【pH值介乎於7飄浮的愛情故事】《一腳踏兩船》(5)

上回講到肥蠔同雨夢又繼續煮，同時又做訪問～
講起佢哋個MV都好合拍～問夾咗幾耐～
LB就話冇夾過，一拍即合～
Joanne都係咁覺得～
LB之前都要同啲女主角夾夾先入到戲～Joanne就唔使～
即係Joanne易入戲？
或者啦～或者都係做返自己姐～
係男人都鍾意嘅學生妹吖嘛～
又繼續講講～煮煮～
然後又問起有冇難忘嘢～
LB就話食雪糕啦～初戀總係要一齊做啲嘢～又第一次咁～
咁Joanne呢？第一時間就諗到淋雨嗰幕～
「哦！」雨夢又第一時間有反應！「淋雨嗰幕又係好正！個劇本寫得真係好吖！」
『其實係佢囉！』Joanne指住LB！
「佢？」雨夢同肥蠔異口同聲。
『係吖！』Joanne指住LB同時點晒頭，『其實嗰幕係冇嘅～係我哋拍拍吓突然落大雨！咁諗住避避啦～避到停雨再拍啦～點知避避吓佢就拉咗我出去淋雨囉！』
「即興！」雨夢叮一聲咁！「紅仔頭都好鍾意㗎！」
肥蠔都點點頭：「我都覺得有時即興拍出嚟嘅會更爆！」
「係吖係吖！」雨夢又點點頭，「即係有時就係冇預過啦！突然諗到然後去做！出嚟個效果呢會更有嗰種...同個成個故夾到...帶出個故事...」
Joanne同LB都好留心咁聽雨夢講...
但肥蠔就帶住無奈嘅微笑擰擰頭...
「係喇係喇...」肥蠔終於都忍唔住截停雨夢繼續講埋落去，「你哋喺MV咁夾啦...拍出嚟又咁又Feel啦...咁鏡頭後呢？私底下呢？」
Joanne同LB都邊食邊望望對方...
鏡頭後？私底下？
肥蠔又食兩啖：「有人見到你哋一齊行傢俬舖喎...」
有見到佢哋...一齊行傢俬舖？！
跟住既劇情發展又會係點呢？



準備出文