【２０２５】《病港ＩＩ》（８ 2）

去到大本營，阿登帶我到戴士邦他們的房間，少佐特別分配了空房給他們進行偵察行動。

「影到嘢？」

「你自己睇。」戴士邦調較時間軸。

「做好心理準備，好震撼……」張氏兄弟異口同聲地說。

影片中大部份時候都是一片蔚藍，直到慢慢有個物體入鏡。

這物體非常巨大，越升越高漸漸能看清其全貌。

要概括來說就是個巨型的球體，球體底部依稀可見吊掛著瘦弱的身軀，像極了宇宙中的天體。

「可能佢就係你講嘅天腦。」戴士邦說。

那巨大到匪夷所思的球體，大概是衪的腦部。

「有下步計劃？」

「下步就到獵殺，我哋本身想靠氣象氣球載炸藥上去，但思考落可行性好低。」戴士邦說出困難性：「首先氣象氣球承載唔到大量炸藥、其次高度控制同位置好睇運氣，第三係無咩可靠嘅引爆機制，」

「飛機得唔得？」我提出。

「你有部美國嘅U-2偵察機就得，一般飛機上唔到咁高。」戴士邦搖頭否決。

想不到要殺死天腦，都是一大問題。

但天腦會選擇那裡，必然是考慮了好多安全因素。

「如果載人上去開槍射火箭砲？」

「嗰到環境接近負六十度，幾乎無空氣，正常人喺上面生存都係問題。」張宇一表情有點勉強。

「即係睇到，但殺唔到。」

「係……」張世一頹然地靠著椅背。

難怪，天腦沒有任何阻攔。

因為根本沒有人可以接近衪。

當初魔羅他……

是以病者的姿態飛上去。

莫非我都要重回「黑色賢者」的狀態？

不。

我不想再變成病者。

何況能力早已不在我手上。

心水清

現在市民不用吃新鮮魚，可以吃急凍魚了。
咁係好定唔好

推

比病者渣住春袋

我覺得改做「多出的魚獲現在可以急凍處理，以備不時之需」會好啲

上面個句特登搞gag

其實我覺得天腦唔係魔鬼山 好耐之前M仲係黑賢嗰時成日係魔鬼山出出入入都冇事 一去南區就覺頭痛 天腦點會係魔鬼山？

首腦捉緊好大盤棋

生活質量 dllm

想知而家故去到幾多%

可能見到M去咗港島
就搵啲病翼推自己返將軍澳呢

加上變成病者，很容易被天腦控制。

「我哋要時間去諗下方法。」戴士邦說。

「好，咁你哋繼續留喺到？」

「嗯。」

張宇一輕撞弟弟手臂：「喂，陣間我哋去搵阿魚仔上天台放箏。」

「你哋咁快識到大本營嘅朋友？」我好奇問。

「魚仔都係大學嚟！」張世一答。

「仲有其他大學人喺大本營？」

「係囉，都唔知佢點捱得到啲硬麵包。」

「你帶風箏上去搵佢先，我收埋嘢上嚟。」張宇一指示弟弟。

「喔。」張世一像快樂兒童，握著風箏跑出房間。

「估唔到棋差一著。」我對戴士邦暗暗嘆氣。

「接近到佢已經好好。」戴士邦盯著攝影機中內容。

「但大學無專家幫唔到手？」二十一世紀的人類太空都能前往，平流層不會無法前往。

「都係嗰句，搞工程嘅已經走哂。」戴士邦眉額間略帶擔憂：「若果我哋再粗暴式咁入侵佢哋倖存區，搞米田貢手上嘅人，我怕會激起更大嘅戰爭，要顧全大局。」

戴士邦此話不錯，上次我算是大鬧了一場。

今次再去，對方恐怕都做好各種準備，應對我這等外鄉人的突襲。

綁架專家這種手段，已經是不可取。

「或者你有冇認識嘅聰明人？搵佢哋到幫手唔會產生衝突。」

我腦中馬上聯想出兩個可能性，一是公子會，二是首腦。

「有，我可以問問。」

到了我這種地位不再是常常站在戰鬥前線，更多是協調不同勢力的合作。

突然！窗前有什麼急速掠過……

我們下意識望出窗外，其後地面傳來「呯」的一聲。

房間沉默數秒，戴士邦開腔：「有人自殺？」

最靠近窗口位置的張宇一打開窗戶，探頭俯視下方地面，看見死者瞬間其臉部表情瞬間僵化，渾身定格卻微微抖顫。

「做咩？」戴士邦第二個走去探頭出窗，震驚數秒後跟我說出死者身份：「張世一……」

「啊啊啊啊……」張宇一馬上跑出房間，焦急地落樓梯：「唔好啊，唔好啊……」

我頭腦一片空白，與戴士邦對望。

大概，他現在所想的跟我一樣。

「去天台！」我和戴士邦往樓梯上層狂奔。

跑上到天台只見有位男子站於天台邊緣，腳邊掉落張世一帶上去的風箏。

「係咪你！」戴士邦掏出左輪手槍，瞄準著該名男子。

男子轉身望向我們，面帶笑容豎起右手食指：「佢係第一個。」話畢，腳往後一踩，踏空墜落。

「呯──」第二下沉重的墜落聲。

我和戴士邦彷彿啞掉了一樣，現場只有底下女人驚慌的尖叫聲。

落到地面下，大本營居民圍繞著兩名跳樓者觀看，張宇一情緒崩潰的跪倒地上，對著墜樓死的弟弟哀號大哭。

「走。」戴士邦拉起張宇一。

「唔要呀！嗚嗚嗚唔要啊……」張宇一用力掙開戴士邦。

醫療大樓很快有急救員衝出來，給兩名墜樓者檢查生命徵狀，最終他們決定拿出裹屍袋，而不是擔架牀。

情緒激動的張宇一給帶去見社工阿玲，我和戴士邦留在醫療大樓的走廊上對話。

「佢開始出手。」戴士邦直說。

「天台嗰個人，係咪佢哋講大學嚟嘅魚仔？」我問。

「係，如無意外佢係天腦嘅信仰者，佢喺我哋嚟大本營前一星期，已經入咗嚟。」

「即係……」

「都係整定。」戴士邦眼睛瞇起：「佢早就預計到我哋會出現喺到。」

「下個可能係張宇一或者你。」

「你哋首先要阻止大學人入境，大學好多宗教社團，每個可能係鬼。」

「知唔知個魚仔係咩教？」

「唔知，佢身上無嘢可以辨認到。」

「依段時間你哋小心，我會叫少佐派人保護你哋。」我回想前陣子的某個人，覺得他能與天腦產生聯繫發動能力，就像艾匡。

「你有冇更多伊聖言嘅資料？」我續問。

「共振教。佢係嗰個教會嘅發言人，算係學校最大嘅新興宗教，你打算鏟平佢哋？」

「除非殺哂所有人，否則宗教唔會鏟平得到，受壓迫佢哋只會更強大。」

戴士邦捏一捏鼻骨：「你去大學搵Y教授，我信佢會有方法。」

「好，自己小心。」

計劃有變，哪怕現在無法獵殺天腦……

也要阻止衪在地面上的影響力。

但，這也是的衪的演算中嗎？

這種強大的無力和未知感，時時刻刻困惑著我。

我所走、所做的事，最後都會徒勞嗎。

第二天，我就出發到合眾國尋找公子會，到訪他們停泊沿岸的遊輪上，給他們假設平流層上有怪物，能如何載人上去將其擊落。

眾人尋思一番，最後由馬面回答：「一個氦氣球同加壓太空艙。」

「實際上點操作？」

馬面一邊玩著桌球，一邊回答我：「氦氣球可以上到平流層高度，太空艙可以抵禦高空極端嘅壓力同溫度，你之後應該想問材料？結構同框架用鋁合金整，碳纖維增強塑料做艙體外殼，隔熱材料喺艙體內部，再加個觀察窗搞掂。」知識水平果然有分高低。

「易唔易做？」

「搵材料會係個挑戰，但如果有心，點都會搵到。」馬面的說話給我帶來了希望。

「佢又要叫幫手設計。」虎牙插話，不忘嘲諷我：「點啊？今次打到上太空啊，幾時打到上國際太空際，叫我哋幫你整支火箭？」

其實合眾政府有冇派人保護公子會，如果佢哋去大學或者其他天腦控制既區域都好危險

推

幾時會再update penana