【pH值介乎於7飄浮的愛情故事】《一腳踏兩船》(5)

上回講到Joanne就唔想公開戀情喇...公開咗咪仲麻煩...
Crystal就話Joanne逃避～
Joanne係咪真逃避？
打返開個IG，已經成六十萬人Follow！
雖然係好多變態佬，不過好似LB講只要穩住心態，都幾開心嘅～
追Follow數都係人之常情姐～有幾多人真係做到心如止水咁神仙吖？
今日Joanne想出去食～都唔可以成日匿喺學校㗎嘛～
因為有Crystal喺身邊，啲人都留意唔到Jeff係Joanne嘅男朋友呢件事～
Jeff覺得咁樣都唔錯吖～少啲麻煩吖嘛～
不過Joanne聽到就嬲豬喇！
Crystal就一路幫佢哋打圓場～
講真人哋點睇Joanne唔多在乎...最在乎都係點解Jeff咁冇自信！
拍拖係兩個人嘅事嚟㗎嘛！點解要介意人哋點睇自己姐？
Joanne都唔介意你介意啲乜鬼嘢吖？！
真係越諗就越嬲！越嬲就越諗！
佢哋三個一齊去食漢堡包，Joanne都仲係嬲嬲豬！
「你哋想食咩？我去買...」
就算係Jeff去幫佢哋買嘢又好...
「算啦～你都唔係唔知你男朋友仔毒毒地唔識講嘢㗎啦～」
就算有Crystal幫Jeff講好說話都好...
Joanne都係嬲嬲豬！黑起塊面！
不過...又講真嗰句...又好似真係...冇乜人在意Jeff...
或者真係有Crystal喺度嘅關係...佢哋三人行...其他人都會誤以為Jeff同Crystal係一對...
跟住既劇情發展又會係點呢？



準備出文