[足球/穿越]重來一次的足球人生（10）真係準備出書！

今日有無文 樓主

收到順豐通知以為詐騙，睇到樓上話收到先記得話買咗 晏啲應該要比多$20運費

運費好貴

今日會更

做中場唔識射波就死得啦

射得唔好同唔撚射係兩回事
條友個問題係唔見左粒射波制

形容得好貼切

就有如籃球界嘅Ben Simmons

$45 下次不如平郵

之後會再檢討
（希望仲有下次）

真係太貴
其實我完全無為意細節
攞貨先知係到付

可能真係要諗下搵位寄賣

賣左幾多？

出電子版啦，不如釋埋多國語言啦

$25 自提櫃拎

係呀
不過我遲攞罰錢

實數唔講啦，不過唔多
希望未買嘅讀者支持下

之後會搵實體舖寄賣的，同埋我都會做下廣告宣傳之類
（繼續趕稿先）

寫咗大半了，但呢兩日都唔舒服寫唔太出
聽日放工寫埋淨低嗰啲

Ben直頭係年年呃人佢有練3分 ﹐肉酸到爆
好好奇老蕭第一球係點入 諗起應該會幾搞笑

撻Q點知粒死龍門

外傳都有幾隻錯字
方式
瘦弱

二十九、


大宮冰川的教練團連日研究著下輪對群馬伊香保溫泉的對策，主帥迫賢志郎看著被畫得亂糟糟的白板陷入沉思，此刻他的思緒跟那白板其實也差不多。

跟伊香保的升班馬身份不同，大宮冰川是J1常客，最近一次降班已是二十多年前，若不能渡過今季這次危機，必然會成為埼玉縣球迷唾罵的公敵。

現時他們僅排在聯賽第18，若今場能作客帶走三分便可升上第17位，整個形勢將變得截然不同。

「對方個教練好明顯係一直想圍住個新人攻中嚟踢，佢最近想傷完復出，上場對船橋武尊都有唔錯嘅表現，所以預計今次都會一樣，都係會用返3-5-2。」其中一名助教說道。

「所以我覺得重點限制佢會係我哋最重要任務。」另一人說道。

「佢有無咩弱點？」迫賢志郎坐直身子，調整了一下坐姿。「我聽講佢前幾日代表港隊對越南，兩場表現都唔錯。」

「綜合之前嘅一啲報告係狀態比較飄忽，身體質素都一般，包括速度、力量等等，特別係佢只有十六歲，身體對抗方面比較差。」負責收集對方資料的助教答道。「同埋上場對船橋武尊，波洛堤落咗個指令，係全部人都唔防佢起腳，效果其實幾好。」

「……」迫賢志郎皺起眉頭托著腮，一副懷疑自己有沒有聽錯的表情。他已當職業教練二十多年，從沒有聽過這麼亂來的指示。「佢唔射波到咁誇張咩？」

「係，嗰場蕭智堯喺完場前有一次追和嘅黃金機會，但因為猶豫而錯失咗。」

迫賢志郎朝平板電腦上的陣型圖看去，其實類似的球員也不時會出現，甚至在籃球、排球等其他團體運動也有很多相同例子，但是……

「會唔會嗰場之後，佢有心咁改變呢樣嘢？」他問道。

「睇之後對越南呢兩場就……唔似有，」助教答道。「佢兩場都無起過腳……仲有就係佢以前青年軍時期係被人盯人戰術限制過，但對越南嗰陣呢個方式唔太奏效，我覺得問題係喺執行嘅球員身上。」

一個進攻中場連續兩場都沒有攻門……迫聽到這裡，便覺得船橋那個意大利教頭的對策雖然聽起來是有點進取，但方向是正確的。

「我哋兩個中場正鑄同伊藤都唔係呢種類型，應該用返平時嗰種區域防守會好啲。」迫撥動平板，畫面上隨之顯示大宮冰川的陣型。「對手其他進攻特點呢？」

「主要係靠雙箭頭櫻井同春日，前者係主要入波球員，後者係柱躉型中鋒，但佢哋最擅長傳中嘅球員明明係右閘山口，唔知點解春日又一直被安排去踢右箭頭，所以佢哋好少通過右路傳中嚟入高空波。」

「嗯……」迫點了點頭，打開助教們準備好的參考片段。「所以佢哋都係嗰種擅長組織、但入波能力可能爭啲嘅球隊。」

「係，佢哋而家排聯賽第十一，但入球數係……第十三，控球率係第五。」助教簡單地以數據回答道。

迫閉起眼大概想像了一下，對手或許應該是缺乏破密集防守的手段，這情況下，那個蕭智堯可能便是可以針對的弱點。

……

坐在澀川市最豪華酒店的西餐廳窗邊，櫻井健托著腮靜靜地看著外面的景色，旁邊侍應為他補斟咖啡也沒有什麼表示。

他已是這裡熟客，基本上每週都會來幾次，員工也早已對他的脾性習以為常。

「健。」

熟悉的聲音傳來，櫻井健回過頭看向坐下的國分鄉一，但視線很快又繼續回到窗外。國分知道外面沒什麼值得一提的景色，所以沒有理會他，而是二話不說便拿起今天的餐牌研究著該吃什麼。

「嗯……牛扒意粉，少啲意粉同走汁，凍齋啡唔該。」國分鄉一很快便從中找到了最適合的選擇。「你嗌咗咩？」

「同你一樣。」說到這裡櫻井健才坐好，一副可以開始對話的樣子。

「點，對蕭有咩意見？」突然被那個孤僻的櫻井邀請，國分早就知道對方肯定有什麼想談。

「……」櫻井看了他一眼。「準確嚟講，應該係對而家我哋個進攻體系有意見。」

「咁你應該同和賀監督傾喎。」國分笑道。

「你係球隊指揮官，梗係問咗你意見先。」

這時侍應將咖啡送上，國分有禮貌地點頭致謝。

「要沖杯好飲嘅咖啡，都唔係一兩次就做到嘅事，」國分微微一笑，拿起手中的齋啡喝了一口。「更何況踢波。」

「問題係我哋三個就好似......」櫻井低頭看了一眼，似是在考慮該用什麼比喻。「咖啡、意粉同啤酒咁。」

「咁你覺得問題出喺邊？」

「我哋諗法、踢法同埋擅長嘅嘢都唔相容。」

其實來之前國分已經大概猜到會是類似答案，對船橋一戰全隊只入一球，其實中前場的問題顯而易見。不僅是春日在右路難以配合傳中的問題，還有蕭智堯跟兩名前鋒無法產生出色的化學作用，所以這個三人組有種各有各踢的感覺。

「呢一點我諗個個都睇得出，和賀監督都唔會唔知，所以……我相信佢會作出調整，你都唔係第一日識佢。」國分答道。