【重甜】【明就明 唔明就黎明】《XG快落》(6)

上回講到綽廷又嚟到“市區”！
今次只係得晴晴同綽廷落車！
其他人呢？
唔知喎...
綽廷都要扮到冇嘢咁～因為又見到防毒面具人喇！
算叻仔㗎喇～冇俾防毒面具人盯上～
不過今次要做啲乜呢？
咪講咗要同晴晴突擊囉！
突擊啲乜先得㗎？講啲唔講啲？
搵間咖啡店坐低先啦～
原來係要打接種中心嘅主意！
「我哋收集咗啲數據返嚟分析...得出嚟嘅資料...同時與Hack返嚟嘅情報作對比...受到Pure&True影響嘅人都會嚟呢間接種中心...」晴晴偷偷望望間咖啡店...
『咁厲害？』綽廷有啲驚訝！
Hack返嚟喎！Hack政府吖？有咁易咩？
政府嘅保安做得好足！好嚴格！連外國嘅政府機構都Hack唔到入嚟㗎喎！
『咁佢哋嚟呢間接種中心做乜？』嚟打針吖？
「佢哋短時間內會被安排到嚟呢間接種中心...做初步評估...」晴晴拎咗...三文治出嚟，「食啲嘢先啦...」
『哦...唔該...』綽廷接過晴晴手上份三文治...
係頭先大細孖喺廚房整嘅三文治？
自己人整嘅就可以放心食用啦～
綽廷咬一啖...雖然唔可以話好味...但總算叫做入得口...
『做咩初步評估？』綽廷邊食邊問。
「問啲簡單問題...睇吓有冇乜嘢異樣...或者異心嗰啲...」晴晴都邊食三文治邊講解，「受Pure&True影響又好...冇受Pure&True影響又好...」
『冇受Pure&True影響都計算在內？』望晴晴咬住個三文治...好得意...
佢仲係同當初一齊生活嘅時候一模一樣...都係一個可愛得意嘅小妹妹...
「嗯...」晴晴咬住份三文治點點頭，「因為佢哋係唔知有Pure&True嘅存在...」
『唔知有...Pure&True嘅存在？！』
跟住既劇情發展又會係點呢？



準備出文