【pH值介乎於7飄浮的愛情故事】《一腳踏兩船》(4)

Send埋個錫錫Emoji後，得返3%電咋！

好彩趕得切喺冇電之前Message咗Jeff先姐～

咁少電都係唔好玩電話...乖乖地等車啦～

自己一個唔睇電話嘅時候，我都習慣周圍望望...

其實都冇乜好望...都係見啲人各自低頭...

情侶可能好啲嘅～都會攬住對方～各自睇住自己部電話～

然後又有啲人望吓你...又會用部電話對住你...

通常都係啲廿幾歲嘅大哥哥...再大啲三十幾四十歲嘅叔叔都有...

其實我又唔係好介意俾人偷拍嘅...只要唔好影得太過份...

我嘅底線吖？腳囉...

大髀都OK嘅...唔好影到走光就得喇！

話口未完又有個叔叔拎住部手機對住我...

唉我都係扮唔知算～

斯斯文文咁坐定定...坐咗一段車程，終於返到嚟～

間餐廳距離黨鐵站都好近～好快就入到嚟...就見到Jeff坐咗喺我哋平時坐開嘅落地大玻璃二人世界位～

我走到埋去Jeff身邊，一嘢就拍落去：『喂！』

「喂～」Jeff處之泰然，「嚟咗喇？」

『係吖～』我坐喺Jeff對面，『嚟咗好耐喇？』

「都係啱啱先入嚟咋...」Jeff眼定定望實我，「今日都好多人吖...」

『係咯日日都好多人，即係呢間嘢掂啦～喂喂喂俾個尿袋我先啦！電話冇電喇！』我向Jeff攤大對手板！

「OKOK...」Jeff喺個大袋好就手咁拎咗個尿袋俾我，「嗱...」

『唔該～』我一插線...

“嘟～”啱啱好得返1%！

呼～又俾我趕得切～

我放返好部電話，就眼定定望實Jeff～佢都仲係眼定定咁望實我～

『喂～做咩吖？』望到定晒格咁～

「冇...冇...」Jeff仲係望到入晒神咁，「你今日好靚...」

『吓？！咁即係平時唔靚啦？！』係㗎喇！我就係咁麻煩㗎喇！

「唔係唔係！」Jeff擰晒頭咁！但仲係眼定定咁望實我！「平時都好靚！係今日...冇見過你化呢個妝...」

『哦～係喎～都冇落到妝添～都係啲淡妝嚟咋嘛～好大分別咩？』其實我自己係覺得有啲分別嘅～

「都大吖...」Jeff點點頭...但仲係眼定定咁望實我，「都大吖...」

『咁以後都化呢個妝同你出街好唔好？』化過兩日，都識得點化嘅～

「咁又唔好...」Jeff又擰擰頭，但仲係眼定定咁望實我。

『吓？點解吖？你唔係話好靚咩？』又係你頭先講嘅...

「我都係覺得平時唔化妝嘅你最好...」Jeff點點頭...但仲係眼定定咁望實我。

「乜你咁麻煩㗎？！」仲麻煩過我囉！

「呃呃咁...呃呃咁...唔係...呃...」

『唔好呃又唔係喇！快啲叫嘢食先啦！肚餓吖！』

其實啲男人鍾唔鍾意女仔化妝㗎呢？

雖然話我除咗返學，放假同Jeff拍拖又好，同Friend出街又好，都會化淡妝嘅～

覺得化咗係靚啲囉～

女仔貪靚就梗㗎啦～

之但係呢...好多時都會好似吸毒咁...越化越濃㗎！

仲會化到好似唔係自己咁...照鏡都認唔到自己添！

呢一刻我仲未想咁囉...

即係如果Jeff鍾意唔化妝嘅我多啲...我就寧願唔鬼化喇～

又唔使花成個幾鐘先出得門口咁嘥時間～皮膚都好啲添啦～

咁即係化定唔化好？

Jeff好快就叫晒我鍾意食嘅嘢～

我哋都打情罵俏咗一陣，啲嘢食就嚟喇～

『嘩Pizza Pizza！我要呢舊！我要呢舊！唔該～』終於有得食～

「慢慢啦～食得咁心急～小心吖～」Jeff照顧完我，自己都開餐～

『嗯嗯！好味吖～我要炸雞！呢舊！呢舊！』我一邊食Pizza，一邊手指指舊炸雞～

「食完Pizza先啦...」Jeff拎咗舊炸雞俾我，「你好肚餓咩？」

『肚餓吖！咩唔肚餓吖？梗係肚餓啦！今日食咗半盒油雞飯咋！』雖然我係大食...但我瘦低嘅～

食極都唔肥～天生麗質難自棄～你識條鐵咩～

「吓？點解係半盒嘅？」Jeff有啲好奇...

『因為！』我急住吞咗舊炸雞！『咳咳！』

「喂都叫你小心咯...」Jeff拎咗杯士多啤梨沙冰俾我，「慢慢食啦...」

『咳咳...』我飲多兩啖士多啤梨沙冰，『嗄～唔該～冇...食咗半盒就見到有隻小強喺裡面吖！』

「嘩咁驚？」Jeff都嚇咗嚇！

『你都話驚呢？』我又繼續吹，『不過好彩唔係得半隻...』

「點解唔係得半隻就好彩呢？」Jeff一頭問號，「成隻好彩啲咩？」

『半隻咪即係有半隻俾我食咗落肚囉！咁蠢㗎你！』

「哈哈～又係喎～」

『笑...好好笑咩？』

「唔笑唔笑...咁有冇陰影？」

『頭先有...而家冇囉...唔好提返喇！啲陰影又返晒嚟㗎喇！』

「好好好～唔提唔提～慢慢食～」

點解...我要講大話呢？

點解...我唔直接講話同LB Share咗盒飯呢？

點解...點解...

或者...或者...或者我都只係唔想解釋咁多姐～

或者...或者...無謂令Jeff誤會姐...

點解...點解...點解又有呢種諗法㗎呢？

又係自己都過唔到自己...點過Jeff吖？！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

Jeff都仲係眼中只有我咁望住我嚟食嘢～

同時又好照顧我～幫我拎件Pizza～又幫我拎舊炸雞～

見我唔夠食咁，仲會分埋佢嗰份俾我～

睇嚟lb就係小強

joanne分明移情別戀

new po lm

mola mola

仲有成隻 唔係半隻 即係冇食到

冇啲咁嘅事
抽返翻嚟㗎喇

星叔

冇事冇事

Jeff 都要有兩手準備
萬一Joanne 抽唔翻嚟就準備同新女朋友一齊

到時就話要兩個男朋友

Jeff對Joanne係一心一意㗎

咁就唔使揀啦

晚

辭職啦

會唔會就係Crystal