【重甜】【明就明唔明就黎明】《XG快落》(6)

1001 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

小新之助 2024-10-10 18:35:18

飛揚 2024-10-10 18:57:10

飛揚 2024-10-10 18:57:36

飛揚 2024-10-10 19:00:15

上回講到綽廷總算有一晚係瞓得好～
起身落床，晴晴已經梳洗完～
綽廷面對晴晴都冇咁尷喇～始終都過咗兩日～習慣～
所以話習慣係幾咁可怕！
綽廷都梳洗完就落樓～
今日由新哥揸車送惠惠出去喎～
阿南都幫新哥準備好架車㗎喇～
不過新哥發現出面唔多對路！叫大家執嘢！
大家都好快手咁執！
咁有咩咁唔對路先得㗎？
晴晴話應該係俾國安發現咗！
咁唔係唔對路啦！係大撚鑊啦！
綽廷都幫手執！仲差啲執埋個炸彈落袋！
點解有炸彈？原來係有咩事就炸咗呢間屋！
大家執好晒就走人喇！
佢哋衝落樓梯期間，遇到新哥！
新哥都孭住三四袋：「搞掂喇嘛？」
「掂㗎喇！」細孖點點頭！「我哋離開咗...啲炸彈就會爆！」
係唔係㗎？
唔爆唔緊要吖！唔好喺佢哋仲未離開之前就爆吖！
「好！」新哥帶頭！「我哋去車房！」
晴晴邊走邊問：「阿南呢？」
「佢應該搞掂！」新哥再行快多幾步！「上車等佢！」
佢哋幾個就快快腳腳咁走去車房！
但當佢哋嚟架白色輕型貨車越近...越望得清楚...越係好似...
佢哋再行得近啲...再近啲...望到阿德...伏咗喺軚盤...
佢哋再行得近啲...再近啲...
「阿德...」新哥邊行近，邊嗌兩聲，「阿德？」
佢哋再行近啲...就見到阿德嘅太陽穴...穿咗個窿！
係子彈窿！阿德俾人槍殺咗！！！
跟住既劇情發展又會係點呢？

準備出文

飛揚 2024-10-10 19:00:36

晴晴立即遮住惠惠對眼仔！

新哥再行近啲：「係近距離...」

點會...死人...我哋死咗人...

大孖望清楚架車，圍住架車行咗一圈：「四個轆都俾人放晒...小心！」

大孖撲埋去細孖身上！同時右肩中兩槍！

「呀！」大孖慘叫一聲！

「搵掩護！」新哥大嗌一聲！同時拔出手槍！

“砰砰！”喺兩聲槍聲之下！我哋就扶傷帶幼咁匿喺白色輕型貨車後面！

飛揚 2024-10-10 19:01:23

係邊個？頭先太危急太驚太亂顧住匿埋都睇唔清邊個又喺邊度向我哋開槍！

我都拔出手槍！（其實大家都已經拔晒槍！係我拔得最慢！）

「阿南！」新哥大嗌一聲！「你癲咗吖？」

阿南？係阿南向我哋開槍？！

「我冇癲！」阿南喺對面嗌返過嚟！「癲嘅係你哋吖！」

“叮！叮！”白色輕型貨車中咗兩槍！

係用咗消聲器？

飛揚 2024-10-10 19:02:16

新哥匿一匿：「點解要咁做呀？」

「仲問我點解？」阿南再嗌過嚟！「安安樂樂咪好囉！係要鍾意地獄生活嘅！」

“叮！叮！”白色輕型貨車又中咗兩槍！

細孖攬住大孖：「新哥！」

新哥望住受傷，痛苦嘅大孖：「我哋去車房後面攞車！」

晴晴補一補位：「帶埋惠惠過去...我嚟掩護你哋...」

但惠惠拖到晴晴好實！唔肯放手！

『你哋都一齊去啦！』我補一補位！『由我掩護你哋！』

大家都呆咗咁望住我！

飛揚 2024-10-10 19:03:07

『唔好望喇...爭取時間啦！』我探一探頭...

“叮！”白色輕型貨車又中一槍！

「但係...」我冇等晴晴講落去...

『對方得一個人姐...我頂到嘅...快啲去啦！』我都向對面開兩槍！

“砰砰！”雖然打唔中...嚇鬼都好！

「我哋好快嚟接你！」新哥拍拍我膊頭！

『OK啦！』我探探頭望兩望...想望清楚...再立即開兩槍掩護！

“砰砰！”

新哥就帶住佢哋向後跑！

飛揚 2024-10-10 19:04:31

我就邊開槍...

“砰砰！砰！砰砰砰！砰砰！”

邊上前！

上前做乜嘢？上前執頭先大孖跌咗喺地上把狙擊槍！

我一拎起把狙擊槍...

阿南一轉身，由門邊想用槍指住我之時...見到我用狙擊槍瞄住佢...

「仆街！」阿南立即縮返入門後！

“砰！！！”我俾勁大嘅後座力撞到跌喺地上！

成度門俾我轟穿咗個大窿！但阿南好彩咁避開咗！（應該話係我射歪咗！）

飛揚 2024-10-10 19:05:12

「傻仔～」阿南喺裡面嗌出嚟，「第一次揸狙擊槍吖？」

我就唔撚理佢咁多！瞄住個門口就得！

一有身影...

“砰！！！”直接轟埋去！

雖然都係打唔中...打到牆身啲石屎碎塊飛晒出嚟...都夠㗎喇...

「我唔同你玩喇傻仔！」

只要唔好俾阿南出嚟...等到新哥佢哋開到車...

乜真係咁咩？咁就滿足咩？

飛揚 2024-10-10 19:05:58

阿南明顯就走咗入屋...

我就對住個度門：『出嚟吖！』

“砰！！！”再轟度門一槍！

步步為營咁行過去：『出嚟呀！』

“砰！！！”再轟爆度門！

『夠膽你就出嚟！』我換返支手槍換埋彈夾！瞄住瞄住咁行入室內！

講真嗰句...我冇諗過新哥佢哋接唔接我走...佢哋自己走咗去都冇所謂！

飛揚 2024-10-10 19:06:27

『鬼鬼祟祟！』我邊瞄邊行！『出嚟呀！』

「你當你自己係邊個吖？」阿南大嗌！同時有回音！

我左指右指！瞄住咁指！

喺邊度呢？有回音都唔知佢喺邊個方向！

「英雄吖？」

“啪啪！”牆身中彈！有石屎飛出！

“砰砰！”我都開兩槍還擊！

飛揚 2024-10-10 19:06:58

「你只不過係條傻仔咋！」

“啪！”牆身又中彈！又有石屎飛出！

『傻你老母！』

“砰砰砰！”我連開三槍！

就喺前面間房...我可以肯定...阿南條仆街就喺前面間房！

我用手槍瞄住間房咁快速走埋去！

一入到去...阿南就空手繳械！

我把手槍就跌到落地！

咁撚勁嘅？

飛揚 2024-10-10 19:07:47

阿南想喺腰間拔返支手槍出嚟！

我當然就唔會俾佢咁易得手啦！

我都捉住阿南隻手！

“啪啪啪！”三槍都打落牆身！

阿南就一嘢掃我落地！

我撻咗落地嘅同時，把狙擊槍都跌埋一邊！

「扮英雄吖？」阿南騎住我！想用槍指住我個頭嚟開槍！

我雙手推住阿南手上支槍咁避！

“啪啪啪啪！”幾槍都打晒落地！木碎都飛晒出嚟！

飛揚 2024-10-10 19:09:02

阿南開槍開到冇晒子彈...我就雙腳翹住佢膊頭...

『食屎啦！』撻開佢！

我立即企返起身！阿南都企返起身擺好姿勢：「隻揪吖？好吖～隻揪吖！」

我都擺好姿勢...

「英雄...扮英雄吖？！」阿南一衝埋嚟...就一個右直拳打埋嚟！

我係好快咁避過咗佢個右直拳...但一瞬之間，我個肚就中咗佢個左勾拳！

『嗚！』痛撚到...咁撚重嘅？！

「我第一眼見到你就想打鑊甘嘅你㗎喇！」阿南向我連環揮拳！

我左閃右避...當然點避都好都要中幾拳！

飛揚 2024-10-10 19:09:58

『嗚...咁啱吖...』我避開阿南嘅左勾拳，再一拳車埋去佢塊面！『我都係喎！』

「嗚！」阿南俾我打到後退咗兩步！

『我第一眼見到你就唔順眼喇！』我追上前狂揪阿南！

阿南又閃又擋！不停咁擋！

『屌你老母成個厭世樣咁做乜撚嘢姐？！』我一個左直拳直車落阿南塊面！

「嗚！」阿南俾我直車到後退三步！再企穩陣腳！「你以為自己真係好撚勁呀？！」

阿南一個右勾拳打落我塊面！

『嗚呀！』打到我失晒重心！

飛揚 2024-10-10 19:10:52

阿南乘勝追擊！向我拳打腳踢：「死傻仔！咁努力做乜鳩呀？有平穩嘅日子唔撚過！」

我擋又擋唔到幾多！避又避唔開幾多！係咁中！

屌你老母咁好揪㗎咩？平時見你都死口死面冇聲冇氣咁咋喎...

就喺我硬食阿南多兩腳之時...

“砰！砰砰！”槍聲？

“砰砰！砰砰砰砰！”係喺出面傳嚟嘅槍聲？！

飛揚 2024-10-10 19:11:12

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～