(第三間醫學院) 科大 vs 理大？

你講一大堆野，唔覺有咩特別point

垃圾死撚開

我又唔會咁大膽話係政治因素
只能說係政府對各間大學嘅發展定位期望

好多年輕人認為，政府俾得 Poly 搞五寶，就已經係 plan 緊俾佢搞醫學院㗎啦，只要時機一到，就會開綠燈
而 UST 就會繼續專注搞商科

其實這些概念係錯晒
這些發展方向，都唔係政府嘅原意

當年政府，甚至成個社會，都無話特別尊重 Allied Health 科，只視佢哋為職業導向科目
兩大視為低檔次嘅豬頭骨，唔搞，所以才交俾 Poly 搞
事實上，五寶去到2000年代尾，都仲係理科水泡。只係後來私人就業市場扭曲晒，醫療科保送入 HA 揸鐵飯碗逗 MPS，年年自動加薪+跳 Point，才會成為神科

UST 方面，本身主業真係理工科
但係佢挾天生三大嘅尊貴身份，開科嘅自主權比較大
適逢沙士後香港金融業發展逢勃，UST 就睇準時機發展商科
轉捩點，係佢首創 BBA+Eng Dual Degree，吸引咗好多本來想讀商科嘅理科尖子去讀
跟住再發明 Global 升值大法，將普通 BBA 包裝成為 GBus 神科，收生分數一度超越 Medic，風頭一時兩
然後再搵海外名校合作幫 EMBA upgrade
加上嗰期 Eng 畢業生嘅前景真係窄窄地
於是相比之下，UST 嘅商科就變得出名過理工科
這些喺當年屬於好創新嘅做法，近乎無限制嘅自由度，喺三大才可以擁有
政府對邊個好？已經好明顯

以上係佢哋自然發展嘅結果，但唔係政府嘅原意

至於你話：如果唔批即係抹殺「三大」呢個定位，個震盪可能會好大
我估這個會係考慮因素
最近的國際排名，城理已經追得 UST 幾近
新醫學院這個 Project，大家都知，效力一定勁過偉哥，邊間大學食到，排名一定扯到行咁升
如果係 Poly 攞到，幾乎肯定可以超越 UST
你係政府嘅話，會將個新醫學院交俾邊間去做？

你就咁講一句話人哋無 point 就係最有 point

Ust搵nancy ip 做校長都擺明用佢喺政界 醫學界人脈同地位嚟開醫學院
睇埋呢幾個月新聞都係同培養醫學院學生有關


https://std.stheadline.com/education/article/2012841/教育-熱話-科大獲上海醫學創新發展基金會捐款-葉玉如-有決心培育更多創新醫學人才

https://hkust.edu.hk/zh-hant/news/institutional-advancement/hkust-and-peking-union-medical-college-hospital

https://hkust.edu.hk/zh-hant/news/institutional-advancement/hkust-and-beijing-tiantan-hospital-forge-strategic-partnership

https://topick.hket.com/article/3788988/新醫學院｜據報科大擬與倫敦帝國學院合辦醫學課程%E3%80%80月底向政府提交方案

佢一定會起埋附屬醫院

FF得太多
依間醫學院係要黎谷大醫生數量
最緊要就係同現有醫療系統既關係
如果純粹搞研究搞排名
就算UST冇醫學院都一樣做到
而佢亦都做緊

習大大上次來香港睇科學園 就係睇科大間初創公司 由葉玉如接待

到時用天水圍醫院/博愛醫院做教學醫院

所有行動都啱晒政府嘅口味
做官嘅心態，就係千祈唔好孭鑊
批俾 UST嘅話，起碼保住自己唔會孭鑊

再講得白啲
UST 係親生仔，創校嘅班底係自己人，首任校長已經係華人，全部嘢係按照自己嘅計劃嚟構建
依家有粒好好味嘅糖，你會唔會唔俾佢食？

邊間先都無所謂啦
反正會越起越多
將來都大都有

其實呢場係一場賭局嚟，而且理大由一開始已經唔會輸，而科大已經輸咗一半
你諗下，科大建校三十幾年都同medic毫無關係，而理大做咗呢行嘢已經二十幾年，就算最尾真係判咗俾科大做都好，以香港對醫療嘅需求，其實點都會有第四間醫學院，爭在係幾時起，而且大眾都會屌鳩科大唔應該叉隻腳入嚟
但係科大爭輸咗就唔係咁講法，本身科大唔應該出現係醫學院嘅討論入邊，只係因為政治原因同埋「三大」個朵，而且未來就算有想再起醫學院嘅機會，城大，甚至浸大都會大機會過科大，但係科大唔可以唔爭，因為唔賭就輸嘅話，就真係將個朵送俾人，咁不如爭一下，可能仲有一線生機
講開又講，科大真係跌得好快，明明前幾年仲叫板緊中大，港大，今年已經就嚟連「三大」個朵都保唔住，連最出名嘅business同managment都輸返晒俾港大同中大，淨講ug層面，今年已經大量出現理大唔要，但係科大反而要咗(唔係彈性收分)，喺一啲傳統嘅科目，理大似乎真係收得更高
其實而家科大同中大個距離已經大過科大同理大嘅差距，如果要類比嘅話，可能而家科大同中大已經遠到有科大自己同城大嘅差距，可能會更差
上面有人話科大行美制，但就連US都將科大排到100開外，反而理大同城大都係100之內，但就算睇返歐洲個邊，對科大都係唔樂觀，今年THE都係將科大排係50名之外，係得返QS叫見得下人咁，但係都唔係好得去邊
如果理大真係攞到呢間醫學院嘅話，咁理大同科大嘅地位就會完全反轉，變咗理大係真一線大學，可以睇齊港大同中大，而科大就會變咗二線大學，甚至未來要有俾城大過頭嘅心理準備
尤其呢幾年理大好得太快，加上科大又跌得好快，其實呢一刻已經好難再話邊間好過邊間，兩間大學基本上已經係同一個等級，政府可能覺得科大唔抵幫，咁一嘢俾理大做都唔係冇可能，因為理大個上升趨勢太好，俾多間醫學院佢，可能真係做到香港iconic嘅第三間大學，咁好過俾跌緊嘅科大做
同埋實際角度諗，理大本身真係已經ready好晒啲嘢，科大要由0做起，所以除非政治因素，理大應該要攞硬呢間醫學院，而且政治因素上，科大都未必有咁大優勢

要照顧呢班富家子弟應該起私立醫學院serve佢哋
學費高 競爭自然無咁大

理性睇兩間U真係各有長短處
不過科大係政治上贏曬

好多poly人接受唔到科大係政府親生仔呢個現實啫

中港大醫學院咁多年嚟都唔太聽話
搵個校長根正苗紅
全力配合國家醫療發展大局

但係親生仔極，都有個限度嘅，如果係差少少嘅，咁可能科大會冇質疑咁拎到
但係個差距唔係少少咁簡單，poly係呢方面太好，而又係ust最唔掂個啲嘢，如果政府係真係想直接俾新醫學院嘅畢業生直接實習，佢地應該要意識到呢樣嘢

有啲道理，如果真係幫科大，點解科大冇搞物理治療、職業治療、放射治療、醫療化驗、視光學、精神科護士同護士？原因係科大本身都唔係培訓醫療人員範疇嘅大學，而係biomed research/business/其他嘅範疇。如果佢本身唔係呢個範疇，係咪都係比返做緊呢樣嘢嘅大學做會好啲？

而且我諗一定有客觀標準去公平揀邊間大學具備醫學院嘅條件，尤其係大家都ugc，就更加平等，唔係純粹人情，邊個friend，邊個唔friend，冇咁兒戲。

挑選醫學院係有成個小組，大量行內人根據間大學嘅各種條件去挑選，唔係你所講嘅政治關係乜乜乜，會有客觀標準，而唔係同邊個friend邊個唔friend。

啟德離poly搭屯馬線都係2、3個站咋喎

其實我覺得有開咩科都唔係最重要，我覺得係poly終於有叫板科大嘅能力同質素
比着十年前，科大最全盛個期爭醫學院，poly唔見得有機會爭到
但係十年後就真係唔同講法，咁啱撞正ust近20年最差個幾年，而poly又真係咁啱係近20年最好個幾年
其實poly有哂天時同埋地利，差在人個邊搞唔搞得掂，搞得掂嘅話，就唔係叫板cu咁簡單，可能上到15年前ust個位，直接叫板kong u

喺高官，甚至老一輩嘅人眼中，醫生與 Allied Health 係完全兩回事，屬於兩個層次
AH 本身係水泡科，變咗神科係私人就業市場被扭曲嘅結果
如果 AH 學額增加到一個地步，畢業生唔擔保直入 HA，要儲 CV，寫求職信、去面試嚟搵工，Poly 一樣可以被打回原型 (依家已經開始有這個趨勢)
城理喺這20年進步神速，係抵讚嘅
但咁係佢哋自己生性努力嘅成果，唔係政府刻意培育嘅成果
有對比有傷害
如果佢哋唔積極上進，只行保守路線，就會繼續同浸停留喺一樣水平
但係 "理工學院" 這個標籤，就好似緊箍咒咁，永遠會限制住城理嘅發展
當年政府肯批紅磡、九龍塘嘅市區地王俾佢哋做永久校園，原因係要方便佢哋搞 PT課程，市民放工可以持續進修，代價就係要佢哋安份守己做 2nd tier
政府俾 Poly 搞 AH，純粹係因為政府一直當 AH 係職業先修科，所以交俾 Poly 做
唔好有錯覺，以為政府俾 Poly 搞 AH，係 plan 緊俾佢開辦醫科