[足球/穿越]重來一次的足球人生（10）真係準備出書！

你有你佈局
我有我嬲
有d 野覺得多左就係多左

Btw,佢地幾時開始講電話？
我專登碌返上去都好似唔覺

第十八話

唔該
佢地講左20分鐘都無收線...

老魚 ，金鋼腿

上面師好激動

唔好真傷

文

因為樓主你寫到老魚變咗做真主角
紙鷂俾人咁收山法一定冇人嬲

實體書正式開始預售
限時9折早鳥優惠





預購連結：
https://215shop.mystoreberry.com/categories/36/%E5%B0%8F%E8%AA%AA
（借屋企人做針織嘅網店一用，有興趣嘅話都可以睇睇有無啱）

寄唔寄台灣？

想知本書係會去到結局？

應該無問題 我問一問運費 晏啲答你

Sorry無講到添 係收錄返第一章1-30話
即係對英理同良橋
(其實都過十萬字)

唔知點解我睇完都覺得班韓國佬要收老魚山嘅動機有啲奇怪

我諗緊係咪要重新睇多次組織一下

樓主可唔可以講解下

之前就講左一句 權力
而家就話有野未曝光
老魚隊個老闆會試下一網打盡

原本係韓國足總主席同副主席諗出嚟
借老魚入籍造話題

主席暗啞底再搵全北會長合作賺一筆

再之後嘅嘢就唔方便透露住，但大家可以理解為權鬥
老魚只係誤陷其中嘅犧牲品

如花心巴打所講，事後我都有諗過咁寫會唔會有啲over同莫名其妙
但呢個情節我係事先有諗好，亦都有存在嘅理由
我之後會諗下點樣解釋得好啲

順豐可以寄台灣，但運費大概要5x至6x（台北）
有需要的話可以經郵局寄平郵，大概平一半但會慢啲

已買支持

多謝支持

好眼瞓寫唔出
聽晚會更

二十七、


郭白燦在賽後記者會上面如死灰，他對這場敗仗沒有任何藉口，而且完場前還出現收山腳這種難看的場面，球會不管如何都會成為球迷眾矢之的。

「點都好，我希望余仁海無乜大礙並盡快康復。」

這名教頭在場外或許有點遲鈍，但裴賢洙那記攔截動作太不自然，他一眼便看到不是那球員慣常的風格。郭白燦心知當中有蹊蹺，大概想了一下，那個時間才下手，應該不是要操控賽果之類。

恐怕是跟余仁海的「入籍」事件有關吧。

不過他無意為此深究，而且在此之前，他還必須要為這場敗仗負責。圍繞余仁海的風波、洪本滄早在季初便開始視察該名球員，郭白燦此戰有太多優勢在手，即使打和都不是可接受的賽果。

回到自己的車上，郭白燦拿出電話深呼吸了口氣，用像是準備上刑場般的心情按下趙英錫的電話號碼。

「有無問到裴賢洙發生咩事？」電話剛接通，趙英錫那急躁的聲音便傳入耳中，可這問題讓郭白燦有點措手不及。

「佢……佢話係因為余仁海嘅挑釁令佢一時間失去理智。」

電話另一頭安靜了數秒，郭白燦緊張地吞了口口水不敢作聲，同時在腦海裡猜測到底會長問這個問題有什麼用意。

「如我所知，裴賢洙應該唔算係特別重要嘅球員？」趙英錫突然問道。

「呃……」郭白燦想了想。「係球隊主力中場，但……未至於無咗佢唔得。」

「好，你同我雪佢到季尾，得閒出一兩場咁就算，然後夏天就賣咗佢。」

「……好。」

「今場賽果我唔特別講太多，你自己應該明咩事，總之我要講嘅得一樣：今季你拎第幾都好，完季排得低過首爾鐵塔嘅話，你可以搵定下間球會。」

將電話掛掉，郭白燦閉上眼嘗試理解到底發生了什麼，但很快便將這念頭拋開，因為他知道若更深入地去想和探究，便會觸及很多不想觸碰的事物。

……

「應該聽日會瘀，始終咁大力鏟落去，就咁摸就……保險啲我建議可以用MRI檢查下先。」

賽後姜仲昊步入更衣室，可軍醫的報告聽起來完全不像是在描述一名剛被對方施以收山腳的球員。

「唔使啊，講咗無事。」余仁海皺著眉頭歪嘴笑道，這可以說是他近期從香港回韓國後，姜仲昊從他臉上看到的第一個笑容。「對面鏟落嚟其實唔係太大力我覺得，但我知道嗰下係紅牌動作，所以順勢扮下嘢啫。」

「唔好啦，穩陣啲等陣去做個檢查，唔到你話事。」姜仲昊聽畢，沒好氣地搖了搖頭。「你又係，話任你玩啫，你玩呢啲。」

「教練，咁呢壇嘢我撐佢，如果我係佢，我真係國旗都帶埋嚟，入第一球就摟住繞場一周。」宋石徹在旁邊笑道。

「……點都好，你無事就大家都安心啲，辛苦晒，今場你踢得好好。你呢壇嘢，我會再了解多啲，之後再同你傾……」姜仲昊瞪了宋石徹一眼，然後嘆著氣拍拍余仁海肩膊。「不過，我希望你可以體會到，職業足球唔係話你做好自己、踢得好就可以贏到冠軍，中間有好多光明磊落嘅嘢，亦有好多污糟低賤嘅嘢……」

「歡迎嚟到職業足球嘅世界。」

……