[足球/穿越]重來一次的足球人生（10）真係準備出書！

「下半場準備開始，暫時群馬伊香保溫泉係領先緊1-0。」

「鏡頭影住蕭智堯，上半場佢都唔少鏡頭，但雖然交出一球助攻，都見到佢而家望落唔係太放鬆。」

「或者一球領先優勢對伊香保溫泉嚟講都未係勝券在握啦，要睇下下半場兩隊會作出啲咩改變啦。」

兩隊都沒有換人，但蕭智堯很快便留意到對方看起來戰意仍在，甚至沒有戰意缺失的感覺。

皮球傳了幾次，雙方的球員在棋盤上各自左右移動，和賀壽一很快便看出大宮採取半場防守，而且不再派出特定球員來封鎖蕭智堯。

迫賢志郎改變方針的做法很快奏效，群馬伊香保溫泉明顯有點失去節奏，特別是蕭智堯在推前了的核心區域處有點不太適應。

「其實咁做係合理，」旁邊的町田點頭說道，但看起來毫不著急。「佢哋兩個中場中都唔係一對一能力特別出色嘅類型，倒不如專心封鎖空間。」

一如以往，國分鄉一是隊內率先察覺到異樣的人，然而兩側翼衛與進攻中場仍未進入狀態，他也只能先把節奏放慢，揮手示意隊友如何走位去拉散對方隊形。

而這種相互以新方式試探的比賽發展，讓兩隊在下半場開始不久便製造出攻勢，與上半場的單方面壓制截然不同。

「睇住唔好包越位！嗰個引你㗎咋！」負責指揮大宮冰川中後場的伊藤千春喊道，同時觀察著場上策動反擊的路線。

雙方在中場線附近高速連環碰撞，隨之而來的便是所有決策都來得非常得突然，很可能你剛想好了三四種可能性，一個意想不到的突變，又將你之前的一切想法推翻，卻再在數秒之後形成全新的狀況。

這樣的節奏下，只要一個錯誤可能便會帶來嚴重後果，蕭智堯不禁想起了數年前那高壓的工作環境。

我這樣做會錯嗎？如果我這球控失或是傳失，隊友會陷入什麼後果？我該加試著長傳為隊友創造機會，還是先追求穩定來取得控球優勢？

「右邊山口插上！個位似乎係穿咗！咦但係蕭智堯猶豫咗，正鑄拍上嚟逼到佢轉身，橫傳轉返去左邊。」

加上半場時和賀壽一的訓話及寄予厚望，蕭智堯肩上擔子不自覺愈發變得沉重，反而失去了上半場被限制在18a時的專注。

「踢到好立……」宮下看得皺起眉頭，有點不耐煩地說道。「以你對佢嘅理解，你覺得問題出喺邊？

「嗯……」新妻神情平靜地靠在椅背上，一手抱著胸，一手用拳頭抵著下巴。「狀態起伏、體能下降、未適應變化、壓力……對於一個十六歲嘅小將嚟講，呢啲理由都不出為奇。」

「但我記得你講過，佢心態完全唔似一個得十六歲嘅細路。」

「所以仲要觀察下，本來球員嘅心態、精神力等等，都係我哋作為球探去評價一個球員嘅內容之一。」新妻答道。「照目前嚟睇，我偏向係一種……佢暫時仲未適應到嘅壓力。」

觀眾席處戰鼓隆隆，有點聽不太懂的歌聲不時傳入耳中，回防過後在掃視間望到球場大鐘，蕭智堯才赫然發現下半場已過去十多分鐘——這期間球隊沒有任何一次命中目標的攻門。

隊友沒有怨言，監督也沒有任何指示，可能只是因為這情況只持續了不算特別長時間，可成年人的世界從來只看結果，商業掛帥的職業足球更是如此。

自己踢得差，受影響的還可能包括無條件地信任自己的和賀壽一。

愈是這麼想，蕭智堯便愈覺得難以呼吸。

町田輕嘆了口氣，用手指在眼前的平板電腦上點開各種數據統計圖——在主場作戰時會有工作人員負責——能看到蕭智堯下半場各種數據都不甚理想。

沒有關鍵傳球、過人成功率不到一半、失去球權次數已有七次……他將這些數字放到和賀眼前，但後者只是瞄了一眼沒有特別說些什麼，似乎仍未對眼前狀況失去耐性。

「唔畀啲指令佢？」町田有點不太放心地追問道。

「畀少少昤間佢啦，」和賀笑道。「我信佢會自己搞得掂。」

球隊攻勢再在蕭智堯腳下被拖慢，難得的進攻機會不了了之，櫻井健看向大鐘並開始露出不滿神情。

蕭智堯明顯因為某些內在因素而表現失準，雖然大家都在冷靜等待，國分也有向他做出冷靜的手勢，但櫻井的想法是：其實自己已等了超過半場。

和賀一直設法改善球隊的進攻問題，但具體指示是要三人配合，而且需要蕭智堯先在18a有一定表現，所以整個上半場裡，櫻井跟春日都在等待蕭智堯說服監督。

「櫻井一向係自我中心同完美主義，無辦法接受要自己去遷就隊友，」隊內在場上的氣氛，怪異得連在觀眾席上的新妻都能輕易感受到。「所以我一直都擔心佢兩個好難做到拍檔。」

「其實只係一場時間，和賀唔會咁快下定論呱？」宮下應道。

「下定論嘅可能唔係和賀，」新妻微笑道。「係櫻井。」
________________

櫻井決定改變自己配合主角
否則第時無波踢

啱啱先打好小小，又俾壓力影響，有冇咁多問題呀屌

上半場咪傳咗球俾櫻井入，佢仲想要啲咩？自己攞住個波同人打撞牆入波？

咁拉落嚟中場同蕭雙攻中，春日單箭頭，搞掂

睇電視話群馬縣冬天好乾好大風，大風到啲鷹喺個天度都定咗格

文

想入波嘅前鋒 係冇咁多耐性

晏啲會更

三十九、


新妻祐泰還記得第一次見到櫻井健時，他是群馬縣內某間一流高中的前鋒之一。

技術跟意識都很好，就是體質上缺乏突出的地方，以外國人的角度來看是很典型的日本球員。

「左翼嘅十號，係我哋嘅王牌小濱。」那高中教練向新妻說道，也能明顯看到他們大部分球員都傾向將球傳予小濱來尋找機會。

「嗰個十二號呢？」新妻盤起雙手，似乎對小濱不太感興趣。

「櫻井，我哋嘅正選中鋒，技術好好，不過有啲......」教練說到這裡便停下，側頭露出無奈表情。

不需他繼續說明，新妻便已看到櫻井頻繁地向隊友抱怨，但當中帶有一些合理的建議，而家當他犯錯時也會很老實地表示歉意，雖然他犯錯次數很少。

「睇得出佢同隊友關係麻麻。」新妻微笑著說道。

「係，好多球員都呻話同佢踢好辛苦，佢又未去到話係好惡，但佢對所有人包括自己嘅要求都好高，但足球呢項運動邊有可能完全唔犯錯？仲要只係一班高中生。」教練嘆了口氣。

最後那場比賽他們以4-0大勝，櫻井與小濱同樣梅開二度，但隊友慶祝的氣氛大相逕庭，完場時其他人也大多圍在小濱身邊，誰更受隊友歡迎一目了然。

沒辦法，因為即使已領先到3-0，他還是會皺起眉直接向隊友表達不滿。

「對小濱無乜興趣？」教練追問道。

「作為翼鋒，特別係喺你麾下嘅呢個體系，佢有少少缺乏想像力。」新妻略帶歉意地拉了拉頭上的禮帽。「佢太在意其他人對自己嘅評價，甚至係想討好隊友，我認為佢唔改變呢一點嘅話，好難喺翼鋒呢個位上面有突破。」

「......都係嘅，我都講過好多次，作為翼鋒佢要踢得更有侵略性。」他點著頭答道。「咁今次應該都無乜收穫？」

「都......唔完全係。」新妻笑道。

……

六十分鐘，主場作戰的群馬伊香保溫泉繼續領先大宮冰川1-0。

不過雙方在場上已逐漸踢成均勢，由伊藤與正鑄為主的中場組合，以整體肉搏戰搶贏不少球權，雙方下半場控球率大致持平。

「唔好急！保持住呢個節奏！唔好畀對手輕易過半場！」伊藤指揮著中場線配合前場施壓，繼續在中場線附近形成主要收縮空間Mid-Block。

「蕭仔，有無嘢係我幫到你？」趁著出界的空隙，國分鄉一走近問道。

「......我係咪踢得好差？」蕭智堯微喘著氣，想了半秒後反問道。

「差得都幾緊要，」國分微笑著答道。「你有無留意到？班主場球迷下半場都無嗌過你個名咁滯。」

「我自己問題，我會試下調整下，唔該。」蕭智堯點點頭，同樣遞起手表示謝意。

六十分鐘，主場作戰的群馬伊香保溫泉繼續領先大宮冰川1-0。

不過雙方在場上已逐漸踢成均勢，由伊藤與正鑄為主的中場組合，以整體肉搏戰搶贏不少球權，雙方下半場控球率大致持平。

「唔好急！保持住呢個節奏！唔好畀對手輕易過半場！」伊藤指揮著中場線配合前場施壓，繼續在中場線附近形成主要收縮空間Mid-Block。

「蕭仔，有無嘢係我幫到你？」趁著出界的空隙，國分鄉一走近問道。

「......我係咪踢得好差？」蕭智堯微喘著氣，想了半秒後反問道。

「差得都幾緊要，」國分微笑著答道。「你有無留意到？班主場球迷下半場都無嗌過你個名咁滯。」

「我自己問題，我會試下調整下，唔該。」蕭智堯點點頭，同樣遞起手表示謝意。

屌唔知點解重複咗

呼。

先冷靜下來。

確認皮球短期內不會來到附近後，蕭智堯閉上眼用數秒重整了一下呼吸。

如果是奇蘭拿殊的話，他會怎樣？

如果是奧斯爾的話，他會怎樣？

如果是......老魚的話，他會怎樣？

老魚的話，肯定會愈戰愈勇吧，因為他天生就是要成為主角的人，絕不容許自己失敗，時時刻刻都享受著蹂躪對手的快感。

他在韓國被對手、被足總針對，也能在該國最出色的右閘下帶領球隊取勝。他仍是那個我熟悉的余仁海，在足球路上勇往直前。

對，我要追上他。

先冷靜下來，足球是需要思考的運動。

眼下大宮氣勢正盛，蕭智堯環視四周，嘗試找出對手中後場最脆弱一環，很快認定了左閘安田大輔。

Mid-Block是一種風險不低的戰術安排，以大宮的平行4-4-2為例，四名中場會在中線一字排開，並盡量縮短彼此之間的距離，後衛與前鋒也會以他們為主軸來決定防守位置——因此防線與門將之間會出現大量空間。

「伊香保無速度型球員，所以本來對佢哋踢Mid-Block應該係最好選擇。」宮下說道。「推前防線嚟壓縮對手嘅組織空間，同時亦唔使太進取去高位逼搶而暴露太多空位。」

「迫監督保守咗，應該係想用球隊最熟悉嘅方式嚟應戰。」新妻答道。

缺乏速度，不代表不會出現防守缺口，剛才大宮左路便有一次因為左閘失位，而讓疊瓦上前的山口有機可乘。

蕭智堯跟國分打了個眼色，後者很快便心領神會，用傳球示意土井回撤，不用急著衝擊對方防線。

在此同時，蕭智堯回頭朝櫻井與春日看了一眼，並輕輕點頭示意。

「……」

櫻井半信半疑地與春日交換眼神，後者看起來似乎十分信任蕭智堯——不過他向來誰也能輕易信任與配合。

「國分畀落右邊山口，無乜位去，傳返中間，咦蕭智堯呢個位唔錯啊。」

「土井呢度突然插上去喎，蕭智堯無畀到，而係分落右邊去畀空晒嘅山口！」

「睇傳中啊！」大宮門將高橋雅斗看到山口持球並望向禁區，立刻大聲示意隊友留意。

“春日同櫻井個位都無特別跑到出嚟，呢個位只要後衛唔犯錯……嗯？”

只見那兩人突然交叉走位，春日朝遠柱跑去，櫻井則急速往近柱方向入楔，這情況下不論是高波還是地波傳中都很可能造成威脅。

而且在高橋的角度看去，蕭智堯還在後方作接應地跑向禁區頂附近，光是想像便能預視到很多種不同的進攻方式。

「我邀請櫻井去伊香保試訓嗰陣，佢啲隊友都比較意外，包括嗰個一直被視為球隊王牌嘅小濱，」新妻看著山口準備斬出傳中，徐徐說道。「但櫻井本人睇落似乎唔覺得有幾值得開心，好似早就預計到呢一日會嚟咁。」

「加入青年軍後，佢同之前喺高中足球部一樣，同其他隊友無辦法建立良好關係，成日都聽到班教練喺度嘆氣，話球隊氣氛唔太理想，但係櫻井嘅入球能力的確係十分突出，所以各梯隊教練都願意以佢作為重心。」

山口元吾張開左手，鼓起腮以右腳腳內側往皮球左下方猛地斬去，傳中即以非常急勁的內彎之勢朝禁區遠柱而去。

「頭槌！頂住個位啊！」高橋喊道。

新妻嘴邊現出淡淡笑意，像是老人家在搖椅上向兒孫述說往事一樣：「我問佢點解要對自己同隊友都咁嚴格？咁樣同隊友溝通，只會令大家都關係唔好。佢答我：『我係嚟呢度踢波，職責係幫球隊贏波，唔係嚟識朋友。』」

「『但同隊友關係唔好，可能都會令球隊更難贏波。』」

「『咁唔一定係我問題，點解唔可以大家都高要求少少？』」

春日高高躍起，在遠柱準備與對手爭頂，但他留意到對方的位置剛好阻擋著自己的攻門方向，所以立刻用餘光確認隊友所在的位置。

「春日頭槌Set個第二點畀櫻井！櫻井即刻接應窩利！但係省中呢邊大宮後衛彈出。」

在後方接應的人，正是有備而來的蕭智堯。
________________