【2025】《病港II》(8 2)

墨說

1001 回覆
493 Like 15 Dislike
墨說 2025-02-06 02:10:24
瑜小六把雞冠疑似性騷擾一事告訴了我,我不得不前去了解雞冠發生什麼事。

「你洗唔洗緊火到咁。」我入房間第一句就對他說。

「純粹誤會,你話擺螢光筆喺門口,見瑜小六敲門俾我,我以為佢……」雞冠解釋。

「佢以為你跌咗枝筆,只係好心幫你執,而且依到係病獵學會,點會有人賣春?」

「所以都講係個誤會。」雞冠雙肩垂下,輕聲嘆氣

「唔好再發生誤會就可以,早抖。」

黑金騎士用不到一個月時間,音樂已席捲整座大學,特別是人在晚上較為感性。樂迷間反宗教情緒開始高漲,部份宗教場地被塗鴉和破壞,局勢走向緊張。

又是一個喧囂而激昂的晚上,我和雞冠如常待在音樂節後台。

「我哋要打鐵趁熱。」雞冠偷偷探橫望台下。

「意思係?」

「一個唔可以永遠保持狂熱情緒,時間耐咗始終會冷淡落嚟,依家事情喺白熱化階段,我哋加油添火就可以。」

「有方法?」

「有,而且會喺今晚實行。」雞冠打開後台某個背包,拿出裡面的東西:「依件係共振教嘅制服,依個係人皮面具,依瓶喺裝有人類排泄物嘅水瓶,陣間你識做。」

「你想我搞破壞?」

「係,識唔識做戲?唔好俾人拆穿。」

「下次早講,咁突然點配合。」

我按著雞冠所說,換上共振教制服,戴上人皮面具,手握著裝有人類排泄物的器皿,偷偷繞至音樂會的前台。

其時狂野的電結他聲仍然響鬧,鼓聲震撼人心。

我扭開瓶蓋,假裝氣沖沖的跑上台,當眾侮辱樂迷們的神。
墨說 2025-02-06 02:10:35
人類排泄物往高斯身上一潑,音樂霎時打斷,台下觀眾們鴉雀無聲。

高斯瞟向皮衣上的污跡,然後盯向了我。

接著台下開始出現一些聲音:「係共振教嘅人呀!」全場叫嚷著。

我做完要做的事立刻逃跑,給了很好的藉口讓樂迷搞事。

高斯脫下骯髒的皮衣,露出結實強壯的身材。

他把皮衣拋到台下,卻依然很多人搶著要。

「各位。」高斯握著麥克風:「我哋音樂會今晚轉第二個位置,去共振教總部門口好唔好?」

「好!!!!!」一呼百應。

緊接著由高斯帶路,龐大數量的樂迷朝著逸夫書院去。

身為導火線的我已逃離現場,到無人的地方脫下了所有的偽裝。

樂迷們一邊行,一邊高唱著黑金騎士的歌曲「上帝已死」。

居住在沿途宿舍的人,紛紛望出窗外,查看是什麼回事,有的甚至湊熱鬧加入行列。

我回去與雞冠會合,並跟隨著大隊而行:「真係恐怖,佢只係一句說話,全部樂迷響應佢。」

「人就係咁嘅生物,你比起高斯仲叻。」

「叻乜?」

「你叫人跟你入南區打仗,一般人唔會做得到。」

「但我都叫用咗幾年時間去準備,高斯用咗只係唔夠一個月。」

聲勢浩大的「黑金騎士」大軍,轉眼間已到達共振教總部外。

部份總部內的信徒,因出面的吵鬧聲都出來查看。

「咩事?發生咩事啊……」共振教成員個個張口結舌。

一些耐不住性子的樂迷,率先對共振教總部外牆投擲物品。
墨說 2025-02-06 02:10:48
共振教好快作出應對方法,關緊門窗。

對峙一會蘊藉情緒後,高斯手握著電結他,一馬當先去揮劈大門。

玻璃大門在高斯蠻力破壞下,粉碎開來。

破窗效應發生後,樂迷的破壞性行為大增,大家開始闖入總部裡頭破壞,共振教的人無法制止如浪般湧入的人流。

低音結他手曼森更開始縱火,焚燒大堂價值不菲的藝術品。

我和雞冠站立總部外頭,觀看著閃爍火光的共振會總部。

「大學都幾肯定會追究。」我思疑著效果。

「無問題,你唔係有校長把柄?」

「校董會都可以動議。」

「咁遲下換埋成個校董會最好。」雞冠開玩笑般說。

「咁樣拆共振教總部真係有效果?」

「依座建築物係佢哋象徵,拆咗代表佢哋都唔係無堅不摧,可以阻止潛在想加入共振教嘅人,今晚唔係單單一場攻擊,而係對信仰嘅挑戰,俾人知我哋唔係淨係唱下歌仔。」

「入去參觀下?」我提議。

「好。」雞冠跟著我步入。

本來整潔的共振教總部,現已一片狼藉,這裡被樂迷們徹底佔據。

我特意前去之前被探測身體頻率的地方,把那部神秘的心靈電儀表帶走。

期間,低音結他手曼森砸著牆壁時,意外發現一扇暗櫃裡面收藏著共振教的巨額財富,於是我們順便捲走,但不是據為己有,而是校園某幢大樓的天台上灑落派發。

等自衛隊趕到,大部份樂迷已離開現場。

餘下部份貪財的人,想搜括剩餘的價值,而來不及離開。

不出所料,第二天事情驚動到校董會,立刻要舉行會議討論,雞冠被要求出席回應問題。

「請問你喺事件上嘅身份係?」校董們提問。

「經理人或者主持人。」雞冠說。

「你容許昨晚嘅暴力事件發生?」

「有共振教嘅成員喺現場作出挑釁,樂迷嘅情緒無人控制到。」

「但有人指出……係樂隊主唱,叫大家去共振教總部外開音樂會,咁樣你唔覺得係煽動?」

「我無嘢回應。」

「事情必須要有人負責,大學唔可以無法無天!」新亞校董大力拍桌,說出刑罰:「我覺得樂隊所有成員都要驅逐出倖存區!但驅逐前要實施監禁。」

「你哋咁做只會令大學更亂。」

「我哋大學依幾年都亂咗唔少次,都唔差在個一次半次。」善衡校董自我挖苦。
傻豬黎既 2025-02-06 02:15:47
可可救傷隊 2025-02-06 02:44:18
幾時有補文
墨說 2025-02-06 03:59:02
你咁鐘意補文,我依家就補俾你
墨說 2025-02-06 03:59:17
「校長你點睇?」雞冠別有用心。

「我?咳。」鄭明孝抿著嘴,神態慎重:「我認為唔應該咁快落判斷,可以先調查清楚,件事宦只係過咗唔夠一日。」

「都有道理,可能我哋都敏感咗。」逸夫校董點點頭:「依家大學一有風吹草動,都易咗緊張。」

「但音樂節搞落去唔係辦法。」崇基校董稍有怨言。

「有時我想早訓都有啲難。」新亞校董搔著耳朵。

「如果我哋暫時停止舉行音樂節,你有冇問題?雞先生。」鄭明孝很客氣,沒有半點責問的意思。

「絕對無問題。」雞肘給出可以的手勢。

「咁……今日我哋就到此為止,各位仲有冇事問?」鄭明孝掃視眾校董:「無就今日散會,再有消息會通知。」

「啊。」雞冠正要離開之際,忘了些事想問:「如果黑金騎士樂隊唔喺公眾地方玩音樂,喺私人地方玩音樂得唔得?」

「可以,都可以嘅……」鄭明孝瞇一瞇眼:「但克制下。」
「嗯,多謝咁各位校董。」雞冠離開行政樓。

出來後他給我說出結果,沒有實行拘捕和驅逐已比想像中好。

「音樂節點,應該俾佢哋禁止咗?」我邊行邊問。

「係,但可以喺私人地方玩音樂,另外……」雞冠壓低聲量說:「你唔記得我有個電台?呵呵。」

「原來係咁。」

「就係咁。」

「你都有自己私心,幫自己增加聽眾。」前去現場收聽音樂的市民,現在只能轉聽雞冠的電台。
墨說 2025-02-06 03:59:27
「多一個傳播媒介無壞,用電台傳播率更高,一個人聽緊,喺隔離嘅人會聽埋一份。」

「你一早計劃好?」

「呵呵呵,我邊有咁聰明,都只係咁啱撞正呢件事。」

「我唔理,唔好影響到我計劃就得。」

「你同我一萬個放心。」雞冤拍拍胸膛:「共振教嘅影響力會慢慢喺大學消失。」

我和雞冠一同回到病獵學會,高斯他們的大型貨車就停泊我們外頭,使得大白天仍有不少樂迷來朝聖。

「你有冇活動場地借嚟?咁大病獵學會。」雞冠問。

「想點?」

「想有個地方玩下音樂。」

其實病獵學會空的房間有很多,但裡面有著機密資料,不方便給外人進進出出。

「有,蝦蝦蝦餐廳。」我只好換另一幢物業供他們演出。

「好極。」

病獵學會中,工作室裡博海德正拆解著我昨夜偷來的心靈電儀表,試圖研究固中的秘密,對方是怎麼捕捉人的身體頻率。

「有冇進展?」

「舊嘢比想像中精密。」博海德檢查著內裡的電子元件:「唔似人整。」

「依家嘅香港應該有唔少生存咗十年以上嘅病腦,全部都應該好聰明,可以研發到我哋唔理解嘅科技。」
墨說 2025-02-06 03:59:37
「我估都係將電極貼痴喺人身上,測量人體嘅神經系統仲有肌肉活動產生嘅微弱電流,捕捉到呢啲生物電信號,就可以分析出你唔同部位嘅身體頻率。佢好似仲包埋電磁場感應器、腦波監測、皮膚電反應,一部小小嘅儀器功能齊全,想像唔到點整出嚟。」博海德對它評價甚高。

如果一件物品超出我們科技上認知,大概都可以歸納成病腦研究出來的產品。

可惜這部心靈電儀表對我們似乎並沒什麼用,我們不會無端白事去測量人家的身體頻率。

「會長,成個共振教係咪得一部?」

「就我所見就係。」

「睇嚟要當佢係寶。」博海德輕撫其外殼。

夜幕再次降臨,星星開始在深藍的天幕上閃爍。

以往夜裡部份市民會有盼待,因為音樂節活動繽紛多彩,從未擁有過的熱鬧讓大家相當掛念。大家寧願徹夜狂歡,都不願早早入睡,第二天繼續行屍走肉地上班。

如果看不見人,至少都想聽聽聲音。

雞冠九時半開台前,預先叫了「黑金騎士」樂隊上錄音室。

鼓手爵士懶洋的坐在沙發上,低音結他手曼森彎腰坐著高腳椅打盹,身體搖搖欲墜的,好像隨時摔下來。

高斯則叫我出走廊,跟我另外再談條件。

「解決魔羅嘅人情,琴日當報咗。」高斯說。

「我哋仲要你嘅影響力多一陣。」我直白地說。

「你清楚我條件。」高斯鼻子輕微郁動:「你知唔知成間大學入面,依到嘅生命力係最濃郁。」

「我唔可能交自己人俾你。」這是我的底線。

「咁你要試下提出,你可以提供到乜嘢,如果唔係……睇怕我上唔到你朋友嘅電台。」

「……」癌咒騎士除了鮮活的生命力會有什麼需求?

「或者你錄音室入面位朋友都可以。」高斯淡淡一笑,描述著雞冠如何美味:「佢應該讀唔少書?身上陣味散發住肉桂芳香,或者似漂浮住奶酪嘅法式洋蔥湯,溫厚得帶有深度,飲落去係豐富多層次嘅口感,一種高級嘅生命精華。」

想不到高斯可以形容得那麼深入仔細。

「我個身都會有?」我好奇。

「你……當然有。」高斯盯著我打量。

「咩味?」

「我未試過咁形容一個人──自助餐。」
二寶糖 2025-02-06 04:05:05
任食BTW成日都覺得汲取生命呢件事好YAG
可可救傷隊 2025-02-06 04:39:33
太愛你了 錫啖先
施旻奇俠 2025-02-06 06:52:48
巴打們好記性
GingerGinger 2025-02-06 08:41:53
補多d
椒鹽蝦米 2025-02-06 13:55:02
5知改乜名 2025-02-06 14:06:08
末期哥 2025-02-06 22:44:44
咁幾時加班加文
課左你金 會員
支持左你3年有多
面具男 2025-02-07 00:43:50
push
西野小春 2025-02-07 01:54:44
點解咁幽默
西野小春 2025-02-07 01:59:11
宜家咁弱都仲自助餐
墨說 2025-02-07 02:38:31
盡能力多謝支持
墨說 2025-02-07 02:38:46
未算弱
墨說 2025-02-07 02:39:07
墨說 2025-02-07 02:39:55
「睇住個自助餐喺面前,但係無得食,都幾殘忍。」我代入他們的思維去想。

「睇嚟你都係諗唔出咩好條件俾我。」高斯不再靠牆,準備離開。

看著高斯的背影漸遠,我不得不提出什麼留住他。

「只要係你嘅眷屬,我旗下嘅病獵都唔會阻止你哋攝食,點睇?」

「眷屬本身就係自願奉獻我哋。」

「對我哋嚟講,佢哋只係俾人蒙騙。」

「你要分清楚乜嘢叫條件,乜嘢叫威脅,你威脅緊我。」高斯反過來向我提出:「如果俾我哋進駐港島區或者將軍澳區獵食?」

「唔得……」我無法答應他的要求。

「人要付出先可以得到同等嘅價值,你似乎唔明白呢個道理。」高斯稍稍抬頭。

「我都想自己可以毫無人性咁應承你,但我做唔到。」我拼命救活的倖存區人類,不是為了充當癌咒騎士的糧食。

「睇嚟我哋始終無方法合作共存。」

不能為了對付天腦,而使得自己變成惡魔。

正當我為計劃落空,感到一點沮喪的時候,高斯竟然進入錄音室,門推開前他對我說:「不過我欣賞你,係個有原則嘅人,依種人唔會開空頭支票,條件以後再講。」

雞冠的晚間節目可以如常進行,黑金騎士樂隊轉為電台上線,使得雞冠的頻道聽眾量達到前所未有的新高。

開首幾次雞冠主題都圍繞著「黑金騎士」的話題,後來開始夾雜一些對大學制度的批判,至此我漸漸覺得雞冠目的不怎麼單純。

公子會伸出的觸手不止廣播電台,那位平日不怎麼出聲的狗鼻,在大學開設了卡牌店,推銷他自行製作的卡牌。
墨說 2025-02-07 02:40:05
我印象中狗鼻好早以前,就到處推廣著自己的卡牌,想不到今時今日仍然堅持著。神奇的地方是,他的店舖居然大排長龍,有的人甚至手持一本卡牌簿,專門存放狗鼻自家製的卡牌。

店舖內除了銷售卡牌的架子和展示檯外,放設了好多張桌子和椅子,供玩家們一對一戰鬥。

看看店舖張貼的海報,我大概明白為什麼會吸引那麼多人了。

不知狗鼻用什麼方法,製作出「黑金騎士」的卡牌之餘,得到了本尊們的簽名。

就這麼一張不能吃的卡牌,便成了天價的存在,人們都渴望抽得到。

後來我才慢慢理解到,公子會正在滲透。

要搶奪別人的土地,有不費一卒一兵的方法,那便是使用滲透的手段。

透過娛樂把想要的告訴對方的事,一點一滴地植入對方潛意識。

這種方式難以察覺,甚至沒有指責對方的空間。

公子會試圖利用「黑金騎士」的影響力,去動搖大學管理層的統治根基。

雞冠前一段來大學的時間,似乎沒有閒著。

因為他可以一句不漏地,講出大學所有出錯的地方,像個銳利的記者總能說出別人觀察不到的事實。

本來對校董會沒有異議的居民們,腦中都萌生出懷疑和對抗的種子。

時間過了幾天,校董會發表對「黑金騎士」的判決前,我親自見見鄭明孝校長。

「校長。」

「馬克先生,請坐……」現在鄭明孝每次看見我,表情都會十分拘謹。

「聽日就係對「黑金騎士」嘅判決?」
墨說 2025-02-07 02:40:16
「係。」鄭明孝抿住嘴,焦慮地挲著雙腿:「但我改變唔到太多嘢,我一個人力量有限……唔係我決定哂所有事。」

「你唔可以行使特權?」

「其實你哋想做啲咩?我唔明白……」

「好簡單,剔除成個共振教。」

「點解要咁做?」

「我哋覺得有潛在危害。」

「安撫人心嘅宗教可以有咩危害?」

「佢哋同病者勾結,詳情我唔能夠一五一十講你聽。」

「都要證據嫁。」

「證據你唔會睇到,信不信由你,總之我只係要共振教消失。」

「共振教……」鄭明孝抓著頭,尋思著方法:「有幾個校董都係會員嚟。」

「你哋有正經嘅宗教唔信,偏偏去信呢個末日冒起嘅新教?」

「教會呢啲嘢,講到尾……最後其實咪都係講利益,事實上共振教幫我哋大學帶嚟好多收益同利潤,佢個套檢視心靈嘅方法推銷俾其他人,好賣到錢,而且真係幫到人情緒平靜,接受苦痛。」鄭明孝眼睛瞇著:「同埋都唔見裡面有咩病者活動嘅跡象,係唔係你多疑咋?」

「就好似無人會信你同自己個女有非比尋常嘅關係,而且二十一世紀仲支持人口販賣,一樣係無人信,但事情係咪真?」我反問。

「唔好再講啦!」鄭明孝好像被我刺激,突然大聲喝罵:「我、我只係……唉,只係一時間糊塗。」

「事實係共振教無做咩衰嘢,係無位入佢哋,襲擊佢哋嘅係嗰堆樂迷,我都無可能同人講二加二等於五。」

「如果建教嗰位創辦人,主動宣佈解散教會?」

「無可能發生,X博士唔會肯。」

「可以帶我見見X博士?」

「佢喺醫院已經卧床咗好多年。」鄭明孝暗聲嘆口氣,帶我前去共振教的創始人。

X博士他人在中文大學的醫院,某間重點看護的病房中,似乎是位病人。

當我來到X博士的床邊,才發現他像位七十歲的老人。

「博士,我有位朋友想見你。」鄭明孝介紹起我:「依位係馬克。」

X博士疲倦的眼睛牢牢凝視著我:「你就係M……」

我怔住:「……」居然一下說出我的真實稱謂。

「係啊,M for mark。」鄭明孝說。

「鄭校長,你出出去……」X博士主動要求。

「好。」鄭明孝呆一呆,答應他的要求。

此刻,醫院病房內餘下我們兩人。

「差唔多六、七年前……咳!佢就講、你啊、你今日會嚟見我……」X博士瞧向不知重用了多少遍的日曆:「真係今日。」

「……你係講天腦? 」

「唔係仲有邊個?」X博士揚上微笑:「我好榮幸,可以……受到佢啟蒙,一開始我仲以為自己只係精神分裂……」
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞