《虎毒不》集中討論區

改個咁嘅名以為最後佢會搵到support, 走到出嚟
點知

佢已經演到好撚崩潰
你仲想佢點演出嚟

佢真係硬頸嘅
但完全無support 囉

老公豬隊友
濕鳩奶奶
自私阿哥
無能為力嘅阿媽
難湊嘅女, 仲要落後生長線
住屋環境差
產後身材走樣
工作環境差
仲要自己唔夠奶又唔想放棄 (其實唔係個濕鳩奶奶係咁比說話佢聽可能佢都肯轉奶粉)
之後仲要失業

唯一一個幫輕到佢嘅保姆突然又離開
佢咁樣唔崩潰先奇

個導演好無人性
將所有最痛苦嘅situation 隊哂落套戲度

浴室喊喊下聽到bb喊就要即刻轉mode呢幕
真到好似見到自己當年咁

入門口呢幕我最深印象係根本冇人care佢
老爺奶奶緊張隻新雀多過佢
老公直頭頭也不回

覺得佢返工幾個鐘都想逃離個b一陣
佢都話唔想無左自己

垃圾, 夠膽拍唔夠膽認

以前個個飲奶粉咪又係咁飲大
依家洗晒腦個個一定要餵人奶

我覺得套戲嘅過程真係好寫實
開場幾分鐘都已經有客觀原因解釋到點解唔肯比奶奶湊
個奶奶每次出場都係強調緊點解佢要自己湊返
呢個角色其實值得一個最濕鳩女配角獎

但係佢個結局真係好惡意
無人幫到佢之餘
連自己都放棄咗求助(份問卷填假答案)
最後玩自殺結局

個老公你係關心就唔會連片都唔撚換啦
講真個老婆有憂鬱係好撚明顯睇得出, 佢完全唔覺得有問題嗰下好過份

老公全家都係冚家鏟嚟

老公一千蚊日當佢一星期開6日工
比盡咪2萬幾銀
學咩人講搵咗錢返嚟養家
完全唔落手湊女連片都唔撚換條
唔撚知你點計80分出嚟

奶奶每一句對白都有骨又唔撚尊重人
個孫有咩問題都係個老母亂食野, 陀得衰, 奶有事
百日宴新抱明明湊緊女仲要佢攞野招呼外家


老爺唔使對白ga, 淨係睇隻雀死咗都要女主埋葬就知佢無人性

我真係好想知點解會有人話身邊啲人都係supportive
成套野除咗芬姨無一個人係幫到手
其他人全部都係負價值 (物理/心理)

我細佬bb果陣
食完奶 訓覺唔知喊乜Q
老母摵佢塊面 我以為佢產後抑鬱
跟住塞個奶嘴 掟佢去廁所 喊到攰就訓左

我都覺導演好冇人性
虐待牙談 個演員長期咁嘅mode真係痴線

要關心多啲身邊既人
Bb多人愛 但媽媽都係好需要好需要關心

但呢啲係性格黎 改唔到
佢轉奶粉會解決到其中一個問題先

睇完套戲真係充份感受到導演既「惡意」
表面上就話Open Ending，但從結局既鋪排去最片尾嗰句去睇，佢根本就想叫人唔好生仔

一、談善言遇到既問題斬件去睇每個媽媽都總會遇到兩、三樣
但佢就將所有問題放晒落同一個人身上
Extreme Case唔係冇，但放落電影既實際效果就真係恐嚇人唔好生多過想展現湊仔既難處

二、對盧鎮業完全係片面描寫，好典型既女性角度去睇老豆就係吊兒郎當、唔幫手湊B、懶懶閒既垃圾
問題係電影見到佢打機同Fd BBQ飲酒喺現實可能已經係佢僅餘可以抖氣既時間
呢種老公可能都係屬於冇責任心嗰type，現實男性面對既工作同社會壓力遠遠唔止咁少，但導演好明顯就輕輕帶過
「你返工辛苦得過我24小時湊B咩，我就寧願返工喇」呢個應該係導演既睇法
我想講其實係對男性極唔公平

三、談善言係極端唔理性
我明荷爾蒙同母性可能會令女人唔理性
甚至可以講除咗呢兩樣野，我作為男性自己望返轉頭都會有唔理性固執既時候

唯獨係一場戲令我無辦法理解
就係半夜BB要餵奶，佢又泵唔到奶，屋企竟然連一罐奶粉看門口都冇，佢有乳腺炎唔係第一日既事
佢覺得人奶可以將最好既野畀BB想餵人奶我明，但到底BB食唔到人奶大鑊啲定連奶都冇得食大鑊啲
嗰陣我直頭有種感覺係佢想借機餓死個B後尾回心轉意先叫老公落街買奶粉

生完B都堅持返工返到病都繼續返
堅持人奶堅持到連備用奶粉都唔準備
仲有被人炒咗就冇晒錢湊B要問老公拎，完全冇經濟準備
種種想法同行為完全唔似恨咗6年B反而似MK仔MK女意外懷孕咁

四、其實佢改一改個結局其實已經好好多
因為湊B幾辛苦都好，日子總會過
BB半歲同歲半已經好唔同，穩定好多
甚至仔女再大啲都可以出嚟打返工

佢可以寫身邊有人或者新聞見到有媽媽因為產後抑鬱而輕生，從而對比談善言要堅強然後捱到個B女大
從而帶出每個媽媽都好偉大，我地要感激媽媽
個觀感已經好好多
但我覺得導演係刻意唔咁寫，特登影個奶咀喺個河到暗示輕生（運鏡去睇，成長片段係虛構，奶咀係真實）

有場戲區嘉雯講湊大一對仔女已經好幸福轉個頭就因為對孫百厭搞到佢躁底
我覺得導演係想表達佢對生兒育女係幸福呢個講法嗤之以鼻，現實就係仔女大個咗都係煩到仆街

仲有養兒一百歲，長憂九十九就係想表達佢覺得湊仔女等同終身監禁：冇Me time冇事業冇人生

從呢幾場戲睇
雖然導演冇講，但我覺得畀佢揀多次佢應該唔會想生仔女

我覺得套戲係值得睇既佳作，但恕我唔能夠認同導演既睇法

是但啦，評分係好睇你本身個人對身邊人同事有幾「感恩」同「怨氣」

你夠感恩嘅，老公一家都叫「有幫手」，你夠感恩正觀嘅一樣會覺得「佢哋算係咁」而家只係「唔啱你口味」

芬姨個角色好，都有得解釋，因為佢唔係「當局者」，唔係生活「受影響」嗰個人，佢冇同主角一齊住，好多嘢緊係口響講得好悅耳動聽，你戾氣勁嘅，一樣可以怪佢點解明知我唔掂都仲要移民，等我捱過初生嬰階段先唔得？

世界上冇一個人奉旨要對你好，或者無條件冇思想聽晒你支笛幫你

責怪人前不妨諗下自己又為對方付出咗啲乜，自己對對方幾好

你可以唔認同同腐皮，不過套戲入面嘢階段我都叫經歷過晒，可能你仲細，暫時未明住

套戲太放大女主佃苦況

換下角色諗

老爺：捱咗大半世，退休諗住享受世界，點知都要搞到冇覺好瞓

奶奶：同樣捱咗大半世，都叫養大咗個仔，我哋都唔知佢生嗰陣有冇產後抑鬱同對個仔感情深唔深，如果深嘅，奶奶某程度係覺得個仔俾第二個女人搶咗，而家仲要住埋一齊，屋企多咗人，要幫手湊孫，掃廁所頭髮，俾鄰居投訴，老公有怨言等等。咁呢個奶奶仲係咪「好仆街」呢？

第一句啱，不過就呢個病就算個個比情緒價值都可以發作，而且同偏執係兩件事

補充多少少
呢啲戲註定係意見兩極：男人就會傾向我既睇法，女人就係覺得呢種睇法正正就係對媽媽踩多腳

尋晚睇完我嗰邊已經上演咗場城市論壇

我覺得最大問題係導演喺戲入面分唔清「事業型女性」同「遇上產後困境既新手媽媽」

如果談善言夢想係開餅舖，佢直頭Day1就唔應該生B
因為開餅舖唔係開完間舖頭就算，好多野都要親力親為
凌晨開舖焗餅，睇住啲員工，收工又要計好盤數

表面上雖然餅舖老闆好無情炒咗佢或者唔請佢
但對老闆嚟講個問題真係好現實，員工有仔女真係好難專心返到工整餅，尤其餅舖工時同普通文員同仔女返學唔夾
到佢捱到開餅舖都會面對一模一樣既問題，到時要管埋條數同員工情況仲惡劣
我諗到佢做老闆嗰陣都會避免請新手媽媽（做緊既唔會炒但應該唔想再請）

同埋後期感受唔到佢係愛個女，更多既只係悔恨，畀佢揀多次就唔會再生
可能就係我地平時喺見到啲罵仔女生叉燒好過生你既痴線老母

我見更多正常媽媽，佢地望返轉頭都認同初頭湊B好撚辛苦
但佢地好愛錫仔女，冇後悔過生，畀佢地揀多次都會再生
而佢地本身都冇創業既夢想，可以既話直頭唔想再返工，想專心湊仔女

呢個就係我覺得導演立場唔係好站得住腳既地方
佢似係事業型女性，但又用另一種角度去寫新手媽媽既困境
本身就好有Bias

簡單講
導演就係想拍一個唔適合做人老母既人生仔的故事
我覺得套戲既主旨就係：唔係每個人都適合做父母
所以未生既好好諗清楚自己係邊一類人
人生有好多唔同既路
唔好當生兒育女係必需既bucket list剔完就算
有好多手尾跟

你覺得佢係事業型女性已經錯晒
佢想返工唔係因為佢係事業型女性
而係整麵包嘅佢，夢想係開麵包鋪嘅佢，已經係唯一淨返嘅「佢」

走得過去嗰啲媽媽梗係話唔後悔，因為享受到之後嘅甜呀嘛，你問十個產後抑鬱緊嘅媽媽呀，十個都會答你後悔生，想摙死個B
陳小娟有個訪問就係講過，佢做research訪問過個媽媽，個媽媽當年湊BB嗰陣寫咗封信俾自己，講佢有幾恨個小朋友，我相信會有呢個諗法嘅產後抑鬱媽媽一定唔係少數

利申男人，但接觸過好多抑鬱症嘅人，唔敢講好明白佢地，但都理解點解佢地會咁

好佩服導演有勇氣同能力拍出咁單純既心靈砒霜
真心respect