【２０２５】《病港ＩＩ》（８ 2）

想劇透你 唔想知唔好開

盡量新年前

無 窮撚政府

98.5%

OK 序章 98.5%

課金仲有好多嘢未解喎

每1%文字數量都多如牛毛

真心希望想完晒所有伏線
唔好為咗啲人催進度而夾硬完

想知如果之後有病港三係咪會專注講九龍同換主角

唔知會唔會有個日嘅到嚟

真

我仲等緊元朗白衣人同流浮山刀手

我默默看著虎牙，沒有給予回應

虎牙輕哼一聲，走去倒酒喝。

「你真係要設計？」馬面脫離推桿姿勢：「你唔好諗到太簡單，加做好多重測試同計算，以上我同你講嘅都係理論，實際因素有好多考量。」

「依個係最好嘅方法？」

「以可行性同費用嚟講，係不二嘅方法。」馬面輕靠球桌，把球桿豎立：「只係我比較好奇，有咩怪物會喺咁高嘅地方？」

「你知越少越好。」

「你叫人搵齊材料再講。」

「你寫俾王達尼，佢會派人搵到。」

天無絕人之路，總算有個計劃可以執行。

有時候計劃的存在，不取決於其困難性，而是它有著存在的需要。

不然，事情會陷入停擺狀態。

「你未開合約嘿嘿。」半身側躺沙發上的猴腦，居然握著手掣玩遊戲機。

更誇張是，遊輪內的冷氣機正啟動著。

朱門酒肉臭，路有凍死骨，大概是這意思。

見他們如此享受，我得說一句讓他們認清主次關係：「你哋依家嘆緊嘅都係出自我。」

公子會眾人聽後都頓了一頓，坐姿懶洋洋的猴腦都馬上坐直。

「馬面，幫到我？」我再問一次。

「俾啲時間我，我研究下。」馬面老實地回答。

金鐘政府總部是電力最為充沛的地方，從前不敢奢望的升降機，現在可以自如地使用，不用再頻繁走樓梯。

雖然電力供應可以讓晚上同樣明亮，營造萬家燈火的景象，但我們都沒有這麼做，因為漆黑中的螢火蟲是最耀眼。

我們最為顧忌的，是對面海的九龍。

如果對方看見我們這麼多電力，會怎麼想？

港島人實在無法再經歷另一場戰爭。

乘船過海前，我到了中環一家衣飾店。

店主是許久不見的瓦禮，她來到港島貌似已經有段長時間。

「鈴──」踏入店內，懸掛的吊鈴清脆地響起。

瓦禮穿著灰長袖毛衣配搭暗花七分裙，後頸另外掛著條啡色的圍巾，仍然在末世穿出一副時尚感。

「好耐無見。」我打聲招呼。

「……M？真係估唔到。」瓦禮呆若木雞。

「我想整件衫。」

「點啊，你依家唔再著長袍，著慣黑色行動衫？」瓦禮打量我。

「我想要件牧師服。」我想要的原因，是能更好融入大學的宗教團體。

「即係主耶穌嗰隻？」

「係。」

「好，夠簡單，我鐘意。」瓦禮拿出捲尺給我量度身體：「企直，雙手水平伸出。」

「……」

「好……」瓦禮每次量度完都記錄下來。

「你有冇見過滿天？」我給好朋友牽牽紅線。

「做咩？」瓦禮怔一怔，其後苦笑：「無啦啦做咩會見到佢。」

「佢嚟咗港島都一段時間。」

「咁我估佢都係唔多行出個實驗室？」

「你咁都知。」

「估都估到啦。」

「語氣聽落你對佢無咩留戀。」我有話直說。

「都無話留唔留戀，只係時間會撫平好多嘢。」瓦禮把話題轉換到我身上：「我哋無你同韓湘嗰種生死經歷，有好多嘢過去咗就過去。」

「都幾可惜。」

「我大概半日就整到俾你。」

「咁快？」

「我快工都可以出細貨嫁。」瓦禮拿著記錄好的三圍入製衣間。

我見只要半天時間，索性在附近等等，不走太遠了。

上環倖存區活動的市民，絕大部份是曾經的天環人。

自李氏沒落後這些人都跟著下沉，影響力不再如以往巨大，那些中老年的企業掌權者，都已下放權力給自己的子孫，就是二三世祖們。王達尼說這些新上任的企業家組成了青年商會，並已經與他們發展出不錯的關係。

天環教至此，稱得上名存實亡。

殘留下來的信仰者總會有，但不足為患。

經過一天的等待，牧師服裝做好了。

「著嚟睇下啱唔啱身？」瓦禮拿出剛做好的牧師服裝。

我拿著更衣室換好，行出來面向長鏡子：「頸領粒鈕係咪一定要扣？」

「緊係啦，牧師就係玩禁慾感，你唔扣嘅話會好open！」瓦禮說。

「就要依件。」

「好，我寄張單去政府總部。」

「醒目。」

「拜拜。」瓦禮揮手。

「拜。」

我上一件衣服在北部都會區玩動力裝甲戰鬥時，就已經損爛且帶臭味。

換了件新的上身，頓時精神爽利。

我即日前往大學，準備去見Y教授。

病毒爆發後至今第十三年，我們人類留下來的倖存者，都經已離不開全港化。

大家能夠最低限度地自給自足，地區周圍的資源都搜索殆盡後，自自然然開始向外探索，其後倖存者間互相發現，互相合作。

像我已經是個頻密來回的人，好多時要周圍地走。

佢自己唔完啲伏線就賴人催佢進度

勁醒諗到晚上唔開燈唔想俾九龍發現

講起公子會 有冇人記得好耐之前M喺公子會基地個湖底發現嗰個貓頭套 嗰個伏筆解咗未？

真係唔記得有呢件事

推