【pH值介乎於7飄浮的愛情故事】《一腳踏兩船》(5)

飛揚 · 2025-01-30T00:49:54+08:00

究竟係你選擇愛情？定係愛情選擇你？逢星期一至五，準時七點正有文出。鍾意嘅朋友記得Like同Share俾身邊嘅朋友一齊睇～有咩都可以留言同我講～有你哋嘅意見，我先會有進步～下面係Penana嘅Link，想睇返之前嘅章節都可以Click入去。 Penana https://www.penana.com/story/168592/一腳踏兩船鍾意我呢條廢腸寫嘅故可以Like Facebook同Follow Instagram～感激大家長久以嚟嘅支持～在座各位都係讓我光合作用嘅陽光～ Facebook專頁 https://www.facebook.com/whirlingdancer Instagram https://www.instagram.com/whirling666/ Penana https://www.penana.com/user/122935/飛揚/stream 第一個Post 第1, 4, 5, 7, 8, 14, 17, 19, 21, 23, 25, 27, 28, 30, 32, 35, 37, 38, 39頁有文 https://lih.kg/3820256 第二個Post 第2, 8, 10, 12, 13, 15, 20, 22, 24, 26, 30, 33, 35, 37頁有文 https://lih.kg/3834466 第三個Post 第2, 4, 8, 9, 13, 16, 18, 27, 29, 31, 34, 36頁有文 https://lih.kg/3845692 第四個Post 第2, 4, 7, 10, 14, 17, 19, 23, 25, 27, 33, 35, 37頁有文 https://lih.kg/3855712

飛揚

1001 回覆

4 Like 0 Dislike

飛揚 2025-02-07 17:45:04

飛揚 2025-02-07 17:45:21

揸𨋢人2.0 2025-02-07 18:31:49

飛揚 2025-02-07 18:34:15

飛揚 2025-02-07 19:00:04

上回講到一早又有Jeff打嚟叫Joanne起身～
不過唔係起身返學喎～亦唔可以話完全係同Jeff拍拖～
今日要同YouTube Channel做訪問～
不過朝早就可以同Jeff食早餐先～
其實佢哋呢排都多拍拖嘅～不過有得拍就想拍多啲㗎啦～
Joanne揀衫都問Jeff意見～
不過Jeff件件都話好～好似問錯人囉～
Joanne都係要自己諗諗㗎喇～
咁Jeff就去搵位先～
著到靚靚再戴埋頂帽就出門口～
Joanne都係低住頭咁行...行到約好嘅餐廳門口，都係打俾Jeff先～
『喂～喺邊吖？入咗去喇？我到喇喎～』
「入咗去喇我～」
『喺邊吖？唔見你嘅？』
「入啲入啲～最入嘅角落頭吖～」
『哦哦見到你喇～』
離遠就見到Jeff坐喺角落...
Joanne就急急腳咁行去坐喺Jeff身邊：『喂～咁好彩嘅～拎到角落頭位？』
角落頭冇乜人留意到～再加上Jeff好似透明咁～唔刻意留意都察覺唔到佢嘅存在～
「邊有咁多好彩～」Jeff帶住微笑擰擰頭，「係我專登揀返個靜啲嘅角落～」
咁細心㗎咩？
都係㗎～Joanne呢個男朋友就係咁細心㗎喇～
跟住既劇情發展又會係點呢？

準備出文

飛揚 2025-02-07 19:00:19

講起細心...

「嗱～」Jeff已經拎咗個尿袋俾我～

『係吖係吖！尋晚又唔記得叉電！』連我要叉電都知～你話係唔係好細心先～

“咚～”

『不過要專登揀角落頭嚟坐...會唔會唔係咁方便？』好似閃閃縮縮咁...

「都冇所謂嘅～」Jeff帶住微笑擰擰頭，「靜啲唔係幾好咩？」

『係姐...之但係又唔係啲咩大明星...都搞到好似唔見得光咁...』我同Jeff絕對唔係唔見得光囉！

「咁你呢期紅吖嘛～」Jeff都仲係帶住微笑，點點頭，「點都要做啲準備嘅～」

都係嘅...一陣又遇到啲變態佬痴線佬衝出嚟表白乜乜纏住七七咁又真係幾麻煩嘅...

有時都係要面對現實...

飛揚 2025-02-07 19:01:19

「係呢...」Jeff諗一諗，「咁你想唔想做明星姐？」

『咪搞！』我耍晒手又擰晒頭！

而家唔係明星都咁煩...做咗明星真係唔敢想像！

「但係你咁靚女唔做明星嘥咗喎...」Jeff打量住我，「好似今日咁...好靚女吖～」

『你把口吖！』我貼埋去Jeff身邊！指住佢！『口花花吖！得唔得㗎？』

「邊係口花姐？真心話嚟㗎～」

『又真心話吖！唔得咁㗎！』

即係Jeff平時就唔會講呢啲㗎喇～不過久唔久講一兩句係開心嘅～

係咁㗎啦～物以罕為貴吖嘛～

不過又唔可以太罕喎～太罕就唔知你係唔係淡咗㗎喇喎～

飛揚 2025-02-07 19:02:53

『叫嘢食先啦～肚仔餓～』

「好好～咁你想食咩？火鍋？」

『係吖係吖！火鍋！火鍋！尋晚就已經決定咗啦～』

「咁早食火鍋得唔得㗎？」

『食火鍋有分早唔早㗎咩？快啲叫啦～』

同Jeff撐住檯腳食火鍋～

我哋又幫對方吹凍～又互餵對方～

可以好親密都冇問題～冇人會見到～

我哋而家呢個位，真係唔起眼到連啲侍應都唔多會理我哋～

可以同Jeff再貼緊啲～親近啲～

飛揚 2025-02-07 19:04:04

『喂喂喂！』我攤大手板！『未影相吖！』

「哦哦...」Jeff就乖乖咁交部電話俾我～

影吓個火鍋～影吓啲嘢食～影吓我夾俾Jeff～又影吓佢夾俾我～仲影吓我哋互餵對方～

然後我就放啲相上IG～Post返個Story先～

『嗯嗯～』我好滿意咁點點頭～又遞部電話俾Jeff睇，『又多咗我哋啲共同回憶喇～』

「係喎係喎～」Jeff都好滿意咁點點頭～

越嚟越多～回憶總係越嚟越多～

只要兩個人一直喺埋一齊...每日都總會創造出共同回憶～

有時間拎出嚟睇返...總係甜絲絲的～回憶總是甜絲絲的～

飛揚 2025-02-07 19:05:09

Post好晒Story，我哋就繼續食～

火鍋又暖胃～又飽肚～

『飽晒～飽晒～』成個火鍋套餐都俾我哋兩個食晒～食到飽飽～

「會唔會食到肚仔凸凸，」Jeff帶住微笑打量住我，「一陣訪問唔到㗎？」

『唔會囉！』我捉住Jeff隻手摸落我個肚仔！『平㗎囉好唔好？』

「係喎係喎～」Jeff輕輕手咁摸摸我個肚仔～

『梗係～』我挨落Jeff身邊～

我成個人都貼實晒Jeff～請埋佢食波餅～（雖然只係小饅頭...但都夠晒彈㗎！）

飛揚 2025-02-07 19:06:18

Jeff仲係摸住我個肚仔，冇其他動作...

我就捉住Jeff隻手...繞住我條腰...攬實我...

又捉住佢另一隻手...搭喺我大髀上...

今日條短裙都真係有啲短...一坐低嘅時候都扯起晒...露晒成對髀出嚟...而家Jeff隻手係可以直接摸到...

我就再貼近Jeff...貼晒成對小饅頭埋去...勁嗲咁...成隻貓貓咁...

女仔一個月總有幾日係特別嗲...

之但係Jeff又好似冇乜反應咁...只係攬實我...隻手又淨係搭喺我隻大髀上...又冇摸又冇掃...

而家我哋呢個位置都冇人見到...唔好話摸摸掃掃...直接摷入裙底都唔怕啦！

但係Jeff都仲係規規矩矩...冇色色嘅念頭...仲係愛大於性咁...

飛揚 2025-02-07 19:07:26

喂講真我哋都拍咗差唔多兩個月拖啦～都仲係停留喺攬攬錫錫...其實Jeff係唔係唔得㗎？

嗱我唔係淫吖！純粹好奇咋！

男人真係可以將愛同性分得咁開？

即係唔係話有性冇愛...冇愛冇性...咁有愛冇性都得㗎咩？

唔係越愛越想要㗎咩？

嗱都係嗰句唔係我淫！即係我都係嗰啲有愛冇性都冇乜所謂嘅～

冇性都係好愛Jeff㗎我！

只係...男同女一樣㗎咩？

飛揚 2025-02-07 19:08:12

女仔就話有愛冇性好正常姐...男仔係愛個女仔...總係會想佔有佢㗎嘛...

吓？喺邊度聽返嚟？

咪Crystal把口囉...

佢成日講呢啲嘢㗎啦～

我都覺得信唔過㗎～個衰妹又冇拍過拖～又扮晒愛情專家咁～

不過聽得多...耳濡目染...或多或少都會受感染...有咁嘅諗法嘅...

點都好啦！都冇乜所謂嘅～而家咁都幾好吖～夠溫馨吖嘛～

其實兩個人喺埋一齊可以好簡單～

靜靜咁喺冇人察覺到嘅角落攬攬挨挨～已經好溫馨～好幸福～

飛揚 2025-02-07 19:10:06

同Jeff享受寧靜嘅片刻...電話都叉滿電喇～就掹走個插頭～

我一邊解鎖睇睇IG，一邊俾返個尿袋Jeff：『咦？Marco話如果可以嘅話...早少少過去...嗰邊話可以早少少開始...都半個鐘頭前問...』

呢個就係平時唔記得叉電嘅問題！唔可以成日睇住...好易Miss咗啲Message...

「咁你覆咗佢冇問題先？」Jeff都拎定銀包。

『嗯嗯...而家覆...哦佢問早半個鐘得唔得...』我睇睇而家個鐘，『而家過去應該冇問題...覆佢OK先？』

「嗯～咁我哋埋單～」

『嗯嗯～呢餐我㗎！』

「咩吖？呢餐我吖～你又記錯喇～」

『邊有吖？尋日放學杯奶茶你俾咗啦～』

「咁跟住個格仔餅你俾咗喇嘛～」

『咁計㗎咩？』

「係吖～信我啦～幾時有呃過你姐～」

飛揚 2025-02-07 19:10:29

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～