【２０２５】《病港ＩＩ》（８ 2）

鼠尾舉手：「校長個位由你坐？」

「暫時繼續由舊校長代理，轉變太快其他人好難跟。」港豬也考慮到實際情況。

趁他們討論之際，我走到馬面身邊：「馬面，你設計好未？之前講嗰個咩壓力太空艙……」

「加壓太空艙。」馬面小聲地告訴我：「我哋可以喺大學整埋。」

「幾耐？」

「加埋測試，你預一星期至一個月。」

「中間個差距都幾大……」

「主要睇你洗唔洗測試埋，唔測試其實好快。」

「我可以等。」

「咁你等下。」

「仲有冇其他問題？」港豬橫望大家。

「共振教嗰到你處理到？」我支持公子會奪權的理由，就是阻止天腦的影響在倖存區擴散。

說起來，不久前共振教的發言人伊聖言，突然說要去北部都會區傳播宗教，莫非也是預料到我們今時今日的景況？我不想自己嚇自己，但如果真的是，那就太恐怖，我的行動仍然被天腦掌控著。

新一天，大學又再運轉起來。

昨日發生動蕩，今天好像沒事一樣。

我使用電台設備去聯絡港島區的王達尼，告訴他中文大學發生的事。

「吓？你講笑定講真啊，唔怪得今日明明開例會……」王達尼聲線愕然無比：「但得我一個喺嗰到。」

「無咗公子會你掂唔掂？」不得不說，公子會有能力把倖存區管理得井然有序。

「點會唔掂……係突然覺得有啲空虛，好似少咗啲靈魂。」

「但對你都係好事，你喺依個位坐得太耐。」

「嗯……」王達尼帶點玩笑和質疑的語氣：「但都唔知，你嗰個天腦信任理論係唔係真。」

一句說話就明顯展示出，王達尼對權位有些留戀。

「所有事情都有個限期，佢係美好，但你抱緊唔放，喺其他人眼中就會慢慢變成一個頑固嘅老妖怪，就算以前再風光，再偉大都好。」

「哇，你喺邊到感悟返嚟。」

我苦笑：「我都唔知……」

幸運時間

今日個進度

希望有多

幾時加更

嚟緊會唔喺香港應該要月尾

又外出取材

有公子會就係品質保證，由病港一直到而家都係

禮堂餘下我和賴桑，我坐到一張椅子跟他談談：「嗰條友信得過？」

「白月草？」

「嗯。」我瞧向門口外的他。

「佢或者唔係富有同情心、有英雄精神嘅偉大領袖，但係要同艾康依種暴君鬥，最需要就係白月草依種人，滿腦子都係周全嘅計劃。」

「我都感覺，自己俾佢利用咗唔少。」我心裡認同賴桑的說話。

當年賴桑都仲未出事

推

推

推

嚟緊我會唔喺香港一個星期左右，所以13號之後會無文，直到20號

但會員網站依然會每日一篇，各位唔想等嘅可以買會員支持下

「仲有冇咩要講？」

「港島嗰到無咩事發生？」

「無！欣欣向榮啊。」

「嗯，再講。」通話結束。

行政樓內，公子會開始接見每位具勢力人士，其中最重點對象是學閥。他們壟斷著大學的學術界，會選擇性地將專業知識傳授給有關係的人，其餘沒關係拉籠的人不會招收，要不付更多錢學習，要不只傳授入門的皮毛知識，誰說學習是平等的？

好比武俠小說的門派，分了內傳弟子和外傳弟子，除非你天份極高得到賞識，否則學到的不多，一輩子只是打雜的地位。

傳統學閥包括：政治界、金融界、醫療界、法律界、新聞界、工程界、藝術界、語文界和教育界等。學閥們本應要準時出席，一起與新接任的公子會見面，但令人尷尬的是，就算到了指定時間，居然沒有一個人現身。

「雞冠，你俾錯咗時間定地點？」牛毛反覆查看手錶和會議室大門。

「我檢查咗幾次，時間同地點應該都啱。」雞冠同樣覺得奇怪。

「咣──」門突然給推開了。

但來者不是預約好的任一學閥，而是校長鄭明孝。

「我覺得你哋唔洗再等。」鄭明孝說。

「原因？」鼠尾問。

「你哋真係當咗嗰班校董係老懵懂……」鄭明孝橫視眾人，語帶平和：「你哋要見嗰班學閥嘅幕後話事人，正正就係佢哋。」

「繼續講。」

「所有嘢都係一脈相成，專業嘅學術知識將佢哋連結喺一齊，喺大學……教導自己嘅人先係最大。」鄭明孝雙手比劃，耐心地解釋：「係，佢哋間唔中係會有意見分歧同爭吵，但最終目的都係一致。你哋可能係有批群眾基礎，但嗰班人都只喺堆數字，身份同地位喺大學到係無足輕重，真正掌權嘅既得利益者，又點會加入你哋嘅推翻行動？」

公子會消化完鄭明孝的話後，不約而同望向港豬看看他是否有辦法。

如果學閥不配合公子會，就算掌控得住大學也難以經營。

「唔怪得咁快交權出嚟，原來仲有底牌嘿嘿。」狗鼻雙手托住後腦勺。

「手段強硬少少得唔得？拎把槍指住佢哋就聽聽話話。」虎牙說。

「唔用暴力。」港豬一出聲就相當響亮：「暴力係對野蠻人用。」

「好多時政治上係無輸贏，更多係妥協……」鄭明孝又發表己見：「權力轉移要盡快完成，拖越耐威信就越低。」

「你特登嚟嘅目的，就係同我講呢番說話？」港豬十指交握，凝重地盯著他。

「你哋同校董會需要個溝通橋樑，我可以做個條橋。」原來鄭明孝是來自薦。

「崇基個位校董唔係企我哋嗰到？今日應該見到佢嘅學閥先係。」羊角說。

「佢係政治界嘅學閥，左右橫跳家常便飯，佢大概係同其他校董傾咗新嘅合作方案，先加入杯葛。」鄭明孝說。

「咁你今日可以帶校董會嚟？。」港豬問。

「我睇下可唔可以。」鄭明孝對各位點一下頭，然後轉身離開。

「下個要見嘅係咩人？」大家都問雞冠。

「北部都會區嘅駐大學外交官。」雞冠查看流程表。

因為中文大學和北部都會區恢復了交易，雙方都在當地互設外交官。

外交官給人印象，普遍是禮貌溫文。

可是眼前這位除了會穿西裝，顯示懂得尊重場合外，為人看上去不怎麼知書達禮。

他以腋下夾住夾袋，手腕上戴著閃亮的金錶，嘴裡不時啃著不知哪來的花生，活像暴發戶，但很符合我對北區人的認知。

「茶、煙、飯、炮呢？」北區外交官一來便問：「無乜招呼，唔掂喎你哋。」

公子會眾人都不太明白其意思，我只好給他說明。

「茶煙飯炮，意思係請佢飲酒、吸煙、食飯、叫雞。」

「依個醒目！」北區外交官指住我。

「王萬金先生，我哋唔係嚟招呼你，係傾正經事。」雞冠說。

「咁死得喇……」王萬金攤開手掌：「成班死氣沉沉，戴住個死人頭套，一啲氣氛都無，有咩好傾？你哋識做時我識做啫。」

「我哋想傾傾能源同糧食交易嘅分比。」

「講緊乜啊……分乜比……」

「……」

「嗱，我唔理，總之校董就同米生傾好哂，同我講係無用嘅，要傾就搵人上去傾。」王萬金拒絕溝通。

「你純粹係件裝飾品？」虎牙做退下的手勢：「你走喇。」

「噓，浪費我時間。」王萬金轉身離開。

「接管大學睇嚟比我諗嘅麻煩。」龍頭托著自己的頭。

緊接下來的時間，公子會都是接見不同的人。

他們有的順從得很，有的態度抗拒，不管如何，我會留在行政樓只因等待著共振教被宣佈解散。

公子會的人在事前，特別詢問我想如何處理。

最斬草除根，一了百了的方法，自然是殺死他們。

但我採用了較為折衷的方法，一是接受洗腦治療，二是被流放。

這群信仰堅定的信徒們，毫無疑問揀了後者。

他們只有遠離人群，才不會引發危害。

如果天腦真的愛護衪的信徒，應該會好好保護他們，沿路不受病者襲擊。

下午，夕陽快要沉入海平線。

眾教徒面向醉人金光，準備踏出蒼涼的街頭。

以前嘗試引導我入教的蘇巧得，特別對我說了句意味深長的話。

「你阻止唔到一切嘅發生。」

「我流放你哋，已經阻止咗大學發生危險。」

「聖父已經誕生。」蘇巧得微笑。

「……」

這些被流放的上數十名信徒，彼此手牽著手，高唱著不明的聖歌，一起走出中文大學。

我站在哨塔上保持觀察，中文大學外並不危險，那裡設有緩衝區阻止病者入侵。

但當真正踏出緩衝區後，病者們都開始注意到信徒們，它們發出下流的笑聲，跑向了那些信徒，暴力地殺害。

信徒們驚叫逃跑，向著不同位置跑去。

似乎他們的主，並不在乎他們性命。

樓豬去邊

ching 你對墨巴再休文有咩睇法

要有咩睇法？依家出文係欠左你架咩想放假咪放囉
如果你想放假你老細都咁問你，你又有咩睇法

放假冇問題 問題係上面好似有人勁串嘴話墨巴一年只放一次假

仲要由於一年只放一次假 所以其他人罵下都唔得

過往幾耐放一次假？唔想等可以課金，個邊唔休文