【重甜】【明就明 唔明就黎明】《XG快落》(6)

上回講到大家都好留意路面仲有冇追兵！
最後總算叫平安無事咁返到去啦～
將熟睡緊嘅小妹妹交俾細孖，大家就匯報今次嘅行動！
講返今次有阻滯！有追兵！仲要應該係特別隊伍！
咁睇嚟係有內鬼？！
唔通係總部嗰邊？
咁總部喺邊邊？
新哥話係機密！唔講得俾綽廷聽！
又話自己人？自己人都唔講得？
唔講得咪唔講得囉～都唔追問喇～
咁再睇睇啦～大家都自由行動～
入到去見到小妹妹喊到對眼都紅晒～
原來小妹妹叫惠惠～晴晴就去氹惠惠喇～
惠惠就拖實晴晴隻手，行咗出去...
細孖行到嚟綽廷身邊：「晴晴對啲小妹妹係有一套嘅～」
『呃細路方面吖嘛？』綽廷冷冷放下一句...
「嗯？」細孖帶住疑惑打量咗綽廷一眼，「晴晴冇講錯喎～佢父母嗰邊係唔安全～所以先帶佢嚟呢度～」
『咁乖乖地就見到佢父母呢？』綽廷冷眼打量住細孖...
「咁晴晴都冇應承惠惠姐～」細孖帶住微笑點點頭～
『就算唔係呃...都係瞞住...咁樣同你哋嘅理念咪一樣背道而馳...』呃又好...瞞又好...都係唔俾人知真相...
「呢啲都係權宜之計～都係為佢好姐～仲有...」細孖帶住微笑打量住綽廷，「係我哋～」
『我哋...我哋～我哋認為係對佢哋好...人哋都會覺得佢哋係對我哋好！』呢個世界冇客觀嘅正義...只有主觀嘅邪惡！
「咁對你嚟講呢？」細孖打量住綽廷，「點先係好？點先係壞？」
點先係好？點先係壞？
「睇到真相？」細孖靠近綽廷，「定係蒙在鼓裡？」
真相...鼓裡...
「冇錯～真相好多時都係殘酷～但...」細孖貼到勁埋，「假象直頭係糖衣毒藥...」
真相係殘酷...假象係糖衣毒藥...
「唔好食糖食到死咗都唔知咩事吖～」細孖拍拍綽廷膊頭～然後行出房門～
話唔定...綽廷都已經中毒太深...
跟住既劇情發展又會係點呢？



準備出文