【２０２５】《病港ＩＩ》（８ 2）

病港2 序章 99.58%

笑左

就嚟變宮崎駿

終於可以開主線

推

墨巴會唔會寫病港前傳，例如各區情況、倖存區嘅起始，笑毒爆發前期嘅社會等等

感覺少人睇，成本效益唔係幾大，可能正傳完結個陣，未有其他野寫，會寫下

戴士邦帶我沿著水塔內部一條方形螺旋梯，行到底部後領我進入了一間指揮室。

指揮室位於水塔的最底層，四周被厚厚的鋼筋混凝土牆壁包圍，像上世紀的辦公室風格。

天花板上的燈管發出微弱的綠色光芒，讓房間的每一個角落都籠罩在陰森的色調中。牆壁上是斑駁的白色瓷磚，濕氣在上面留下了深色的水漬。幾根裸露的電線從天花板垂下，輕輕搖晃著。桌子上擺滿了各式各樣的儀器和設備，顯示屏上閃爍著不規則的數據，像是某種神秘實驗的遺跡。

辦公室有些人工作著，翻看成疊的字典一樣的文件。

「依到就係你哋基地？都幾殘舊。」我說出第一印象。

「運作到就可以。」

崔振寰就被囚禁此地，手銬扣在外牆的水管上。

我往桌子上的文件瞧了數眼，發現這裡的大部份文件上，都是不同大學居民的個人資料。

「我嘅個人資料都喺到？」我揶揄。

「只要你係正常途徑入嚟都會有，我哋就係要分析每個可能潛在嘅危險性。」

「咁都幾失敗。」我大學遇過的危險人物不少。

「無辦法，人唔夠。」

我們走到崔振寰面前，只見他有些憔悴。

「你好。」我俯視著崔振寰。

「你好……」對方回應。

「有辦法設計整出一個防止電磁波攻擊嘅室內空間？」

「可以，石墨烯、鐵氧體、鍍銀纖維，仲、仲有其他金屬……」

「今日起，你唔係再幫米田貢做嘢，明？」

「明……我識做。」崔振寰表現出弱勢：「有需要用到我嘅地方即管開聲。」

「好。」

「你帶佢去港島嗰陣，我順便試去魔鬼山探測你講嘅天腦，儀器已經準備好。」戴士邦說。

「有樣嘢我想問，你知唔知伊聖言係乜嘢人？」

「伊聖言……以我所知，就係個神學士。」

「我懷疑佢都有天腦嘅能力。」

「證據係？」

「我喺北部都會區見過佢將一隻病者定身，令到隻病者郁唔到。」

「如果真係都幾危險，佢喺我哋大學聲望都幾高。」

「你好似都未講，你呢個係咩組織，依到係你創立？」

「教授，有人想認識下你。」話畢，戴士邦指向一個電子螢幕。

電子螢幕上，展現出一張老年人的臉孔。

這個人，我不曾在大學見過。

戴士邦為我介紹：「你可以稱得上組織嘅創立人──Y教授。」

「Y教授？好似喺邊到聽講，係咪哈老闆呢。」

「你想講變種人學院。」戴士邦替我說出來。

「係！嗰個奇怪社團……」

Y教授欣然承認：「變種人學院係我其中一個實驗計劃。」

「原來就係你。」總算能一睹廬山真面目。

「恕我唔可以親自接見你同你握個手，我必須二十四小時維持喺高度屏蔽嘅空間裡面，防止嗰位上位者追殺。」

「你指天腦？」

「無錯。」

「可以察覺到天腦存在嘅人唔多，你仲話自己俾佢追殺，你對佢肯定好大威脅……」

Y教授淺淺勾起嘴角，緩緩說出自己背景：「我係中文大學嘅精神科教授，有鑒於社會文明瓦解後，大部份人精神都變得唔穩定，大學委託我定期幫每一位在校人士進行精神診斷，分析佢哋可能嘅潛在行為。」

「所以你有齊大學每個居民嘅個人資料。」

「你聽過末日神童？喺大學無人唔識佢。」

「識，聽過，後嚟自殺死咗。」

「喺末日神童自殺前，佢係我其中一個病人，我亦喺佢身上了解到……存在住所謂嘅上位者。」Y教授指一指太陽穴：「可以用人嘅腦波作為武器，甚至係轉發器。」

「最後末日神童都係受唔住天腦干擾自殺？」

「嗰陣成個大學上下都信奉住末日神童，因為佢作出嘅預言無比正確，亦吸納咗好多人信仰，令上位者嘅影響力好似強訊號咁覆蓋哂成個大學，末日神童佢無得揀，只可以自殺嚟結束上位者嘅影響力。」Y教授說出事情原委：「後嚟嘅變種人學院，只係我其中一個嘗試用嚟培訓出可以對抗到上位者嘅人員計劃。」

「大學果然卧虎藏龍。」

「戴士邦已經同我講咗，你一直以嚟同佢分享嘅情報，好快就會知你講嘅座標到底係唔係上位者所在。」

「嗯……」

「計劃詳情喺到。」戴士邦引領我視線到一塊白板上。

我的焦點本應是計劃詳情，但另外貼著的某人頭像，分離了我的注意力。

「依個人……」

「朱培津，你識佢？」戴士邦問。

「識識地。」

我答完後，戴士邦瞄向Y教授的電子螢幕一眼。

「佢都係危險人物？」

「極危險。」戴士邦說。

「點解咁講？」

「教授，我可以講？」

「批准，你講。」Y教授允許。

「朱培津疑似喺我哋大學，搞咗場精妙嘅思想實驗。」

「……可以講多少少？」

「你有冇聽過二聯性精神病？意思係「二人共享的瘋狂」。」

Y教授補充學名：「現代叫法係「共有型精神病」。」

「意思係？」

戴士邦用油筆畫出兩個火柴人，以一條線相連他們的腦部：「意思係一個人，將自己妄想嘅信念傳送到另一個人身上，令到對方同樣相信，嗰個信念可能係陰謀論，或者各種妄想。」

覺得可以寫下啲病港猛人喺病港前嘅故事，例如病港前嘅米田貢港豬drd果啲

joker 2個標題
對返時間都應該差唔多係上映嗰排寫

如果病港都算少人睇 咁成個講故台都可以唔洗出故

推

推

雙瘋

「咁朱培津佢實際上做咗……」

「佢以免費心理咨詢做名目，令好多好多嘅大學人都去睇症，Y教授派我去調查過，假扮過去咨詢，記錄低成個過程，後嚟Y教授發現佢喺過程入面用咗好多心理暗示手段。」

「點解佢要咁做？」

「一開始我哋都無頭緒，係後嚟先慢慢挖掘到啲線索。佢結合咗被害妄想、誇大妄想、宗教妄想，包裝去一隻懷錶上面，令其他不自覺間俾佢傳染咗共有型精神病嘅人，見到隻錶就會完全索性抵抗同思考能力，任由擺佈。」戴士邦說出自己的調查。

「真係做得到咩？」這樣子跟超能力無異。

「實際上係做得到，但需要高超嘅心理誘導技巧，仲有無窮無盡嘅精神同時間。」戴士邦往杯子倒咖啡粉，然後開始沖泡：「本來我哋懷疑緊佢係咪上位者選中嘅信徒，但依個答案已經唔知，佢人都走咗。」

「港豬……」到底你有什麼企圖。

「同你講，喺依種年代最危險唔係拎住把刀，話你殺你姦你嘅人。」戴士邦把沖好的咖啡輕湊到嘴前喝：「係讀咗好多書，想將自己理論實踐嘅人。」

戴士邦這句話，實在無法認同更多。

「咁我哋依家係共同對抗天腦嘅陣線。」我說回正題。

「係，但為咗隱密性，唔好喺任何人面前提起我哋，地面上每個人都可能係天腦嘅信仰者。」

「放心，我行走江湖咗好多年。」

了解過戴士邦及其背後的組織，我們就正式展開尋找天腦的行動。

我們乘坐商船先把崔振寰帶往港島倖存區，用他的學問建設一個完全的屏蔽疫苗研究室，然後帶著戴士邦和張氏兄弟一起到魔鬼山上。

自當年那一戰後，都不知多久沒有回來。

我們所用的是氣象氣球，主要以氯丁橡膠製作，繩子的末端會垂吊懸掛偵測電磁波的儀器，並放上信標信號，方便回收後再次使用。

有時候我們人類與病者的對決，不單單是肉體與勇氣的碰撞，也會用到智慧與科技的時候。

能夠演算預測出一切結果的天腦，不知又是否預料得到是次偵察？我們不能因為衪預測到就什麼都不做。

「我哋喺氣球入面灌滿咗氫氣，至少可以升到平流層，平流層再上就無必要，因為嗰到存在嘅生物大部份都會凍死。」張世一說。

戴士邦看看手錶：「咁開始。」

魔鬼山頂部。

張世一和張宇一解開綁住氣象氣球的重物，讓氣球自動升上半空。

「大概一至兩個鐘內就有結果。」張宇一伸懶腰。

除了坐下聊天，在山上我們都沒什麼可做。

「第一次嚟咁遠嘅地方。」張世一橫視山下景色，指向調景嶺：「嗰個倖存區有咩玩？」

「大本營？無咩好玩。」我答。

「馬克你仲有冇返北部都會區？」張宇一拍我手臂。

「有，近排先去完。」

「哇，你仲夠膽去？」

「唔驚喇，馬克咁好打。」張世一說。

「我頭先上嚟嗰陣見到個廢棄堡壘，我想去睇下。」張宇一的好奇心發作。

「唔好。」我叫住他。

「吓，做咩要殺死我嘅好奇心啊？」

「嗰個地方可能有危險，至少以前發生過。」

「以前？即係依家──」

戴士邦幫我一句：「你可以去應徵恐怖電影嘅主角，佢哋多數都係咁死。」

「嘩，咁真係要白坐兩個鐘啊？」張宇一很不情願。

「好想郁下啊！」張世一原地跳動。

「你兩個到底係咪有過度活躍症……」我皺起眉頭。

「你有冇方法幫我哋解決啊？」

「你兩個除衫打架，打到其中一個訓低，就自己打暈自己。」

「我哋手足係唔會互相傷害！」

兩小時後。

氣象氣球因為上升到某高度而破裂，儀器和降落傘一起往下墜。

受風向所致，它降落的位置有些偏差，我們需要落到山腰位置搜索好一會，才尋得著掉落的儀器。戴士邦第一時間檢查儀器參數，包括頻譜分析儀、電磁場強度計和射頻功率計。

「讀數高到好異常……」戴士邦抬頭望向天上：「天腦真係喺上面。」

我跟著抬頭望天，上面烏雲密布。

從未想過敵人，就在自己頭頂那麼近。

「係咪即係搞掂？」張宇一問。

「我哋要再研究點樣殺得死上面嗰隻嘢……」戴士邦眼神轉為慎重：「先返倖存區。」

我們成功回收儀器，下山朝著大本營過去。

我雖然很開心，但又有點擔心。

為什麼這麼容易？

為什麼這樣簡單？

天腦的不作為，反而加重我的不安。

天上面那東西，真的是天腦嗎？

第不知幾次回到大本營，一樣的人，一樣的景，只是每次墓碑都會刻上某舊人的名字，誰家又有新的生命誕生。

十多年間，有人離開，有人繼續。

「依到就係大本營？」張世一雙手插腰，打量不同座數的建築物：「幾骨緻下。」

我回來首要做的事，是到鐵門前悼念百里、林楚和烏納咒。

當天的慘劇，不知不覺又數年了。

如果你們還在的話……

肯定熱鬧很多。

曾經skip過一段時間，魔鬼山發生過咩事？

病港一結局喎Ching