(第三間醫學院) 科大 vs 理大？

咁我唔知喇 但科大醫學院聽落點都感覺有料過理大醫學院

上面已經回應咗你，usnews 呢個排名本身注重quantity多過質素好多。fyi poly為咗堆總量宜家成間大學staff仲請得多過中大。ust嘅phd申請難度整體上比poly高好多，拎到港府獎學金嗰比例係poly幾倍，ust出身嘅phd拎到良好教職嘅比例高好多，今年polyu computing門面教授guo song，一有機會都跳槽去ust做。好明顯你本身唔係學術界人，兩間U學術quality其實差距係好明顯下。

美國同中國兩大國際排名將科大排好低，得全港第五，而且係低過poly好多，差距極大，得返qs呢啲水份極高嘅排行榜科大高少少，但只係高過poly好少，十名左右，好大程度只係international students科大高分咗少少

哦...原來世界上其他學者學生會信中國上海交大排名ARWU, 長知識了

真心唔覺

你鍾意點幫科大兜都得
但點都唔及理大一開始就講明一定設係北部都會區，兩間形成強烈對比

唔洗回佢
總知, 一個排名UST高過POLY就水份重，要睇就睇POLY高過UST果個。
佢連學術世界點運作都唔知, 唔會睇得明你篇嘢

科大排名連city都低過，仲有乜好嘈

科大academic reputation高咁多
排第四係改變唔到 已經stereotype咗 冇人會覺得理大好過科大

咁你要問下美國同中國嘅兩大頂尖排名點解覺得科大差過城大喇

Poly qs排名低ust十名
但US News高ust幾廿名
兩者嘅差距好明顯唔同
就算全部排名拉勻poly都高過ust

us news排到東京大學95，京都大學168唔知你點睇。poly真係勁佢phd嘅質素就唔至於落後ust 咁多，你真係睇嗰堆齋計頂尖 top conference/ journal 嘅指標，如nature index， csrankings，utd 之類，poly人數多好多嘅情況下都仲同ust有段距離，好反映到quality嘅差距。

但係理大到而家都冇話係搞第二學位
反而HKU CU而家都爭住話搞

理工大學喺新聞稿已經講明，搞醫學院所有嘢已經就緒只欠地方，只要北部都會區用地成功批到比理大，咁就已經一定會搞醫學院，咩學位有待政府評審，冇人知最後課程結構係點，咁快講都冇用，政府未評審冇人夠膽出嚟拍心口㗎。

總之北都塊地批到比理大，理大就一定會搞醫學院。呢個係poly一直嘅政策。反而ust政策曖昧，當初話唔喺北都，依家又轉軚，當初ust話2027，但政府話2025先有結果，兩年冇可能搞掂，ust根本時間地點都收錯風，改嚟改去

新account p牌仔係咪最近入咗speed所以要打下飛機增加下自信啊

可能DSE雞 , 總之啲行為好細個
原來而家啲細路咁樣

今日政府話課程設計係首要考慮條件 你就話咁快講冇用
同埋錯位發展都強調過好多次

可能當初努力多少少入到ust而家就唔洗係咁搵data citation打飛機

課程設計需要條件，咪就係你篇文後半段嗰堆，點會唔符合？

另外，理工大學同廣州中山大學已經簽訂醫科合作協議，北部都會區其中一個重點係同大灣區嘅聯繫，大灣區嘅市場同合作，廣州中山大學嘅醫學院本身就頂尖，係香港亦都可以免試執業，簽定合作協議兩間大學嘅學生可以互相用對方嘅資源，例如campus，醫療設備等等，加上兩間大學地理位置近，互補嘅優勢會好大。

咁都噏得出
不如你去下依家中學啲講座 依家啲中學生
冇人想入ust呀
女仔唔入 男仔又唔入
UST science engine全部水泡科 入唔到poly五寶 都會揀poly nursing 兩樣都入唔到先會揀ust

今年ust science同engine year one好多係比poly reject先入咗ust，你唔信自己實地調查下啦

我講緊錯位發展 嚟到今日Poly都未肯講係搞第二學位

唔係同一科對比其實冇意義，engine science poly收得仲低啦。Even poly nursing 其實都唔見得收得高過ust engine sch（js5282 收百幾個median 約25，其實難入過poly nursing）。同一科其實基本上無論男仔女仔都係考慮ust先過poly。東華放射收得高過cu hku science engine，唔通中學生prefer東華多啲？

兩邊開始講來講去都係個幾樣。除此之外，其實都有啲其他嘢想分享下。

1. 香港決策實權從來都在某某辦，係有方向性指導後，才交予港府實施及落實細節。方向性指導通常都有幾條唔同傳聲筒，內容大致係一致但會存在少許差異。我唔係好認同呢度部份人對港府或UGC嘅猜測，根本佢哋冇決策權，亦唔認同盧寵茂或者Nancy Ip有影響大局嘅任何能力。

2. 今年有一次同中學啲師兄弟10幾人飲酒食飯，席上約一半係醫生，同埋大家都有一定年紀，雖然唔係咩高官，但都唔係嘍羅之輩。大家都有傾到根本上香港嘅公營醫療已經等唔切，計劃好晒好多非緊急或次要啲嘅嘢上去做，醫療上嘅中港融合係邊個都逆轉唔到。

Btw，我覺得UST或Poly搞都係一件好事。不過呢度好多人讚到UST不得了，我都想分享一下以往親身嘅一些聽聞。話說在UST創校初期到九十年代中，我從一些UST讀工程嘅舊中學同學聽到，佢哋有時要過去你哋踩得好低嘅Poly做一些課堂，原因係清水灣嗰邊係冇嗰啲儀器同器材，所以成個課堂要安排係Poly到上。如果UST真係開得成，希望呢啲情況將來唔會發生啦……不過應該唔會嘅，因為依家UST係政府親生仔，遲早做埋阿爺親生仔。