(第三間醫學院) 科大 vs 理大？

我再重申
我自己無話支持 UST 定係支持 Poly
只係我個人觀感，係覺得政府會批俾 UST
我無話咁樣係公平或者合理

我自己嘅論點，就從來無雙重標準
政府為八大各院校設立咗發展方向定位
港中科係 Tier 1、城理浸係 Tier 2、嶺教係 Tier 3
Tier 之內互相競爭，似乎係容許，但係越級挑戰，就唔會容許

政府眼中，Medicine 與 Allied Health 係兩回事
當年將 AH 交俾 Poly，係因為視佢哋為職業先修科
而 AH 以往長時間都只係理科水泡，現在變成神科，只係因為現在 MPS 水漲船高
AH 變神科，唔係政府所能遇見，亦非政府想見到的

要成立新醫學院，AH 有無用？
咁有梗係好過無，但不是100%必需
況且，新醫學院也可以開辦 AH，反正需求咁大
將 AH 集中晒喺 Poly 不斷擴張，似乎唔係最理想，政府似乎都屬意分散俾其他大學一齊搞，否則就唔會俾東華、MU 開 AH

如果政府話，唔會提供任何支援，無北都土地，無額外資助，所有嘢要大學自己諗掂佢，總之下年9月就要開學，邊間最快搞得掂，就批俾邊間
咁嘅情況，我就覺得 Poly 嘅勝算大好多

但依家似乎唔係咁嘅情況
政府係想快，但唔係快到要下年就開學，適當嘅籌備時間係容許的
政府亦會提供好大程度嘅支援
咁 Poly 有 AH 這個優勢，就變得無咁重要
而 UST 唔係完全零，起碼有科研根基
咁政府就未必會為咗 AH 這個因素，而打沉 UST，俾 Poly 升上三大

其實你自己都同意，政府偏心 UST 係做到出面
有大水喉，通常都係射俾 UST
Poly, City 成日都係要食豬頭骨
如果要鬥生性、努力，Poly, City 係十分積極上進，值得獲得更多政府資助/外界捐款
(已經升級到世界百強，但係足球場只能城理浸共用，其實好悲哀)
三大有啲處事方法，有時會俾人覺得食老本

有啲人成日覺得，政府當年俾 City 開 Vet，已經係放棄咗三大至上嘅原則，容許大學越級挑戰
俾得 City 開 Vet，就係鋪路俾 Poly 開 Med
但係你再細心啲睇，就明白唔係

政府一向都唔想批准 City 開 Vet，佢申請時，政府設立咗好多門檻
只係當年 City 真係好努力爭取，時任特首梁振英又大力支持
City 用自身資源，符合咗好多門檻，而且無其他大學競爭，再加少少民意支持，最後才逼到政府妥協

Vet 嘅重要性，遠遠比唔上 Med
Vet 需求細好多，而且唔涉及人命 (我明白動物嘅生命都重要)
City Vet 成立之後，政府都無重點投放資源支持佢發展，有啲似由得佢自生自滅
政府無義務提供公立動物醫療服務，所以就算 Vet 搞得衰，政府都唔會有責任，所以才開綠燈俾 City 搞

但係新醫學院，牽連甚廣，關乎香港整個醫療體制、各大學的地位、甚至香港嘅國際地位，考慮因素就會多好多

如果要針對香港現時缺乏公立醫院醫生嘅情況，我有個天馬行空嘅諗法
就係開辦一個有限度註冊嘅醫科課程
以職業導向為主導，集中教導基層醫療嘅專業知識，縮短學習年期
畢業生可以成為有限度註冊醫生，只能在公立醫院工作，不能考取專科，不能轉出去私立醫院/診所工作，不能轉換為海外資格
定位係吸納對醫療行業真係有心嘅草根及初階中產學生
公院普通科醫生嘅薪金，足夠幫基層學生脫貧有餘，但就唔會幫到你發達，可以排除高階中產/富二代學生，咁樣成個基層醫療團隊嘅穩定性會強好多
咁樣嘅課程，交俾 Poly 搞就好適合
業界、學界嘅其他持分者亦會覺得容易接受
不過，假如這個課程無咗 full licence 嘅光環，就輪到 Poly 未必肯做了
當然，我強調，這是天馬行空嘅想法，實際推行會有好大困難

學外國開Physician assistant咪做到速成版普通科醫生
外國PA都係postgrad level

順便開埋d Nurse practitioner/pathologist assistant比班RN/MLT做role extension

個人去咗美國讀大學，多嘴講幾句。


其實真係未必！


poly其實好進取！無論係排名或者係做好d program上！3大排名榜qs，泰晤士同 us news由前幾年250左右硬推上到今年全球50-80；A level年代果陣既poly 5寶，其實收分低，算係d 普通科，poly經過自身努力，終於將3寶推上半神科既地位。


但近年政府開始打壓poly，肯東華，明愛，都大開3寶，其實都係挑戰緊poly既專科同埋衝上3大既地位，poly5寶既收分呢1-2年明顯低咗d。而且poly又冇其他神科如 gbus，qfin，law or vet，但呢d city全部有。如果政府肯俾埋poly開兼開埋medic，香港以後就可能改term 4大8大，而唔係3大8大。


或者政府見poly最近咁慘，見到佢d唯一獨特半神科被其他院校挑戰既情況，會開綠燈俾poly搞medic，畢竟依家人話3大醫學院都係指 HKU CU PolyU。


poly有5寶加nursing，biomed係優勢，但唔代表ust開唔到medic，但再考慮多d，其實poly開更加節省資源，畢業polyu前菜，小食，主食同甜品都已經準備好曬，只差主菜就出得。點解要用咁多資源係ust身上由0開始？你係商人你都唔會買d貴既原材料啦。


ust最近真係不思進取，近幾年排名穩步跌緊，2012年ust一枝獨秀，亞洲第1，但依家唔好話頭5，top10都未必入到。政府年年泵咁多水去ust都係跌！反而人地poly好努力向上爬。


最後講句其實醫學院邊間開都冇所謂，最好兩間都開！
最緊要係培育到本地學生，真正既香港人做醫生！同埋培育到d人真係有心去行醫！


我自私d講句，其實我真係唔想見到香港以後係大陸人透過海外院校計畫做曬d醫生護士。雖然呢句有d自私，但有邊個香港唔係好似我咁捻？

你上UGC睇返RAE（包括最近期嘅2020）入面UST Sci同Eng research quality先
撇除ust 冇嘅health sci，呢兩大範疇喺三大入面綜合平均可以講係最top咁滯

講咗十萬次
大學係講research，唔係講間大學開咗幾多科錢途唔會差嘅MPS包底專科

你要搵平均錢途嚟比嘅話，咁poly同教大合併就會變全港真正一大，連港大中大都要行埋一二邊

同意最好2間都開醫學院
train多d醫生先至幫到病人

你嘅論點，大部份我都同意
Poly 真係好積極上進，UST 相對地有啲食老本
但係你話 Poly 好努力咁推動 AH 進步成為神科，我就有保留
其實 Poly 無做啲乜嘢嚟幫 AH 科，只係因為 MPS 水漲船高，才意外成為神科

AH 本身就供不應求
Poly 依家嘅 AH 學生已經唔少，再擴張係咪最理想？
趁開辦新醫學院，俾 UST 開晒 Med, AH
似乎正路過俾 Poly 開醫學院，然後俾 UST 開 AH

QFin (City 有？), GBus, Law，要開喺三大才會成為神科 (CU Law 都唔係神科)，放喺 City，只能成為校內神科
QFin, GBus，Poly 要開嘅話，政府唔會唔批，只係佢自己唔開，唔知佢諗緊乜

Vet 其他大學根本無爭取過
City 攬上身做，依家係好型，但係長遠未必有著數
Vet 需求始終比 Med 細得多，政府亦無公立動物醫療服務
之前係因為香港本地完全零供應，才會變得短缺、好搵
一旦香港開咗，10年、20年後，就會飽和，到時無咁好搵，神科光環就會消失
但係維持獸醫學院嘅成本好高，摺咗佢又會千夫所指，到時真係會陷入兩難局面

總括嚟講，我覺得，雖然 Poly 有 AH, City 有 Vet, Law
但喺政府眼中，仍然係職業導向嘅 Tier 2
Poly 要爭取開第三間醫學院，難道非常高

今次爭係要爭，但要有輸得起嘅勇氣
同時眼光要放遠啲，為開辦第四間醫學院做準備
要開第四間時，一定非 Poly 莫屬
到時如果仍然 keep 到依家嘅上進心和魄力，要趕上甚至超越 UST 就指日可待

如果係 train full licence 嘅醫生
就算開 UST, Poly, City, BU 都開晒，始終都會自然地走向貴族化，都係會流向私院/診所/海外
要加強公院服務， 根源都係要喺醫生工作壓力、薪酬、牌照當中做調整

poly得啲allied health同nursing根本唔入流
東華都有啦

覺得政府會俾ust
因為nancy,同埋本身大學規模
加上放風話prefer second degree形式
得ust係咁
已經係foul走其他大學嘅合理說法

啲人話，Poly 估中政府屬意利用北都土地，就已經係贏咗

我就覺得無咁簡單
嗰啲只係放風、初稿、意向書，連 Proposal 都唔談唔上
政府完全未有方向嘅時候，選址大家都只能九估，估錯其實無人會怪你
依家政府公佈會利用北都，先至係正式出題目
咁大家咪按照政府嘅意向，正式開波寫 Proposal 囉

med本身已經係貴族化
不如轉哂grad entry MD，起碼生源都diverse啲

碌YouTube見到有條片講醫生有stage iv lung cancer，一查background，原來med school前係mit eecs sb+meng（唔知有冇同時pre-med）

https://med.stanford.edu/profiles/bryant-lin

所以到呢刻我都係唔明點解要咁restrict ug major/中學electives係咪有life sci相關

以前舊登醫生巴打vancomycin，ug係讀engine，之後先自己搵計補返啲pre-med course再讀med

香港再唔變現行嘅醫科入學同教育培訓機制，係唔會解決到問題
除非吸引到大量非本地醫生去幫手冚番啲煲蓋

醫美procedure冇嚴格嘅regulation，啲人仲有咩誘因去train啲真healthcare嘅specialty先，不如拿拿林實習完就去醫美搵真銀，更加唔洗講咩幫手返醫學院教書帶學生

屌 原來睇多次盧寵茂話歡迎大學提出其他可行方案 牛潭尾只係長遠方案

反而盧寵茂已經開宗明義講到明唔可以同HKU CU惡性競爭
但係Poly仲未做野話搞第二學位

本身中醫都好有規模

kongu 俾 ou poly指住笑就真

4+4係大勢所趨
順便將dental/vet/TCM轉埋4+4，其他醫療科4+3
再強制畢業後serve 5年公營醫療體系
btw中醫係saturated，所以要睇政府開中醫醫院後仲會有咩planning

？？？？？？

AH 係有貢獻，有需求，加位係意料中事
考慮埋這個因素
中長線嚟講，俾 UST 開晒 Med + AH，係最合理的
比起 Poly 搞 Med, 再 double AH 學額，或者叫 UST 只搞 AH，都更為合理

allied health 2年master得啦 本身diploma年代都係讀2年書
而家pre-reg 嘅master都係讀2年

醫生4+4 模式一定係未來個trend 一定係要慢慢轉MD制
就連大陸大城市醫院請嘅醫生都係8年制MD模式
美國/加拿大早就已經係4年制MD
香港再唔跟 只會遠離發達國家嘅醫療模式

我早幾頁都講咗
同埋大家睇漏咗樣嘢
今次第三醫學院個定位係唔係train醫生先?
我睇好多報導同施政報告都話係幫助發展醫療科技, 攪科研為主

《施政報告》提出籌建本港第三間醫學院，醫務衞生局局長盧寵茂強調，不希望定位與現有兩間醫學院重複，會以錯位發展作策略，例如生物醫藥等發展方向。

醫務衞生局局長盧寵茂稱：「如第三間醫學院又是像現有的，課程完全一樣，收生來源也是一樣、收本地生，水準可能下降，說得難聽點，與兩間醫學院『搶食』。錯位發展像大自然圖，有動物在地下、有動物在天上飛、有些在海裡，大家在不同地方發展、進步。錯位包括新的醫學院在科研上的優勢，每間醫學院都應訂立自己的優勢，香港就會有更大好處。」



咁真係應該收多d MLS人好
同醫學研究最match個科
順便推動下MLS發展

中醫好有用㗎
唔係講緊巫醫有用, 而係中醫呢種存在有佢嘅價值

除咗配合国家主旋律之外
最重要係可以將啲明明冇病但係成日覺得自己頭暈身㷫嘅廢老分流去中醫, 減輕主流醫療嘅負擔

must HKUST

科大商學院就勁 其他？

Poly本身就有mls degree
八大唯一一間有
而且具備醫務化驗師資格

Poly嘅 MPT MOT master
名義上兩年
其實係90cred(大約)
即係三年嘅workload，壓縮去兩年讀完
事實上要變返三年甚至四年先讀完+醫院實習完嘅人大有人在
你仲要過醫院實習 有冇咁容易短時間過 都成問題 萬一你嘅supervisor F咗你 你又要由頭嚟過
計劃時間唔等於實際時間
如果second degree Med，收返原校AH/nursing可以準時畢業嘅機會大啲，畢竟第一年就要去醫院實習，AH畢業生/nursing畢業生過到實習嘅機會大，其他新嚟就好難講，未係醫院做過嘢