【pH值介乎於7飄浮的愛情故事】《一腳踏兩船》(5)

上回講到差唔多喇，要埋位喇。
肥蠔同雨夢都係真煮嘅～
佢哋兩個都好認真～不過都會鬥氣～
好似平時睇片咁～
佢哋煮嘢食嘅期間，都會訪問返LB同Joanne～
肥蠔就有文有路～雨夢就詞不達意咁～
都好笑嘅～
訪問都係問返MV啲嘢啦～又會問吓Joanne點解會去Casting～之前又有乜相關經驗啦～
而喺幕後嘅工作人員都會插吓嘴～氣氛好好囉～
大家一路搞吓氣氛～又問幾句～雨夢同肥蠔又繼續煮嘢食～
「嗱你哋聞吓～」肥蠔帶佢哋埋去睇佢煮嘅嘢食，「係唔係香先～」
Joanne用力一索：『嘩真係好香！』
LB都點晒頭：「聞都聞到流口水！」
「肥蠔唔可以咁奸！」雨夢嬲嬲豬！「唔可以俾人哋有種...先入為主嘅錯覺！」
肥蠔安慰咁點點頭：「難得雨夢講嘢有文有路...仲識用四字成語...本來好想讚吓...但唔關事囉...唔係先唔先入為主...你煮好先講啦...」
「煮緊囉！」雨夢好努力咁煮，「你哋都過嚟睇吓～我嘅傑作！」
Joanne同LB又行過去睇睇雨夢...
『唔係喎！』Joanne好認真咁睇！又大大力索兩索！『都掂㗎喎！比我想像中好好多喎！』
「係喎！」LB都點點頭！「即係之前睇啲片...雨夢煮嘢唔掂㗎嘛...睇嚟係效果嚟嘅！係效果嚟嘅！」
「唔係唔係！」雨夢揮晒手！擰晒頭！「係我為做今次嘅比賽，花咗好多時間同心機去做準備嘅！」
肥蠔半帶恥笑：「佢哋係話你之前啲嘢真心唔掂吖...仲讕醒...」
「咩讕醒吖？」雨夢雙手叉住條腰！「總之今次贏到你就得啦！」
佢哋又繼續搞搞氣氛～煮煮嘢食～做做訪問～
跟住既劇情發展又會係點呢？



準備出文