【pH值介乎於7飄浮的愛情故事】《一腳踏兩船》(4)

上回講到Joanne同Jeff去到戲院～都係得啲放咗學嘅學生嚟睇戲～
Jeff同Joanne最後決定睇愛情片～
去買嘢食，啲餐又係改埋晒啲水蛇春咁長嘅名！
Joanne之前做神秘顧客都見識過㗎喇～
入到去睇戲～Joanne請晒Jeff食波餅，佢都冇反應！
雖然話Joanne係小饅頭...
之但做神秘顧客嘅時候，見好多人睇情慾片睇到搞嘢㗎嘛～Joanne都有諗過到自己有拖拍會唔會都係咁！
不過佢哋睇嘅係走甜嘅純愛情片～咁冇衝動都唔出奇嘅～
都好甜㗎～佢哋睇完出返嚟都覺得甜到入心～
Jeff送Joanne返屋企～今晚唔一齊食喇～因為Joanne父母難得喺屋企煮飯～
不過Joanne返到上樓都唔多理父母～打俾Jeff先～
到食飯都係冇乜同父母交流～
食完飯沖完個涼又入返自己房...
未打俾Jeff之前，都係打開個IG睇睇...
『已經過咗十五萬Followers？！』乜咁快吖？！
仲要啲DM多到睇唔晒囉！
再睇睇個MV...原來都過咗一百萬View...咁就唔怪之得啦...
望住一堆DM...當中都有LB Send過嚟...打開一睇...
“點吖？突然紅咗係咪有啲不安呢？”
“嗯 都有少少”
呢種不安...唔知點形容...
“LB：不過只要個心態穩 唔理佢哋咁多就得”
估唔到...LB又會咁快覆...
“明白”
或者佢咁啱得閒啦～
“LB：不過都要小心自身安全 出街最好戴返頂帽嗰啲”
“會咁危險咩？”
Joanne又唔覺會有乜危險喎...
“LB：會㗎 返學嘅話要小心啲 自己學校本身又好 又好易俾人知度邊間學校 話唔定會有跟蹤狂”
“會唔會咁癲吖？跟蹤狂喎”
或者而家嘅Joanne都係太睇小個嚴重性...
“LB：咩唔會咁癲 再癲啲都唔出奇 喂係吖 Marco啱啱叫我同你講 想搵埋你聽晚100萬View慶功宴喎”
搵埋Joanne...100萬View慶功宴？
TO BE CONTINUED
跟住既劇情發展又會係點呢？



準備出文