，無論一日花幾多比幾多時機心機做乜去照顧 BB 都好，都係要比人責怪，唯一可以有成就感嘅整麵包都冇埋同比人睇唔起，做自己想做嘅野都唔得，淨係可以行人地安排比你嘅路，人生仲邊有希望

另外，我自己 Get 到嘅 6 年準備係試左 6 年先至成功受孕，果 6 年應該只係試唔同方法點樣大肚，唔係學湊仔，就係因為咁難先生到一個，所以先想比最好嘅野個 BB，搞到自己咁辛苦

其實琴日我睇完之後 都諗左好耐應該用咩角度去睇先最好呢
可能咁諗係好離題 未必係導演想講嘅野

但係我眼中阿貞依個故事嘅發生 係現今嘅人成套價值觀係如何構成
你可以話係角色定型 性別定型乜乜乜
我覺得嘅係宜家嘅人由細到大都比好多金句充斥住自己個腦
幾多人啲social media ac係冇follow 1 2個依啲點做人為之好
點係一個成功人士之類嘅page 由細到大睇得多 自然就會型成左一套觀念

其實壓死阿貞嘅係阿貞自己
佢都有話要比最好嘅野bb 要做足100分 依啲壓力係自己比自己
同時上面果類page好鍾意用啲悲天憫人嘅mood 圖
去令人去跌入依種情緒當中 慢慢當有咩事就一定去果種情緒嘅位置
點會唔容易有情緒病

同老公嘈嘅果場戲 正正反映左大家其實都唔夠成熟就去生仔
一個岩岩收工番黎 一個做成日家務攰到傻
根本就唔係一個合適嘅狀態去傾一啲家庭事
而現實有9成人都係唔識一個岩嘅時機做岩嘅事
最後只會嘈交 之後又覺得冇人理解自己
同埋有一幕係好巧妙咁令到個關係惡化
就係老公同阿哥傾野果段 岩岩阿貞就走番入房
如果果時係聽到佢地講乜 可能亦都會諒解多啲

另外 冇人提過班女fd 老實講係依套戲入面嘅女人角色根本就係毒瘤
個奶奶就唔洗講啦 冇野搵野搞
果班fd完全係將所有事情推到更惡化嘅地步
好輕描淺寫咁話一定要有自己錢呀 依個都係佢地嘈交嘅一個位黎

所以話其實依套戲嘅故事悲劇
係真係好多方面構成 我絕對係諗多左嘅
但我嘅感受係咁樣

好耐都無睇過一套咁差既電影，睇到想起身走，劇情完全無推進，D衝突位又格硬黎，場場戲都淨係用BB喊聲黎話俾我知佢好抑鬱好大壓力......

Bb喊聲有無佔左半套戲

佢送畀選擇或者唔選擇做老母嘅女人喎。

會唔會係送啲咁嘅野畀人啊

呢套野其實似產後抑鬱紀錄片

表面上好多都係阿談自己問題
但其實身邊d人全部拒絕同阿談進行有效溝通
係阿談角度 就係一有咩事就全部推哂落自己到
本身照顧個b已經夠辛苦 仲要受咁多身邊人氣
奶奶又有 老公又有 自己阿哥又有
開頭都叫有個芬姨傾下計 最後又冇埋
越踩越深 根本行唔出條堀頭路

我覺得好難完全怪阿貞wor
首先 飲人奶呢個就好明顯係社會宣傳結果
成日講人奶好過奶粉
之後就迫到d老母被洗腦一定要人奶

到奶奶個問題
其實衰左三次先反面
1. 擅自用符水沖涼 2. 擅自餵奶粉 3. 直接倒人奶
呢度三次是但有一次問左阿貞
結果可能已經好唔同

同老公個問題
其實主要係冇一個有效溝通
如果老公心態係自己出去做嘢已經夠攰
老婆你一個只係照顧屋企應該好舒服 已經死得啦
我剩係睇套野都想扔走個b
好難想像廿四小時照顧
同埋老公係情緒幫助 或者行動幫助都欠奉
好簡單送部野去維修都成日唔記得
夜晚又成日扔比老婆搞

仲未計工作壓力 自己大哥比說話我聽
最主要係最後冇一個地方比佢舒壓

想問waiting list個到係指d咩

日間托兒服務或者其他托兒服務掛

睇完 感覺又係靠演員既一套電影，故事其實好普通，睇完冇想像中抑壓 ，可能我覺得阿貞到最後走依一步冇令我咁值得同情，明白好似阿談今日分享咁講，所有唔好既嘢逐少逐少咁累積令淑貞愈走愈深走唔返出嚟，我諗大部份人都會經歷過，人生總段時間啦啦會所有唔好既嘢走埋一齊真係好辛苦，當然淑貞可能更加難，睇個刻都有同情感 ，但結局打消咗我既同情感 ，因為咁樣做太自私，晴晴係無辜的
撇除所有嘢 同埋可以著墨多點用其他人同事情用嚟刻畫淑貞壓力去表達，好過依家咁晴晴既喊聲比重真係有啲過多太刻意，比我感覺，晴晴喊先搞到佢咁痴線，全部角色人都係咁個個都話bb喊聲好似罪咁 ，比我有啲唔真唔夠貼地，認真自己見唔少自己個孫仔女 做阿爺阿嫲啲會咁冷漠仲要係一齊住，一睇到佢奶奶咁話個孫好煩又乜又乜咁，由其老爺仲話聽到喊好嬲好唔鍾意真係睇到好我出戲，其實湊小朋友bb 仲有好多既難處仲有好多嘢可以講 ，依家係咁播湊bb喊晦既場面太個重復，有邊個bb初出世唔係咁喊姐，可以拍用其他湊bb既難處，有湊個小朋友就知除咗喊仲其既難處可以拍，咁會令人信服好多，睇完後面有班上年紀既女士，佢講得好好笑但又好中，咁都湊唔掂 ，淨係喊咗喎


終於明白點解連入圍最佳電影既資格都冇

眼高手低 ，我好主觀咁講有湊小朋友既人睇完 真係會覺吓就咁樣 笑言不語，我有幾個有小朋友既fd 睇完都係有既感覺

套戲more or less 似導演諗到有十樣作為媽媽、作為女性會面對嘅嘢，間唔中諗到幾句soundbite，就將呢啲元素拼湊埋一齊。
片入面發生嘅嘢每樣喺現實上都可能會發生，甚至好普遍，但放埋一齊就好似為咗講呢堆元素而整「淑貞」呢個人出黎。

但又唔覺得套戲冇「正面信息」有問題，電影唔一定要有「正面訊息」，而且你調返轉頭咪好多反面教材。

有幾個位我唔知導演調度嘅用意，淑貞同大嫂/芬姨有兩段對話望鏡頭望到好奇怪，我明佢意思係淑貞望住個女好擔心個女，但你同人講幾分鐘嘢你眼都唔望下對方好奇怪。

談善言做得好好

問題就係生仔呢樣嘢永遠你都唔會準備得夠

一方面係你作為老豆老母永遠覺得自己做得唔夠好
另一方面係你話你自己well prepared，你點知嚟緊會有咩問題，你知會早產、你只會sen？面對嘅時候會唔開心都好正常

正評嗰啲你哋唔係有幾百萬身家，有工人都唔好生仔
跟住你真係慘

就係唔知未來有咩問題
父母先要學習變通

我老婆初初都係好想餵人奶，但係根本唔上奶
最後都係餵返奶粉
如果明知條件唔許可，夾硬黎就係辛苦媽媽辛苦BB

解決方法從來都唔係得一個
但如果唔去選擇其他方法的話，咁最大ge問題就係媽媽

都有交代既 淑貞整麵包個陣都有拍到佢會開心，去見工個阿伯都讚整得好 ，比蛋撻食淑貞都話要整走幾轉啲蛋渣先得 ，應該想講佢好鍾意整整麵包，但我都覺刻畫得唔夠深

佢個問題都唔係唔識變通咁簡單
所謂準備好其實未準備好
根本兩公婆之間都冇共識
E.g.生完仔之後邊個湊、仲返唔返工、四大長老邊個可以幫手、家庭開支點樣分配,etc.

完全冇planning，同埋好似搵個free rider同自己做group project咁

我都認同 阿談 盧鎮業 阿奶奶都演得好好，可惜比我覺得套戲浪費左阿談佢哋演技 好似你咁講 我覺得所有都太覺刻意去鋪掛排 但又唔夠深入 套戲唔差既合格有餘 但有啲位如果比有個小朋友既人睇 會感覺唔太真實 比我感覺晴晴比淑貞既壓力就係喊 ，但湊bb既除咗喊仲有好嘢可以拍，難聽啲講現實湊b
Bb其他嘢比新手父母難題，大把嘢難個處理佢喊啦 我既觀點好主觀

虎毒不嘅影評於 影評作為觀影後嘅2次體驗
值得被studied

我唔覺得套戲想話個男係懶 懶同盡責係兩回事
Even唔係完全企喺淑貞果邊 有一幕老公同自己啲朋友講要去轉份好chur嘅工 正要講點樣要養家支持淑貞同bb 淑貞行開咗聽唔到
同埋正正套戲會將男搵得多啲嘅argument present出嚟同埋淑貞都駁唔到
已經冇否定呢件事

但個point應該係大家冇認可對方嘅付出同埋於湊bb老豆於家庭裏面嘅調解可以完全唔存在
我唔知係咪too much to ask 或者觀眾project得太多自己係裏面

不如寫死埋外母大嫂，寫死哂出過場嘅女人啦

係，同個精神病黐線硬頸女人一齊住就fatfat

不如你覆埋我所有其他留言嘅觀點同問題