【重甜】【明就明唔明就黎明】《XG快落》(6)

1001 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2024-10-07 12:14:37

各位早晨

星期一又有文喇

小新之助 2024-10-07 18:16:54

等

飛揚 2024-10-07 18:24:19

差唔多要開始校對

飛揚 2024-10-07 19:00:12

上回講到竟然有追兵？！
架車咁鬼慢，走唔走得甩㗎？！
唔緊要！有大孖！
大孖槍法如神！一槍一架！
不過陸續有嚟喎！
點解今次咁多追兵㗎？
今次？即係之前唔係咁？點解又係有綽廷份先嚟啲咁嘅嘢㗎？！
一路逃走一路開槍！期間有唔少無辜嘅人被捲入戰火之中！
好唔容易先上到高速公路！國安仲係窮追不捨！
大孖睇準時機...一槍轟落運油車！隨即發生大爆炸！
大爆炸成功阻止國安追擊！
雖然話再冇追兵追上...之但係...
「呼～」大孖放低支狙擊槍，「總算擺脫咗佢哋～」
『有好多無辜嘅人...受到牽連...』唔單止架巨型運油車...頭先喺巨型運油車旁邊...都仲有唔少殘舊嘅爛車行駛緊...
佢哋...佢哋完全係死咗都唔知咩事...
「咁都冇計...」大孖擰擰頭，「喺呢個時勢...冇人係無辜...」
『冇人係無辜？』綽廷都擰擰頭，『點會係冇人無辜㗎？頭先就有班人係無辜㗎啦！佢哋都唔知發生咩事就被炸死喇！係你射爆架運油車炸死佢哋㗎！』
大孖冇出聲...
『仲有喺市區嗰陣呢！你打中地舖吖！打中商場吖！打中喺馬路行駕緊嘅車輛吖！佢哋唔無辜吖？！』死得不明不白呀！
晴晴拍拍綽廷膊頭：「呢場係革命呢...」
『革命？革...命...』本來綽廷係想問革咩命...但假如真係要問出口...佢就太天真...
綽廷...又點會唔知咩革命...為咩而革命...
就算活喺幻覺得耐...當睇到地獄一樣嘅現實之後...仲有得你唔覺醒咩？
大家都靜咗...靜靜咁坐低抖抖...
望住小妹妹仲係昏迷緊...好似熟睡中嘅小公主咁...
究竟邊度先得到安寧？
或者就只有喺睡夢中...
跟住既劇情發展又會係點呢？

準備出文

飛揚 2024-10-07 19:00:32

[Day 12－危機四伏] PART 03

“吱...吱...”喺高速公路上繼續行駛...

大家都留意住路面嘅情況...

我都同大家一樣，留意有冇啲與別不同...特別新穎嘅車輛接近...

總算有驚無險，俾我哋平安返到嚟...

晴晴抱住小妹妹落車，新哥、阿南同細孖都出咗嚟迎接我哋。

「願榮光歸香港！」大家都嗌咗一句口號之後...

新哥上前望望我哋幾個：「歡迎平安返嚟...辛苦大家...」

托賴托賴...

飛揚 2024-10-07 19:01:18

「唉...」阿南打量住喺晴晴懷抱之中嘅小妹妹，「又救咗個小妹妹返嚟...又多咗個負累...」

負累？

新哥都打量住小妹妹：「救得一個...得一個...」

救得一個得一個...

兩種說法都冇問題...咁問題喺邊呢？

「好喇...」新哥轉身，「我哋去傾返今次行動先...」

晴晴就將仲熟睡一樣嘅小妹妹交俾細孖之後，我哋幾個就跟住新哥行返入屋。

飛揚 2024-10-07 19:02:16

上兩層，入到一間房，大家都搵個位坐低。

新哥望住晴晴：「今次嘅行動如何？」

晴晴單刀直入：「今次嘅行動有啲阻滯...」

「阻滯？」新哥皺皺眉...

「嗯...」晴晴點點頭，「雖然同情報嘅一樣，我哋都好順利咁由接種中心救出目標。之但係...當我哋逃走嘅時候，有追兵。」

「有追兵...」新哥諗一諗，「國安？」

「嗯...」晴晴點點頭...

阿德補充：「人數仲唔少添！而且佢哋好似係...有預備...」

飛揚 2024-10-07 19:03:17

新哥皺皺眉咁打量住阿德：「有預備？」

其實我都有咁嘅疑問！

頭先我都在場啦！都唔覺得有咩預唔預備喎！

淨係知敵人由四方八面咁追過嚟囉！

「都係...」大孖都點點頭，「敵人嘅支援唔單止迅速，而且喺我哋嘅逃走路線殺出...再加上追截嘅技巧...唔普通...有機會係特別嘅部隊...」

「或者係...」新哥諗一諗，「佢哋已經察覺到威脅...」

「又或者...」晴晴打量住新哥，「我哋有內鬼...」

有內鬼？！

毒約英格拉姆 2024-10-07 19:03:42

又一開就update

飛揚 2024-10-07 19:04:08

「你係指...」新哥打量住晴晴，「總部？」

總部？

晴晴點點頭：「唔排除...所有情報都係由總部嗰邊傳過嚟...」

『呃唔好意思...』我都係忍唔住要舉手，『我哋嘅總部其實喺邊？』

唔好怪我有咁嘅疑問...

只見大家都打量住我...又冇打算出聲...

做咩姐？唔應該問㗎？咁唔知就要問㗎啦...

新哥擰擰頭：「呢個係機密...」

吓？機密？我梗係知機密啦！但係我哋一Team人嚟㗎嘛！我唔知得㗎？

飛揚 2024-10-07 19:05:20

新哥繼續講：「有內鬼呢方面我都會同總部討論...以後嘅行動都要再小心啲...」

吓？咁即係點？即係唔當我係自己人姐...

大家都頭頭點！

咁好囉...我都跟大隊囉...點點頭囉...

大家都傾咗今次行動嘅重點同細節之後...

「好啦～」新哥起身點點頭，「大家都辛苦喇～可以自由活動～」

「願榮光歸香港！」

其實傾咗啲咩呢？我都唔係好知～

自由活動又可以有幾自由呢？呢點就更加模糊～

飛揚 2024-10-07 19:06:13

我都只好跟住晴晴...

然後就行到嚟一間房門外，就已經聽到...

「嗚嗚！媽咪！媽咪喺邊吖嗚嗚！」小妹妹嘅喊聲...

喊到好悽慘咁...

入到去望到小妹妹喊到對眼仔都紅晒...成面都係淚痕...就更加心酸...

「乖啦惠惠～」細孖安撫住小妹妹，「唔好喊啦～」

小妹妹叫惠惠...

「嗚嗚！媽咪！」但小妹妹都仲係喊到勁悽慘，「我要搵媽吖嗚嗚！」

佢媽咪...仲有爸爸...

飛揚 2024-10-07 19:07:07

晴晴就踎喺小妹妹面前：「惠惠？爸爸媽咪嗰邊唔安全吖～所以就帶咗你嚟呢度～」

惠惠捽捽眼仔，望住晴晴...

晴晴就撫摸住惠惠把頭髮：「乖乖地聽姐姐話好唔好？」

惠惠對水汪汪嘅眼睛望住晴晴：「乖乖地就見到爸爸媽咪？」

「咁你係唔係會乖先？」晴晴再摸摸惠惠把頭髮～

「嗯...」惠惠咬住唇咁點點頭...

「咁跟姐姐嚟整理吓先好唔好？」晴晴就拖住惠惠隻手仔，「衫衫都爛喇～頭髮又亂晒～」

冇錯呢...其實惠惠都係衣衫襤褸咁...把頭髮好似雜草咁...

飛揚 2024-10-07 19:08:21

惠惠就拖實晴晴隻手，行咗出去...

細孖行到嚟我身邊：「晴晴對啲小妹妹係有一套嘅～」

『呃細路方面吖嘛？』我冷冷放下一句...

「嗯？」細孖帶住疑惑打量咗我一眼，「晴晴冇講錯喎～佢父母嗰邊係唔安全～所以先帶佢嚟呢度～」

『咁乖乖地就見到佢父母呢？』我冷眼打量住細孖...

「咁晴晴都冇應承惠惠姐～」細孖帶住微笑點點頭～

『就算唔係呃...都係瞞住...咁樣同你哋嘅理念咪一樣背道而馳...』呃又好...瞞又好...都係唔俾人知真相...

「呢啲都係權宜之計～都係為佢好姐～仲有...」細孖帶住微笑打量住我，「係我哋～」

『我哋...我哋～我哋認為係對佢哋好...人哋都會覺得佢哋係對我哋好！』呢個世界冇客觀嘅正義...只有主觀嘅邪惡！

飛揚 2024-10-07 19:09:30

「咁對你嚟講呢？」細孖打量住我，「點先係好？點先係壞？」

點先係好？點先係壞？

「睇到真相？」細孖靠近我，「定係蒙在鼓裡？」

真相...鼓裡...

「冇錯～真相好多時都係殘酷～但...」細孖貼到勁埋，「假象直頭係糖衣毒藥...」

真相係殘酷...假象係糖衣毒藥...

「唔好食糖食到死咗都唔知咩事吖～」細孖拍拍我膊頭～然後行出房門～

話唔定...我都已經中毒太深...

飛揚 2024-10-07 19:09:54

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～