【２０２５】《病港ＩＩ》（８ 2）

瓦禮幾時同滿天分手？
完全miss咗

都係應返十二生肖個故仔

十二生肖冇貓

俾人隊冧咗？

「好，我寄張單去政府總部。」

「醒目。」

呢啲真係知心好友，知佢一定唔比錢

好似有個角色叫貓吉

係合眾國先喺冇錢俾
係大學有餐廳食物卷俾㗎

建議睇睇點解無貓...

沒有戴士邦的帶路，我自己前往大學水塔底部與Y教授見面。

「開門，唔該。」我拍拍基地鐵閘。

「暗號。」對方問我。

「暗號？我唔知，但我係戴士邦朋友。」

「士邦朋友？既然你叫得出佢個名，應該都係自己人。」

「咔」鐵閘解鎖。

給我通行的是位中年書呆子，他的頭髮稀疏，戴著副骯髒的黑框眼鏡，身形說得上肥胖。

基地內擺設多台的電子螢幕，都以黑白畫面顯示校園不同角落，並安裝有射頻測試儀，它們都由該名男子負責監察。

「所以……」書呆子抬頭，輕輕托眼鏡打量著我：「你就係士邦另一個揀嘅人？」

「揀？我哋只係合作關係。」

「嘻嘻，喺你之前，都有好多類似嘅人。」

「唔明你講緊咩。」

「你唔係第一個同我哋「合作」嘅人。」

「仲有其他人？」

「依家應該得你一個哈哈。」這個書呆子說話怪怪的。

「我要見Y教授。」

「你唔諗住介紹自己？」書呆子自嘲式苦笑：「定你唔想同我做朋友，人就係睇樣嘅，唔怪你。」

「約翰‧馬克，你？」

「你想聽真名定假名？」

「假名。」

「唔、唔聽真名？」書呆子有點意外，跟他預想有出入。

「假就得，保護好自己。」

「哈哈哈哈，我叫房獻計，呢個係我真名。」

「你喺到係咩角色？」

「理解我係後勤就得。」

房獻計手指鍵盤按幾下，聯絡Y教授：「你等陣，教授通常要好耐先接電話。」

等待Y教授接聽期間，我主動跟房獻計搭話。

「頭先你講我唔係第一個合作嘅人，咁其他人喺邊？」

房獻計用手做出割頸動作：「死哂。」

「……」

「做特務就係會生命危險。」

Y教授的聯絡接通：「獻計，有事搵我？」

「有位人兄搵你。」房獻計讓出個位，給我湊近麥克風說話。

「唔知你認唔認得我把聲？」

「我認得你。」Y教授答。

我花了些時間跟他說明偵察天腦的事，然後再談下步計劃。

「想鏟除「共振教」唔易，校董會入面都有成員，歷史上好多被迫害嘅教會，都未真正消失過。」Y教授給出一個建議：「想真正阻止宗教發展，將天腦信仰者變成正常人，需要一套全民洗腦計劃。」

「強行洗腦？」

「唔係，而係嗰位朱培津先生。」

「……」

「你之前話識得佢，咁會唔會知佢喺邊？佢某程度已經對成間大學嘅八成人洗咗腦，只要佢想，扭轉大部份人思想都唔係問題，到時只會剩低少數信仰堅強嘅共振教人。」

就算我同意計劃，我要如何找港豬出來。

嘎……嘎嘎？

我都差點忘記了嘎嘎的存在，她可以對病者進行定位。

港豬當日理應從政府總部墜樓而死，可他沒有死……我亦有理由相信他變成病者了。

「我嘗試下。」

「嗯。」

通話結束後，房獻計馬上給我說出嘎嘎所在。

「嘎嘎啊嘛？佢平日應該喺馮景禧樓。」

「你點知？」

「身為情報人員，知道都好合理。」

「唔講以為你先係天腦。」

「咩叫天腦？」

「無嘢。」

其實我不用去什麼馮景禧樓，只要安坐病獵學會等待即可，因為嘎嘎常常來玩四驅車。

本來想著多少要等上一下，結果我回到病獵學會，嘎嘎恰好就在那裡。

「嘎嘎。」

「吓？」嘎嘎專心的砌著四驅車。

「有樣嘢可能要你幫手，你有冇可能再定一次位？」

「定、定位？你指搵病者？我個能力已經消失咗好耐……」嘎嘎呆呆地答。

「嗯……」

「隻病者好緊要？」嘎嘎放下未組裝完的四驅車：「我可以試下。」

「朱培津。」

「朱培津……」嘎嘎盤腳而坐，閉目沉思。

十五分鐘後。

嘎嘎張開明亮的眼睛，咳嗽一聲：「唔得。」

如果沒有嘎嘎能力，要找出港豬幾乎等同大海撈針，不過這種事勉強不來。

「唔緊要。」我拍拍嘎嘎肩膀。

嘎嘎拍打自己腦瓜幾下：「我再集中啲。」

「唔洗，既然你用唔到，都係好事。」

「可能俾你望住我太緊張，陣間你唔喺到我會再試下。」

「哈哈，好。」

我就先不阻礙嘎嘎，轉為前往共振教，當是看看其教會規模都好。

共振教是確實富有，佔著逸夫書院整幢大樓。

內部裝潢不如一般宗教樸素，反而帶有點奢華的氣氛。

主色調為金色和藍色，出席的教徒無需要穿簡約的服飾，相反可以珠光寶氣，西裝革履的出席，有別於正常的教會。

部份等於職員的教徒身穿藍和金配色的衣服，禮貌地招待進入大樓人士。

比起宗教組織，更像富人拍賣會。

補文 星期一的文

靠近門口的接待區，有位笑容可掬的女職員主動接觸我。

「你係嚟認識我哋嘅？第一次見你。」

「嚟參觀下。」我說。

「原來係咁，你喺咩渠道聽到我哋教會？」

「都係聽人講。」

「你真係有興趣可以向我了解下先，我叫蘇巧得。」她是位短髮的中年女士。

「共振教係拜咩？」正常教會應該擺滿崇拜對象的雕像或畫作，但這裡兩樣都沒有，僅得充滿幾何學風格的藝術品。

「我哋拜嘅神，係精神。我哋主張修練精神嚟自我提升，從而實現精神覺醒。」蘇巧得說完好似沒說一樣。

「即係無神論？」

「差唔多，我哋更多時候，係一個專注自我身上。知唔知咩叫共振？佢係物理學同工程學上嘅概念，當外部力量施加嘅頻率同內部固有嘅頻率一致，能量效率就會達到最大，所以「共振」，就係只要你將外界嘅頻率同自身頻率調較相同，就可以產生共振效果，令你獲得最大嘅能量，實現精神上昇華。」

我最怕別人一本正經，說些我聽不懂的話。

但沒有偽神做信仰，如何將信仰凝聚？

「你有冇興趣？」蘇巧得微笑。

「免費定係？」

「初期內容全部免費，後面比較高深課程，先需要少少費用。」

「試下。」一試便知真偽。

「好，請嚟依到。」

蘇巧得帶我到求職面試般的櫃檯，坐在我對面手握著筆記錄我訊息。

「首先要登記下你身份。」

我給出的自然是假身份，取自病獵學會某成員。

「你係神學科？」蘇巧得看著我的服裝：「睇你件衫應該係。」

「喺外面買。」

「哈哈哈，咁你本身有冇信仰？」

「無，但一直都想搵個可以令我確信嘅事物。」

「好，咁你嚟到共振教就啱，我哋吸收好多本身無接觸宗教嘅人，你準備好參與課程就同我講。」

「我準備好，我平時好得閒。」

「咁我哋開始啦。」蘇巧得讓我跟過去：「跟住我。」

這裡的地面以海軍藍色的高檔地墊鋪設，牆壁是表面光滑的石材，整個空間散發著柔和的光芒。

蘇巧得把我帶入一間像課室的地方，裡面部份是身穿天藍色上衣的教徒，部份是一般服裝的市民。

他們椅子圍成一個圓圈，像極了那些戒酒小組。

「新朋友請坐，介紹下你？」面相友善的男教徒雙手迎接我。

「我叫馬克，我……」

「馬克，乜嘢驅使你嚟到共振教？」男教徒插話，不給我說下去。

「……迷茫？」我想調查完你們就不迷茫了。

「迷茫。」男教徒接著我的尾話，橫視眾人：「但馬克嘅靈魂，同我哋教會產生共振，產生連結，所以佢嚟到。」

「……」

「記住，我哋會嚟到依到都係有原因。」男教徒投出關懷的眼神：「依家我想你哋都分享下自己一啲悲痛經歷，唔需要隱瞞，我哋每個人都有過去，我哋唔似其他宗教，你講完出嚟會有個主嘅物體去無條件原諒你，但你第一步肯面對自己過去，先可以直視自己靈魂，如果連自己都怕，係唔會得到昇華。」

蘇巧得笑問：「有冇人想要分享先？」

大家都默不作聲，不敢做第一個。

「咁不如我講先？」蘇巧得抿著嘴，雙手放腿上：「我呢，以前識咗個唔好嘅人，我深愛住佢，而佢都鐘意控制住我，我哋幾癲嘅嘢都會玩……毒品都只係小兒科。有次我一時糊塗，同另外一個男人有親密行為，而且俾佢知道咗，我不停求佢原諒……結果佢同我講，原諒我可以，但要幫佢生個仔。」

「……」好想打呵欠。

「我當然同意咗……」蘇巧得有點許尷尬地傻笑：「但當我真係有咗佢血肉嗰陣，佢叫我墮胎。我唔明、我唔明點解佢要咁做，然後佢同我講，依個就係背叛佢嘅教訓，如果我唔落咗個仔，佢就會離開我。」

有些人捂住嘴，顯然覺得有些誇張。

「最後我做手術落咗個仔。」蘇巧得搖頭苦笑：「依個就係我所謂嘅「愛情」，要用自己骨肉去證明對愛情嘅忠誠。」

「後嚟共振教點樣幫助到你？」男教徒問。

「加入共振教我好似多咗個大家庭。」蘇巧得立即笑得燦爛：「大家都體諒我，我身上嘅負能量好似得到咗清理，唔再存在陰影，個腦唔會再俾依件事折磨，成個人淨化咗咁，舒服哂。」

蘇巧得分享完自己的往事，後續其他人都開始分享，但都沒有蘇巧得那麼誇張。

「馬克你呢？」蘇巧得問。

我即興創作一個創傷：「我試過因為太肚餓，殺咗自己養好多年嘅狗。」

「依件事對你往後生活有咩壓力同影響？」

「每次食嘢或者肚餓我都會諗起呢件事，然後就無咩胃口。」

「事情係令人痛心，但我哋肉體就係需要食物。」蘇巧得拍拍我的背：「正如精神一樣，需要得到滿足，馬克跟我嚟。」

「嗯？」

「我哋依家會清洗你嘅創傷。」蘇巧得起身離座。

我起身跟著蘇巧得走到另一個盡頭的房間，房間中有部長方形的小型儀器，看起來有點復古。

「依部叫心靈電儀表，絕對安全可靠。」蘇巧得給我介紹桌上的儀器。

「有咩用？」

「佢可以根據電流變化觀察到你心靈狀態。」

同外界既能量共振咪即係天腦

好似係冇明講
少見面 雙方又唔做主動
淡淡下就冇咗

滿天想去九龍搵血禍
瓦禮覺得太危險就一哭二鬧
最後刮咗滿天一巴就散咗

休文一天 身體不適

想知笑毒嘅原理唔係將弱變成強咩，點解天本聰咁聰明都係大腦進化？定係太聰明嘅大腦其實係一種弱點

有紅點？