[足球/穿越]重來一次的足球人生（10）真係準備出書！

「你覺得會唔會太急進？」和賀以輕鬆的語氣問道。

「……有啲，」中西點頭。「佢技術、意識等係好成熟，但係同隊友配合方面……有啲難搞。」

「新妻先生之後有無講過啲咩？」

「無，但佢有時係會返嚟睇下咁。」

櫻井健訓練時的不苟言笑與一絲不苟，是和賀看了半天的最大印象，據中西說他平時也是一樣，並不是因為和賀前來而特意裝模作樣，也大概能看出他與其他隊友之間有道隔閡。

儘管如此，隊內練習賽時他的表現還是明顯優秀於其他人，僅憑一些簡單的配合便能撕開對方防守並得分。

「嗯……大概明白，」和賀壽一抱著胸點點頭。「我會升佢上一隊試訓一排先，然後再作決定。」


澀川市內一間不起眼的咖啡店門被推開，門上的鈴噹發出悅耳響聲，坐在窗邊的和賀壽一看過去，看到一名衣著得體、步姿神態優雅、頭戴咖啡色禮帽的中年男人緩緩走近，面上頓時現出笑意。

「都好耐無見。」和賀笑道。

「別來無恙。」新妻回以微笑，並在和賀面前坐下。

「最近有無搵到咩好嘅球員？」

「最好嗰個都準備俾你升上一隊啦，」新妻笑著答道。「你突然約我出嚟傾兩計，都明顯係為咗櫻井而嚟㗎啦？」

「咁直接，搞到我有啲唔好意思添。」

和賀說畢，兩人對視大笑，彼此都知道接下來的話題都會明確地圍繞著櫻井健這名新人。

「你有咩想知？」

「都幾多，」和賀壽一搔了搔後腦。「因為我今日睇咗半日，感覺上……佢唔似係新妻先生你之前會睇中嘅類型。」

「的確，佢各方面都比較『平穩』，無乜特別嘅殺手鐧。」新妻點頭應道，聽起來像是同意和賀的說話一樣。「不過，我認為佢係有特別之處。」

「……態度？」和賀想了想，不太肯定地說道。

「敬業的確係佢最大優點，但呢個係場外嘅嘢。」新妻答道。

「咁場內……」

「我認為佢同蕭智堯一樣，都係擁有撕破防線嘅『路線圖』能力，但當然，兩個人嘅做法完全相反。」

店員將新妻點了的熱Latte送到桌前，他拿起不急不緩地吹了一口，坐在對面的和賀則顯然在思考著他剛說的那句話。

「櫻井屋企，係櫻井商事。」新妻突然將話題一轉。

「櫻井商事？」和賀差點把口中的咖啡噴了出來，因為櫻井商事可是群馬首屈一指、排名全日本前四十名以內的大型企業。「佢……係太子爺？」

「嗯，長子。」新妻點點頭，語氣平和地應道。「呢件事得我同你知就好。」

原來如此，和賀抱著胸點了點頭，難怪傳聞中的櫻井健總是那麼難以溝通、事事追求完美，這可能是家裡自小高壓管教下衍生的性格。

「堂堂大企業太子爺唔繼承家業又唔讀名牌大學，竟然走嚟踢J2隊青年軍，無報章雜誌講呢件事都……」

「櫻井商事不嬲都低調，又唔係國際知名企業，民眾對佢哋興趣不大，櫻井正本身對群馬又好大貢獻，本地媒體基本上唔會難為佢哋。」新妻說道。「我當時有被邀請過去佢屋企，聽得出佢父親對佢非常嚴格，我諗櫻井健能夠加入青年軍……應該都用咗唔少功夫去說服屋企人。」

「係嘅，唔成功嘅話就係一次非常失敗嘅……」

「投資。」和賀想著該用什麼詞來形容時，新妻說道——這應該是最符合櫻井家的動詞了。

……

皮球射中大宮後衛，彈到禁區頂準備入楔的蕭智堯面前。他的射門角度非常有限，但大宮門將知道他能快速找到路線，所以完全不敢鬆懈。

伊藤千春與正鑄達裕以肢體語言來快速界定彼此行動，由前者先行迎上，後者則在十二碼點附近補位。

那兩個中場甚至不用交換眼神，只用餘光便能迅速交流。和賀壽一摸著下巴，再次為對方中場拍檔的默契嘖嘖稱奇。

「蕭智堯呢個位會唔會起腳呢？伊藤殺上嚟個速度都幾快。」

和賀似乎發現了什麼般輕輕地點了點頭，只見蕭智堯拉弓準備起腳之際突然把力收住，用腳內側往左邊輕推了一步，迎上來的伊藤千春顯然早有準備，但重心也明顯陷入混亂之中。

“要扭入去！？”

伊藤與身後準備補位的正鑄都立刻警覺起來，但這時蕭智堯突然用腳外側一撥，推橫一步後將腳下球傳出。

接應的是從禁區內突然回撤出來的櫻井健。

「櫻井頂住後面嘅荷西利馬，係咪想同蕭智堯做個撞牆呢？」

對，櫻井健跟蕭智堯一樣都擅長找到一條理想的路線，但兩人的做法相反，所以得出的路線也截然不同。

這當中沒有誰正確誰錯誤，只是各自在腦海中繪畫出的路線不同而已。

「咁執教佢……我有無啲咩需要注意？」把手中的咖啡杯放下後，和賀問道。

「佢最大問題唔係完美主義，而係反叛同固執。」新妻答道。「成長過程中佢家人畀過好多指示佢，甚至可以話係指令、命令，所以......喺球場上嘅一切，就係佢對抗屋企人嘅一種表現方式。」

「即係……佢只會相信自己認為啱嘅嘢？」和賀想了想，很快明白新妻先生話中之意。

「舉個例就係，你如果之後搵到一個好擅長畀波嘅攻擊中場，係咁傳啲靚波畀佢，」新妻點頭。「可能佢會覺得：點解你要將所有責任都放晒喺我身上？」

蕭智堯跑向外側，將伊藤與正鑄都甩到另一邊，並以櫻井與對方中堅形成一道天然的掩護屏障；櫻井則踩著球，待蕭智堯跑過去後輕傳到一個他能輕易起腳的地方。

他會不會射？這應該是這個球場內絕大部分人在這一刻的疑問。

只有和賀、町田與新妻留意到——兩人的路線圖重合了。
________________

想知重合嘅邏輯
決定做自己相反嘅諗法定點

原諒我...
町田係邊位...

助教
呢場波都出現過幾多次

仲未射得出

呀
係佢
我有碌返上去搵架
未碌到
我初頭以為係同新妻一齊睇波果個球探

之後會再解釋

仲唔射

做乜學雲爺爺嘅阿仙奴，只傳不射

六月射得出未

打個撞牆就一篇，場波有冇去咗三秒

<<足球小將>>

唔知佢會唔會射 但係我已經睇到射

文

我求下你啦紙鷂 入球波嚟睇下啦

再嘈臨射嗰下再加多次盧比度叔叔你嘆

下話從地平線升個龍門架上嚟先

crossover埋slam dunk木暮射個三分波