《虎毒不》集中討論區

女人想點關我咩事？

我不嬲覺得每個人想做咩就做咩，包括女人

我另一半想讀書，無問題
我直頭陪佢一齊讀同做功課
有唔少次我放工好撚攰都陪佢一齊做幫佢Draft文改文

佢唔想結婚唔想生仔，我都唔會逼佢
再講我自己都唔覺得一定要結婚生仔

問題係你唔可以無視事實
又要搞女性平權，又要無視女性地位提升對社會勞工結構帶嚟既衝擊
總之女性就最撚慘，男性就無撚用唔撚幫女性手
玩女權自助餐

將所有生仔後有可能遇到唔好既情況炒埋一碟營造到女人生仔後好大壓力黎賣慘

悶，唔合理，過份主觀

唔值得睇

女人想做咩做咩，即係想返工就返工，咁你唔好屌人地搶男人工做，講到尾其實你都係想佢地留喺屋企姐。

證明你從頭到尾都唔明我講乜

你唔可以一味諗女人地位提升，而無視佢地地位提升所以帶嚟既問題

不過算左翼諗野係咁見樹不見林

我覺得佢有少少係怕趕客所以先話Open Ending

導演點會冇自己既答案

個社會男女都有份，邊可以用呢樣野去指責女人

不過香港唔少你呢種諗野有問題嘅人，網上佢地就會聚哂喺連登。

我睇你留言好耐，只係想講一句，你的角度太單一，社會經過咁多年演變，成個大環境、文化、就業市場結構都比以前改變咗好多，唔係只有「多咗女人出黎就業市場同男性競爭」呢一個因素影響

罰你重睇

唔係單一因素 呢句係我講架

只係喺呢個Po，涉及到男女面對既社會壓力同分工，我先拎女性地位提高衝擊勞工市場呢個因素講

唔係講緊只有呢個因素

細個開電視唔小心睇到，喊到有童年陰影

希望你千祈唔好結婚同生仔完全冇同理心嘅人真係唔好害人

套戲無視男性面對既工作壓力同社會壓力，一味講到男性唔負責幫手湊仔

套戲咪講咗
女方份工唔夠瞓咪焗燶包被老細罵
男方份工唔夠瞓係可以炒車出人命

然後有班人就怪男方唔夠負責
講返男方要返啲工作量大同辛苦既工就話唔使提唔好提
但只要男方唔幫手做埋女方中期全職做既野就係唔負責任
你地真係好有同理心

依家女方又要講獨立講事業又唔畀人講釋放女性勞動力之後對勞工市場既衝擊
講返事實就話冇同理心

駁我之前唔該講下依家紮鐵、鑽地穿線、落渠同送貨跟車呢啲勞動工作有幾多女仔做？

套戲講到自己寧願返工都唔想湊B
佢知唔知佢老公嗰份工幾辛苦
唔夠瞓係撞車死人架
呢啲就唔提，一味覺得對方唔夠自己湊B辛苦

但又唔肯面對男女先天既差異
男性先天體格就係比女性更有做體力勞動既工作既優勢
女性先天細心照顧BB有優勢、仲要本身有人奶

你可以唔跟呢套，但就一定冇男女各施其職咁有效率

依家連講科學講常識都變咗右翼男權同冇同理心

女性話要公平無問題架
但唔好表面上要男方負責一半，實情係男方負責佢嗰份之餘仲要同你分一半責任
做唔到就係男方唔負責任囉
咁樣唔係一半同公平囉我想講

你撈埋一齊嚟講，有啲難分。

首先，劇情嚟講男女主都係覺得湊B係辛苦要返工，阿偉頂幾日已經頂唔順，莫講話淑貞身體未完全康復又翻工又湊B。

用阿偉工作去論證男性面對嘅工作同埋社會壓力其實都唔夠完善，唔通阿偉呢份工作係唔係揸車，唔係體力勞動，只係一份文職就冇佢嘅工作壓力同埋社會壓力。壓力唔會輕咗。唔夠瞓會炒車，只不過係佢嘅工作性質，淑貞唔整麵包同轉揸車，佢都會面對呢個問題。

體力勞動毫無疑問就係男性嘅體格比較適合，但家庭分工唔適合直接用體力勞動去分類，唔通長時間付出體力去照顧又唔算體力勞動，如果算係咪應該又要由男性去做？

一、一開始大家都要返工
女方又要返工同湊B，一定係辛苦過男方
但單論工作量同辛苦程度，你敢唔敢答我男女工作辛苦程度同危險性質係咪一樣？
唔係一樣點解呢個差異就可以忽視，然後湊B嗰部分就要一定一刀切大家要一半？

我第一個回覆咪話導演單從女性角度去睇男方係唔公平

二、依家咪講緊套戲男方要揸車送貨，呢個背景咪令套戲說服力冇咁強
你話男方做文職準時放工走去同同事Happy Hour都唔返屋企就話男方唔負責任就話啫
佢依家唔係放工去Wet、唔係去滾，仲要套戲後期為咗減輕屋企負擔走去轉份更Chur既工
就係唔想老婆再煩錢
然後套戲就寫到因為佢唔負責任唔幫手湊B就對女方好衰唔負責任

你覺得咁樣叫公道？

三、依家大自然對人類既生物設計咪講咗畀你聽要點做囉
男人古時負責狩獵，依家就返工養家
女人就喺屋企養育後代

呢個係大自然既分工，唔係女性地位提高就可以改變呢個1+1=2既事實

依家冇人講女方唔辛苦，女人嚟M好辛苦，女人陀B生B好辛苦，女人湊仔餵好辛苦
我絕對認同某程度上仲辛苦過返工
但問題係男方做唔到女方做到既野，男人先天可唔可以生仔？男人先天可唔可以泵人奶？更加唔好提女仔普遍細心過男仔呢啲細微野

咁男方咪分工盡可能做佢比較擅長既野搵多啲錢養家，女方就專心湊B

我再強調我冇叫女人一定要返屋企湊仔
我係主張任何人可以選擇做任何野，包括先天冇咁擅長既野

但係你唔可以無視男女既差異，自己想做自己冇咁擅長既野（講緊佢搵唔到男方咁多錢同做勞動工作），同時怪責對方唔肯返工之餘幫手做男方冇咁擅長既野

你試下將男女對調，我當男方做到女方所有野包括泵人奶，女方就做揸車甚至再辛苦危險既地盤同落渠
咁男方可唔可以怪女方放工唔幫手做家務唔幫手湊B？

我係男方都覺得唔可以怪女方，返工咁辛苦都要怪佢唔湊B根本冇人性
咁唔知你覺得可唔可以怪女方唔幫手？

不嬲都話男女嘅家庭分工係各個家庭自己溝通協調，戲入面阿偉就係用工作為理由冇去協調，工作量辛苦多唔係佢逃避啊理由。

阿偉唔算係最差，但係佢所謂對家庭嘅支援係翻一份更忙嘅工，唔可以講佢冇心，但支援方面錯晒，依個問題都係佢哋缺乏溝通，難聽啲講阿偉只係自我滿足。

最後男女雙方因為工作或其他缺席家庭分工，道理上可能喺協調後可以有雙方接受嘅程度，但係有一方缺席點都唔係好事。再加上戲入面冇明確顯示阿偉嘅經濟壓力龐大（住屋企/有阿媽煮飯/老婆未失業之前用自己錢照顧BB），如果淑貞係育兒嘅難度係中等，阿偉養妻活兒嘅程度都係咁上下

點解演員表有晴晴（成年），但套戲唔見有出現過，係咪刪剪曬？

自殺前後，幻想佢成長讀書上大學

其實我又唔覺係眨低男性喎
套戲都唔係無講阿偉返工都辛苦
只不過係篇幅少
咁小野喺金像獎都只係提名男配角
好明顯導演編劇就係將重心擺喺女主角身上
咁就話係女權似乎有啲唔公平

我覺得重點係個社會定型點樣對不願妥協嘅人造成壓迫
而喺呢個前提下阿貞係無辦法喺一個咁嘅社會下「做自己」
其實成套戲我覺得無任何角色係真正企喺阿貞嗰邊
大家都係好慣性咁叫呢班小眾去迎合個社會框框
無論係阿偉覺得老婆應該陪佢同夫家住相夫教子
定係阿貞老母教佢仔女幸福就自己幸福
甚至係芬姨叫佢做個開心媽媽
呢啲都係要求緊阿貞符合番社會對「媽媽」身份嘅期望

港台周末單元劇場之虎毒不

好似冇乜印象，淨係見阿媽抱佢落街訓，訓到天光，話睇下幾靚，跟住就奶咀浮面

估唔到咁多人屌阿談堅持人奶
其實堅持個原因比起想 BB 好，明顯係變左同奶奶搞對抗，中途一次唔夠奶，已經比奶奶話一早轉奶粉咪好，可以想像到聽左奶奶講轉奶粉之後，佢係成頭家入面會完全冇哂地位，講任何意見都唔會再有人理，成套戲同老爺差唔多 0 溝通咁濟，關係應該都好差，個老公又聽哂阿媽話，如果唔堅持餵人奶嘅話，應該跳得重快

咁女權唔係眨義嘅，只係當你知佢有一定女權背景，大概會知道套戲係想講啲乜嘢，睇吓啲導演訪問就知佢個人對女性議題嘅執着。

呢套劇真係警世，希望D異性戀睇完可以斷絕生仔念頭