[足球/穿越]重來一次的足球人生（10）真係準備出書！

櫻井本想開口回答，但欲言又止地挨到椅背嘆了口氣。

他知道問題核心在於自己在左路表現跟右路差太多，令春日無法踢左箭頭來配合山口，而如果自己能克服這一點，前場三人組的問題應該也能迎刃而解。

「你叫得我嚟應該都係想聽我意見，」國分一副已經知道他在想什麼的樣子。「我喺後面觀察嘅感覺係，蕭嘅突破同傳波都非常出色，係一個幾突出嘅攻擊中場，但佢好習慣去依賴前鋒，只要配合嘅前鋒入波能力稍微差少少，佢個作用就會變得微不足道。」

「你想講佢港隊嗰個拍檔？」

「證明你都知我講緊咩。」國分笑道。

「咁佢係我主要配合對象。」

兩人的主食上桌，國分慢條斯理地圍上餐巾，優雅地低頭將眼前的牛扒切開。

「我明你嘅迷惘同埋煩躁，但你應該明白，佢夾開嘅隊友係嗰個余唔知咩，」國分將牛扒放入口中，露出滿足表情。「佢係慣咗畀到理想嘅一腳之後，對方就會一腳搞掂對手，所以自然無辦法明你諗緊咩，所以你心目中嘅配合好難進行落去。」

「咁究竟係佢錯定我錯？應該係我改定係佢改？」

「喺足球場上，無話咩錯定唔錯，只要入到波就係啱，」國分答道。「就好似牛扒咁，有人鍾意食全熟，有人鍾意食三成熟，咁究竟邊個先係啱？」

彷彿是受夠了他的比喻，櫻井無奈地搖了搖頭，也開始享用剛上桌的午餐。

自己的牛扒是五成熟，用這個方向來想的話，蕭智堯便是三成熟，春日是全熟。

原來如此……

「所以我應該諗嘅，唔係要佢兩個都食五成熟，而係三成又好、五成又好、全熟又好……大家都要即刻有共識？」

「原來一餐牛扒你就明，俾和賀監督知道嘅話應該會幾無奈。」國分抬起頭看了他一眼，笑著答道。
________________

推推推

賽前部署分析老蕭都咁長，今場仲係入唔到波嘅話樓主你等收刀片啦

已經收過好多

文

「係，嗰場蕭智堯喺完場前有一次追和嘅黃金機會，但因為猶豫而錯失咗。」

應該係贏波嘅黃金機會?

啊係 sor

咁要加更啦

其實我啱啱辭咗職 希望之後多啲時間同精力
短期內可以更快啲

樓主加油 期待日更

隔日更到已經好好再拖牙蕭場波又可以寫幾個月

之後我嘗試下隔日更一段時間
最緊要係多啲空間plan下故事發展

晏少少更新

三十、


過兩天就是對大宮冰川的主場比賽，和賀壽一觀察著球隊賽前最後一次操練，在場邊頗滿意地點著頭。

球員體能狀態不錯，蕭智堯看起來未有受國際賽期影響，而且整體的配合似乎比之前好了一些。

訓練結束後教練團會大概講解今次對手戰術及個人特點，當然也會解釋今次會以什麼方式應戰——但和賀不打算今天跟蕭智堯提出他的最終想法。

「對手常用戰術係低位防守嘅平行4-4-2，然後通過反擊入波。佢哋兩個前鋒係一高一矮，一米九五嘅波蘭前鋒高拿斯基，同埋比較萬能嘅佐佐木優太郎，高拿斯基近三季嘅頭鎚入波係聯賽前五，但整體入波唔算多；佐佐木優太郎整體比較平均，算係一個輔鋒作用。」町田隆史指著幕布說道。

大宮冰川較棘手的是中場線，兩名中場正鑄達裕與伊藤千春是經驗豐富的全能中場，風格實而不華且表現穩定，加上正值二十歲尾段的球員巔峰時期，充沛體能為大宮帶來了極出色的中場掃蕩能力。

「佢兩個創造能力都唔算突出，所以主要會由兩側發動進攻，左路嘅塞內加爾外援卡馬比同右路嘅湯本隼也，都係以速度著稱。」町田續說道。

然後便是幾乎全聯賽最低的控球率，較多的長傳和反擊次數等數據，都充分顯示出這支球隊較消極的戰術，風格有點像英超的下游球隊。

「睇落似乎無乜重心球員，都係靠反擊睇下造唔造到機會，而啱先睇片又覺得……兩隻翼雖然係快，但盤扭同傳中等表現感覺上都唔係突出。」隊長宮澤勝人開口道。

「係，所以雖然大宮兩個中場中係比較出色，防守亦都唔差，佢哋失波次數係排中游，但因為攻擊力不足，導致贏波次數比較少，今季要為護級而戰。」町田點頭答道。「所以今場我哋贏波嘅重點除咗要小心兩邊反擊之外，都要諗辦法撕開對方中路防守，佢哋一對中堅嘅制空能力都唔弱。」

「即係一定要經中路……」擔任中場指揮官的國分鄉一聞言，立刻笑著朝蕭智堯看去。

「無錯，呢場好考驗我哋中路破密集嘅能力。」坐在旁邊的和賀壽一點頭微笑道。

一般而言，強隊因為經常遇到對手退守，如何撕破密集的低位防守便會成為他們的最大課題。作為升班馬的伊香保溫泉理應不受這個問題困擾，但事實上他們的傳控能力比不少球隊想像中出色，而當對手發現得分才是其弱點時，快速回防在半場或禁區頂形成防線，便成為面對伊香保溫泉最有效的防守策略。

「無錯，問題係出喺入波能力上面，呢一點我哋同對手都一樣，」和賀壽一走到幕布前。「櫻井、春日同山口之間個問題困擾咗我哋好耐，所以今場我哋試下解決佢。」

由於早前受傷休養了一段時間，蕭智堯實際上只在J1踢了一場，仍在適應球隊的整體節奏與戰術等等，所以與兩名前鋒的配合問題，在他看來更多是需要時間去磨合。

但上場對船橋武尊後，櫻井健對自己冷冷地拋下的那句說話，蕭智堯仍記得很清楚。

“我今場為你犧牲球權，換嚟嘅係隱形咗九十分鐘，你仲要錯失一次黃金機會……呢個就係你堅持唔射波、想為隊友創造機會嘅用意？”

「如果你係在意健嘅諗法嘅話，我會勸你唔使太上心，」散會後，走在蕭智堯身邊的春日秀雄說道，目前他可以說是蕭智堯在球會內關係最好的隊友。「佢嘅性格係奇奇怪怪，當然好聽啲講，佢係個對自己同其他人好高要求嘅完美主義者，但呢個世界上邊有所謂嘅完美？」

「聽講……櫻井前輩都係新妻先生發掘嘅球員？」蕭智堯問道。

「嗯，而家一隊入面有四個人係新妻先生帶返嚟嘅青訓產品，你、佢、國分同山口。」春日點頭道。

新妻先生是日本足球界頗有名氣的球探，據說被他看中的人都有不世之才，但作為球員也有著難以改正的缺點。

蕭智堯當然知道自己的問題是什麼，但想著另外三個名字，究竟他們的缺點又會是什麼？

……

「歡迎收睇群馬伊香保溫泉主場對大宮冰川嘅比賽，香港嘅觀眾唔使擔心，因為根據賽前公佈嘅名單呢，蕭智堯今場係會繼續正選出場。」

「即刻睇睇雙方嘅正選陣容先，伊香保溫泉方面，同上一輪對船橋武尊嗰陣一樣，都係排出3-5-2陣式，而且球員無任何調整。雙箭頭櫻井健同春日俊雄，蕭智堯擔任進攻中場，左右翼衛分別係若島欣治、山口元吾，而兩個防中就會係國分鄉一同土井二郎。」

蕭智堯在球員通道輕輕跳動，以掩蓋身體的激動與緊張，主場球迷的應援歌曲與太鼓聲已然傳入耳中，跟在香港大球場代表港隊上陣的感覺又不太一樣。他已一段時間未在此出戰，上一次還是升上J1的升班戰。

「見到伊香保班球迷已經拉晒橫額歡迎蕭智堯復出，監督和賀壽一已經多次公開表示，會以蕭智堯為球隊戰術核心，所以只要佢身體狀況允許，就會一直用佢做主力。」

「不過佢都承認外界對此係有少少質疑，因為始終蕭智堯仲係得十六歲，就嚟十七歲，亦唔係日本本土球員，如果踢唔出具有說服力嘅表現，未必可以將呢個做法一路維持落去。但和賀監督話佢百分之一百相信蕭智堯。」

「大宮冰川嘅迫監督呢，賽前就話有信心今場可以作客搶到分，因為佢哋認為群馬伊香保溫泉係有好明顯嘅缺點，會針對呢一點嚟作部署。」

比賽一開始，便能看到大宮球員先是在中場佈下防線，但未有積極地想要攔截傳球或逼搶，看起來更像是試探伊香保的節奏與風格。

光是這短短一分鐘不到的時間，和賀便確認自己事先的設想沒錯：對手不打算用人盯人來貼身凍結蕭智堯。

雖然那個迫賢志郎未必有看，但港隊對越南一戰是很好的示範，人選不對的話，這種安排只會減少己隊珍貴的防守人數。

「左邊可以上多少少！」

負責掌握節奏的國分鄉一也看出了大宮的意圖，但他不打算放慢進攻，而是想先逼對手退到禁區前。

伊香保的左翼衛若島欣治已三十一歲，是球會升上J1後唯一收購，和賀看中他能勝任多個位置，而且冷靜和腳下技術不俗，擔任左翼衛還能移入中路幫助組織。

與此同時，右防中土井二郎卻突然移到左路作疊瓦，旋即為伊香保在左路製造出人數優勢，這種大膽踢法也引來不少球迷驚呼。

“呢個就係和賀壽一嘅理想戰術……”坐在教練席的迫賢志郎若有所思地點了點頭，並留意著蕭智堯的動向。

然而與事前查到的資訊有點不太一樣，蕭智堯未有十分積極地回後要球，走位看起來也不太自由，一直在中路觀察及等待機會。

「我記得你之前畀我睇嘅片係……佢會周圍走同埋出現喺兩邊？」他朝助教問道。

「係，雖然未去到話喺兩邊出波，但會頻繁走去兩邊Half Space，而家咁樣的確係有啲……」助教當然也看出了端倪。

迫賢志郎馬上意識到，這是和賀壽一對蕭智堯的安排。

如無意外，是想讓他在大宮的低位防守中，長駐於蛾眉月附近。
________________

文

唔夠喉