【pH值介乎於7飄浮的愛情故事】《一腳踏兩船》(4)

[Day 10－人氣急升] PART 02

Crystal繼續開啲J圖J片嚟睇...

又粗又長但軟嘅又有...

又短又幼嘅又有...

有啲仲好黑嘅...有啲一睇就知起碼都係過咗三十歲嘅阿叔嘅...

唔少仲要影住自己Chok緊...有啲仲要對住iPad裡面我啲相嚟Chok...射晒落個Mon度...

望住奶白色嘅液體由馬眼射出...成個Mon都係...好嘔心囉...

其實我就真係冇乜興趣㗎咋！但Crystal就睇到入晒神咁...差啲就連口水都流埋出嚟...

Crystal果然係變態婆！咁鍾意睇埋晒呢啲變態嘢！

我都係冇佢咁好氣...由得佢慢慢睇...

睇多一陣...

「Sorry～Sorry～」Jeff急急腳咁拎咗啲外賣返嚟，「勁多人吖～等咗勁耐～」

『唔緊要～都唔係好耐咋嘛～』辛苦你就真啦...要你買埋返嚟...

「有得食～有得食～」Crystal已經急不可耐！

Crystal總係老實不客氣...對住我嘅Jeff都係咁！

大家都拎返自己盒嘢食～

我盒肉醬意粉都幾靚仔～

Jeff嘅茄汁焗豬扒飯都好正～

至於Crystal盒海皇闊條麵...

望住白色嘅汁...立即就聯想到啱啱頭先睇嗰啲變態J片...

望到都反胃...

之但係Crystal又食到津津有味咁～食到成個嘴仔都係～

就好似俾人口爆完...流返出嚟...

點解我會聯想到啲咁變態嘅嘢㗎？！

唔得唔得...都唔明點解Crystal仲可以食得咁滋味...

都係唔好望...望返自己盒肉醬意粉好過...

食多兩啖...

『唔！係吖...我...今晚要去MV一百萬Views嘅慶功喎...』突然醒起要同返Jeff講...

「哦？係吖？幾點吖？」Jeff都問一問。

『放咗學返去換返套衫就差唔多...』真係突然先醒起？

「咁我陪你過去？」

『嗯～都好～』

明明尋晚答應咗LB會出席之後，就同Jeff傾電話...

點解嗰陣冇第一時間同Jeff講呢？

唔會咁短時間都唔記得掛...咁冇記性㗎咩？

定係我...唔係咁想同Jeff講？

點會有咁嘅諗法㗎？

我做乜會唔想同Jeff講吖？

冇理由...冇理由...一定係我根本就冇將慶功放喺心度！

一定係咁！冇其他可能！

我哋三個一路食，四周就好似越嚟越多人...

有啲就食完返嚟...有啲就唔知喺邊度行咗過嚟...

越嚟越多人喺遠處望過嚟...幾個幾個...喺唔同嘅位置...企喺欄杆後面...坐喺遠處...

我就越食越唔自在...好似動物園望住啲珍禽異獸開餐咁...

我都盡量扮晒冇嘢...唔多在意...但事實又好介意...

而Jeff都明顯察覺到...望咗幾眼...

有幾個仲拎住部電話對住我哋添！

真係好鬼煩！但又阻止唔到...唯有快快手手食完就返上課室！

返到上課室，我哋都坐返埋自己位...

當然又有唔少同學望過嚟啦！

點吖而家？又唔係第一日返學！

除咗呢啲休息時間，上緊堂都係咁！

不時都有啲同學會望過嚟！

仲搞到俾老師話佢哋！

本身叫佢哋專心返其實係好事嘅！之但係呢...唔知啲老師點諗㗎嘛...唔知會唔會覺得我係始作俑者，搞到成班都唔專心上堂㗎嘛！

好唔容易先捱過晒全日嘅堂...我同Jeff仲有Crystal都急急腳離開學校！

「喂喂！」Crystal行到上氣唔接下氣！「使唔使咁急吖？好心急咩你？」

『唔係吖！費事俾人望住晒啦！』咩心急急咩姐？

「唉...」Crystal冇我咁好氣，「都唔知你驚乜...」

俾人望住嗰個又唔係你...你就梗係唔驚啦！

都係行快幾步！我哋三個就落到黨鐵站！

Jeff同Crystal就搭同一邊月台！

Jeff同我揮揮手：「咁一陣換完衫見啦～」

『嗯嗯～』我都同Jeff揮揮手，『換完衫打俾你～』

「你哋兩個真係吖...」Crystal冷眼打量住我同Jeff，「見少陣都唔得咁嘅...」

你冇拖拍唔知咁多㗎喇！

望住Jeff同Crystal上車，再揮揮手...

我都只好低住頭咁等車...因為又有人留意到我喇！

真係好麻煩！麻鬼煩！

就算低住頭，都總係俾人留意到！

上車又好！喺車廂裡面企埋一角又好！落車急急腳咁行返屋企又好！

就連樓下個看更都好似認到我！

我都係快啲上返屋企！

返到嚟屋企先叫做有返啲安全感！

真係唔掂！喺街一定俾人望住晒！尤其喺啲人多嘅地方！黨鐵站又好！車廂又好！鬧市都唔慌會好！

都係著返啲冇咁易俾人望嘅衣著先！

喺個衣櫃裡面，揀返套比較文青Look...

當然就唔少得戴返頂帽啦！

好彩平時都有買帽姐！

但係戴邊頂好呢？

我左揀右揀...戴上頭睇睇...

要襯返而家套文青Look...要好好睇睇...

要咁好睇做乜呢？我去慶功咋嘛！又唔係要見咩人！

最多都係見...LB？

點解我會諗起佢㗎？

唔係囉！去慶功都有唔少人啦！所有為MV付出努力嘅人都會出席㗎啦！咁即係要見好多人啦！咁要著得靚啲都好正常啦！

唔係單單為咗見LB囉好唔好！

就喺我都仲係諗住LB LB...開口埋口都係LB LB之時...

“很感激 喜歡我十年仍不休”

電話響？

係Jeff打嚟？咁快就搞掂？

係都唔出奇嘅～如果唔係送我返嚟先返去嘅話，佢屋企嘅車程比起我短㗎嘛～

但當我拎起部電話一睇...就真係出奇喇...

有乜咁出奇？因為打嚟嗰個係...

『LB？！』

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

日頭唔好講人...諗都唔好諗...一諗就打嚟...

“近日舊同學說我已 耿耿於你心六百週”

咁打嚟搵我...咩事呢？

睇嚟準備為咗同lb勁電話，連jeff都唔理

唔會嘅 唔會嘅 Joanne會果斷Cut線嘅

留名扮聽唔到

係扮聽唔到LB打嚟

唔信Joanne 有咁專一

早

只係對手太強姐

揸𨋢早

各位早晨
準備好心情迎接新年

早