【pH值介乎於7飄浮的愛情故事】《一腳踏兩船》(4)

上回講到Joanne同LB等等日落黃昏～
Joanne就唔Send Message俾Jeff喇～有啲唔熟嘅人喺身邊好尷㗎嘛～
等咗一陣就差唔多日落喇～
咁LB就同Joanne拖住手咁拍～
然後又要拍埋Kiss鏡頭～當然就唔係真Kiss～係就鏡頭姐～
拍完大家睇返啲片，都好有Feel喎～
拍到真係好似Kiss緊咁喎～
OK大功告成～拍晒可以走得～
大家都執整嘢上大巴走人～
Joanne呆吓呆吓咁...其實冇乜嘢諗...只係心跳得勁快咁...仲未平靜返落嚟咁...
然後不知不覺就返到嚟銅鑼灣。
換返自己啲衫之後，都係時候離開...
「辛苦晒喇～」Marco同Joanne講一聲，「啲尾數過兩日就會過埋俾你～收唔到嘅話就搵搵我啦～」
『OKOK～』係喎...差啲唔記得尾數...
「咁好喇我仲有啲嘢要處理走先～」Marco就向Joanne同LB揮揮手～
『Bye～』
然後Joanne就同LB行到去佢架超級跑車旁邊：「終於都完喇...車埋你？」
『唔喇唔喇...』Joanne帶住微笑擰擰頭，『我自己搭車得喇～』
「嗯嗯...」LB點點頭，「Bye～」
『Bye～』Joanne同LB揮揮手...
望住LB坐上佢架超級跑車...
“吼！吼～”超級跑車絕塵而去...
完喇...然後沒然後...或者咁樣先係真真正正嘅完結...
但係咁樣嘅完結好咩？
又點嘅完結先係好呢？
跟住既劇情發展又會係點呢？



準備出文