【pH值介乎於7飄浮的愛情故事】《一腳踏兩船》(4)

上回講到LB DM Joanne恭喜佢有十萬Followers～
Crystal仲緊張過Joanne～叫佢快啲覆返人～
都冇DM開...覆乜好吖？求其Thx囉～
LB都估到Joanne係開心嘅～
不過就話要小心啲～要有心理準備咁～
Joanne都唔係好明LB想講乜～又唔知答乜好～都係求其答一隻半隻字～
連Crystal都話Joanne求其～搞到人哋冇癮唔傾！
唔係冇癮囉！LB都話有嘢要做唔傾住！人哋大明星嚟㗎嘛！
Jeff都買咗飯返嚟喇～不過有啲遅就俾Crystal話咗幾句！
係都要話吓人哋男朋友㗎喎！
然後佢哋就開餐～
打開盒飯...望住隻油雞...又望望Jeff盒叉燒...
Joanne就夾啲雞翼俾佢～又喺佢盒飯夾啲叉燒～
Jeff當然就冇所謂啦～雖然佢就冇話鍾唔鍾意食雞翼...
「係喎～」Jeff一邊食，「你個IG又多咗人Follow喎～」
『係吖係吖...又多咗吖...』Jeff都有睇Joanne個IG...
Joanne都知佢平日都有留意開佢個IG嘅...
應該話佢個IG都係Follow咗Joanne同Crystal...都冇其他人Follow啦...
唔係睇到啲廣告，就一定睇到Joanne啦...
「唔知會唔會過廿萬呢？」Jeff都有啲好奇。
『唔...唔知呢～不過唔理啦～都唔重要嘅～』講就咁講...其實係幾開心嘅...
即係除咗話越嚟越多人Follow...仲吸引到LB注意...主動DM Joanne...
當然Joanne就唔會同Jeff講返啦！免得誤會吖嘛...
又好彩Crystal肚仔餓掛住食嘢，唔得閒俾佢口多多咋！
不過講真...如果俾Jeff知道LB有DM Joanne...佢又會點諗呢？
跟住既劇情發展又會係點呢？



準備出文