【pH值介乎於7飄浮的愛情故事】《一腳踏兩船》(5)

Marco同LB都向肥蠔同雨夢鞠個躬：「辛苦晒～」

「唔辛苦～唔辛苦～」肥蠔揮揮手，擰擰頭，「咁我哋傾傾今次點拍先啦～」

哦？要傾嘢喇？

肥蠔同雨夢就同我哋圍埋一齊坐，然後肥蠔就開始講：「同之前傾開嘅一樣啦～今次呢就會我同雨夢煮嘢食，咁兩位就評分嘅～」

『嗯嗯...』原來係咁㗎？

嗱講真我就真係乜都唔知嘅...我諗肥蠔所講嘅同之前傾開一樣...係同Marco傾掛...

我諗係啦～所有嘢都交俾Marco處理㗎嘛～

肥蠔繼續講解：「評分呢啲嘢照直講得㗎喇～我哋就係想最真嘅～」

即係唔使諗咁多啦～

肥蠔又繼續講：「係喇～就係想最真～所以一陣我哋問啲問題吖～講嘅話題吖～都唔使彩排嘅～直接嚟嘅～」

直接嚟咁刺激？

肥蠔再繼續講：「大家可以放心～啲問題我就預先Send咗俾Marco睇嘅～確保冇問題嘅～有問題嘅都改過晒㗎喇～確保唔難答嘅～」

咁...有Marco睇過...應該都可以放心嘅～

肥蠔又問一問：「咁大家有冇啲咩問題？」

Marco同LB都擰擰頭：「冇～」

『冇～冇～』佢哋都話冇問題...咁我都唔會有問題㗎啦～

「咁好喇～大家再坐多陣先～」肥蠔同雨夢都起身，「我哋Set好晒啲嘢再通知你哋埋位～」

「好好～有勞～有勞～」

望住佢哋成班一齊Set好啲廚具～放好啲食材～又Set返啲鏡頭～打埋燈咁～

我又有少少緊張...

即係我冇經驗吖嘛！第一次係緊張啲㗎啦！

「喂～」LB望住肥蠔叫一叫我，「佢哋真係好開心吖呵～」

『哦？都係吖～』睇住佢哋成班眾志成城咁～

「可以做到自己想做嘅嘢...」LB諗一諗，「喺香港唔易呢...」

『嗯...』都係...

而家喺香港...有幾多人可以做到自己想做嘅嘢？

唔好話要搵大錢...搵到食都難啦...

有幾多YouTuber都係半紅不黑？

又有幾多Youtube Channel做做吓都要收皮？

各散東西又好...反目成仇又好...爆黑材枓又好...被迫害都好啦...

仲可以堅持留低嘅...仲有幾多？

或者LB都係少眾嘅其中一員～

縱使條路唔易行...好辛苦先行到呢步...前面嘅路...又係唔係康莊大道呢？

「好OK晒喇～」肥蠔就行過嚟，「兩位坐呢邊～」

我同LB就跟住肥蠔行～坐喺佢同雨夢兩個嘅中間～

「咁我哋就一路拍～」肥蠔都埋位，「唔使Cut嘅～」

鏡頭都準備好晒！

男仔頭（應該係）都睇住個Mon：「好準備喇！三二一！」

「喂雨夢...」肥蠔就開聲先，「你次次都話自己煮嘢得...但次次都係我煮嘅...嗱不如今次就嚟個Battle呢！」

「好吖！」雨夢褶晒袖！「驚你吖？」

「嗱Battle都要有人嚟做評判嘅...」肥蠔都未講完...

「家燕媽媽係唔係？」雨夢就扮薛家燕，「Out！」

肥蠔又跟住扮：「你老醒叉飯就叉飯啦！加隻荷包蛋俾盡咪廿二蚊碗！黯咩然銷咩魂呀？咪懶有型呀𡃁仔！」

佢呢個身形又幾Match唐牛嘅～

「唔好搞事住先...」肥蠔揮揮手，「嗱今次呢就勁喇！我哋請到呢期爆紅嘅LB同Joanne上嚟幫我哋做評判！」

鏡頭就影住我同LB！

LB就帶住微笑揮揮手：「Hello～我LB～」

我就接住揮揮手：『Hello～我係Joanne～』

嚟喇嚟喇嚟喇！要開始喇！開始喇！

不過講真...又冇想像中咁緊張咋喎～

或者係因為...有LB喺身邊？

呢種又算唔算係...安全感？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 12－有男朋友] PART 03

「好喇首先就要...」肥蠔開始處理食材，「搞搞啲肉先啦...」

「咁我嘅方法呢...」雨夢都開始落手，「就同肥蠔唔同嘅...」

已經將[Day 12－有男朋友] PART 02 Upload上Penana

肥蠔

再食就中風

一日不見如隔三秋

唔知呢個雨夢係點嘅呢

唔係，係因為joanne經驗豐富

晚

唔通到時係3P

七日不見如隔一周

又Pure又True

明明就係呢個Post少人 十隻手指都數得晒

揸𨋢晚

又諗埋啲衰嘢

大波喎
唔試下點知

咪就係
有得食就好食