【重甜】【明就明唔明就黎明】《XG快落》(6)

1001 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

揸𨋢人2.0 2024-10-01 18:13:26

41樓大王 2024-10-01 18:20:30

飛揚 2024-10-01 18:28:20

俊？邊撚度俊呀？

飛揚 2024-10-01 18:29:09

飛揚 2024-10-01 18:30:21

飛揚 2024-10-01 18:30:56

41樓大王 2024-10-01 18:38:05

揸𨋢人2.0 2024-10-01 18:41:01

睇過

揸𨋢人2.0 2024-10-01 18:42:17

飛揚 2024-10-01 18:51:58

飛揚 2024-10-01 18:53:24

咁多位大佬我哋真係冇心㗎俾條生路行吓吖

飛揚 2024-10-01 18:53:53

飛揚 2024-10-01 19:00:18

上回講到行動咗咁耐，綽廷都仲未換晒啲藥！
咁弱㗎？晴晴換晒喇！
大佬吖！新手嚟㗎！換淨幾樽算係咁啦！
唉算啦！都要閃人喇！喺出面太耐始終都危險！
上到車，大家都話綽廷算叻仔！
聽到未吖？
晴晴唔順氣都要接受啦～
總算平安返到去，大家休息嘅休息～有嘢做嘅就做嘢～
綽廷呢？咪睇吓人哋有咩做囉～
見大細孖對住啲電腦撳撳撳...
晴晴話佢哋整理緊啱啱換咗藥嘅人啲資料喎～
哦～都係唔知做緊乜～
綽廷抖抖就開飯喇～
今晚餐飯仲難食過尋晚！
阿南話係咁㗎喇～難食過屎～好掛住幻覺嗰陣啲美酒佳餚～
假㗎！
難食過食屎咁食完一餐，晴晴同大細孖就拎齊晒啲碗碟餐具去洗。
綽廷行上二樓...行出露台...望望出面嘅夜景...
明知係假...真係可以呃到自己咩？啲閪真係臭㗎喎！
就喺呢個時候，新哥行到嚟我身邊：「點吖？有咩睇吖？」
『哦冇～我見呢度係郊外...點解啲空氣好似咁差咁咋嘛...』都係唔好提啲臭閪...
「哦～」新哥點點頭，「因為呢邊係北面～」
『北面？』有咩關係？
「係吖～」新哥再點點頭，「上面啲污濁空氣飄落嚟吖嘛～呢邊係首當其衝㗎喇～」
乜上面啲空氣好污濁㗎咩？
「早幾日落過雨好啲嘅...」新哥望住個夜空，「不過好快...就會飄到去市區...」
我都望住夜空...睇唔清星光...月亮都被煙霞遮蓋咁...
「冇一忽地方...可以逃得過...」
冇一忽地方...
TO BE CONTINUED
跟住既劇情發展又會係點呢？

準備出文

飛揚 2024-10-01 19:00:37

[Day 12－危機四伏] PART 01

半睡半醒...半睡半醒...又係咁...成晚都瞓得好差...

鬼咩...尋晚同新哥傾完幾句後，又係沖臭水涼...

晴晴話今晚冇行動，叫我早啲瞓...咪早啲瞓落床...

又係熱到死嘅一晚...又係勁多蚊蟲嘅一晚...叫人點瞓得好...

冇一忽地方可以逃得過...尋晚新哥係咁講...

留低雖勇敢...但冇用...

要逃嘅話真係逃唔過咩？

天大地大...真係冇容身之地咩？

飛揚 2024-10-01 19:01:16

講到好似好恐怖咁...魔爪伸展到去世界任何一個角落...

係咯...唔係離開呢度就得喇咩？去外國...點解新哥會話唔係咁易㗎呢？

要逃離呢個地方嘅途徑...

諗多兩諗...就開始黎明...

『唉...都係去梳洗咗先啦～』

扭開個水龍頭...望住黃泥水流出...

『要習慣...要習慣...』就算唔慣都要習慣...

飛揚 2024-10-01 19:02:13

快快手手簡單咁梳洗完...出返嚟...

「又咁早吖？」晴晴都醒咗～

『係吖...』望住眼前嘅晴晴，都係有啲老尷，『瞓唔好吖嘛...』

我個腦都係會第一時間就閃出每朝起身都係攬住赤裸裸嘅晴晴...

不過都係呃唔到自己...好快又諗返起攬住嗰個其實係赤裸裸嘅老肥婆...

「仲未習慣吖？」晴晴帶住微笑～

『我真係唔知你哋係點可能習慣到...』我諗正常人都冇可能習慣得到...

「哈哈～」晴晴拍拍我膊頭，擰擰頭咁行入廁所，「唉～」

咁即係點？話我弱？

點都好啦～落咗樓下先啦～

飛揚 2024-10-01 19:03:38

落到嚟樓下，本來係想搵吓有咩嘢食...（唔好唔記得尋晚只係食咗屎...而家好肚餓...）

不過尋晚新哥講過唔可以亂咁拎啲嘢嚟食...因為食物好寶貴喎...

除咗正餐由佢哋分配一齊食，真係太肚餓嘅話...只可以食生果囉...

蘋果？蕉？點揀？兩樣都係爛...

就喺我唔知點揀嘅同時...

「唔該晒...」阿南拎走我手上個爛蘋果！大啖咁咬！

咁即係食蕉？雖然我好討厭食蕉...生果盤都仲有幾個爛蘋果...

之但係...當係命運嘅安排啦～

飛揚 2024-10-01 19:04:45

同阿南坐喺爛梳化上食蕉...再爛嘅都成條食晒...

好肚餓呢仲係...

大細孖都落咗嚟，喺廚房整啲嘢咁。

係唔係有早餐食？其實我都唔清楚...

佢哋都冇講過一日嘅正餐係有幾多餐...

我尋日都好似係...食咗一餐正餐咋嘛...

咪就係夜晚嗰餐囉...

望住大細孖喺廚房整嘢...唔使幾耐...阿德都落咗嚟幫手。

我同阿南仲係好似坐喺度等食咁。

我唔係唔想幫吖！係我唔知幫到啲乜咋...

飛揚 2024-10-01 19:05:56

成個廢人咁等多一陣...新哥同晴晴都落埋嚟。

“啪啪！”新哥拍拍手：「大家過一過嚟...」

大家都行到去新哥面前...

新哥望住大家：「今日嘅行動由晴晴負責指揮...」

今日嘅行動？咩行動？

晴晴點點頭：「今日由阿德揸車～大孖遠距離掩護～我同綽廷突擊～大家明唔明白？」

阿德同大孖（我又認錯係細孖）都異口同聲：「明白！」

『喂喂等等先...等等先...』我舉晒手！『我唔明喎！』

「你唔明啲咩吖？」晴晴冷眼打量住我...

『咩都唔明囉！』你講到冇頭冇尾咁！

飛揚 2024-10-01 19:06:58

「明就明～唔明就嚟明啦～」晴晴對我莞爾一笑～

吓？即係點吖？

晴晴冇再加以說明咁多～淨係俾咗支手槍我...

吓？要拎槍咁大鑊㗎？！

然後大家都去車房...大嗌一聲：「願榮光歸香港！」就出發！

“吱...吱...”阿德揸車...好似冇新哥手車咁定...

定唔定都唔太重要啦！因為面前嘅大孖比較吸睛！

我唔係𥄫到啲咩唔應該𥄫嘅嘢！而係佢拎住大大碌...狙擊槍！檢查緊！

喂用到狙擊槍咁大鑊咩？究竟今次嘅行動關於啲咩㗎？！

飛揚 2024-10-01 19:08:09

我帶住困惑嘅眼神打量住身邊嘅晴晴...

晴晴只係回返個莞爾一笑～

喂大佬我唔係要你對住我笑吖！究竟一陣要做啲咩姐？又去緊邊吖？

俾啲心理準備好喎！

望住出面...駛過殘舊嘅舊區...駛上所謂嘅高速公路...呢個方向...又係去返市區？

去市區拎晒武器咁？唔係去打劫吖化？！

我知我哋糧食短缺！但都唔係拎晒槍去打劫掛？

講起槍...

晴晴都拎咗支手槍出嚟檢查...

咁我都拎支手槍出嚟睇睇...

上齊晒子彈...不過得一排...夠唔夠㗎？

飛揚 2024-10-01 19:09:24

「等陣要開槍嘅話...」晴晴都拎排彈夾出嚟睇睇，「唔好手軟吖...」

『我唔會手軟...』我上返彈夾，『係唔知會唔會心軟...』

「心軟？」晴晴上返彈夾同時打量住我，「對咩人？」

『我哋要對咩人？』我打量住晴晴...

「一班賤人...」晴晴好認真咁望實我...

『賤人都係人...』係人嘅話就有血有肉...

「佢哋對手沾滿鮮血...」晴晴眼都唔眨...

『你哋都係...』我講完呢句之後...空氣都好似停頓咗一樣...

晴晴望住我...我望住晴晴...

你眼望我眼咁...大孖都望住我哋兩個...

我唔知自己係講錯？定抑或講得太啱...

只係知晴晴擰擰頭...帶住微笑望出車窗外...

我都望出車窗外...望住殘舊嘅公路...比地獄更地獄嘅陌生且熟悉嘅世界...

飛揚 2024-10-01 19:10:06

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～