【重甜】【明就明 唔明就黎明】《XG快落》(6)

[Day 12－危機四伏] PART 02

「嗯...」晴晴一邊咬住份三文治，一邊留意住對面，「唔單止接種中心...就連國安都唔知有Pure&True存在...」

『佢哋咁都驗唔到咩？』我又好奇喇...

政府啲化驗中心好先進㗎喎！

「唔單止驗唔到啦...佢哋都掌握唔到我哋嘅資料...只係知道有反政府組織秘密行動...」晴晴咬住份三文治諗諗，「應該話佢哋過於自負...」

『你係想話...佢哋太高估自己？』晴晴咬住份三文治個樣真係好可愛～

「佢哋以為自己高高在上...冇人可以震撼到佢哋寶座...用盡方法去監控人民...但正正就係咁...」晴晴咬住份三文治點點頭...

『就係咁俾你哋睇清睇透...針對住佢哋嘅手法...去制定出應對方法...』我諗唔會有錯...

「係我哋吖...」晴晴咬住份三文治打量住我...

『哈～』忍唔住笑咗出嚟～

「你笑咩吖？」晴晴仲係咬住份三文治打量住我...

『冇冇～我哋～我哋～』晴晴呢個樣真係太可愛喇～

「我哋仲要把握機會呢...」晴晴冇我咁好氣，繼續留意住對面...

『把握機會？』把握咩機會？

「冇錯...因為機會可能只係得一次...」晴晴差唔多食完份三文治...

只係得一次...

就喺我都差唔多食完件三文治...

「就好似而家...」晴晴拎出手槍...同時起身！

而...家？！

我都拎出手槍...望去對面...咁啱就見到有幾個防毒面具人...捉住咗個...小妹妹？

我同晴晴都拎住手槍行過對面！

只見個小妹妹搏命掙扎！

「做咩吖！嗚嗚！媽咪！爸爸！」喊晒口咁！

喺小妹妹身後對父母又好似有啲驚訝！有幾個著住白衫嘅接種中心職員同佢哋解釋緊唔知啲乜咁！

「媽咪！爸爸！好驚吖嗚嗚！」個小妹妹仲係不停咁掙扎！

但係對父母仲係無動於衷！任由自己個囡俾人捉走！

究竟佢哋見唔見到？見唔見到...防毒面具人？

見唔見到都好啦...

“砰！砰！”晴晴已經向防毒面具人開槍！

其中一個中頭！應聲倒地！

另一個就已經放開咗小妹妹！想拔出手槍同時搵遮掩之時...

“砰！”又俾晴晴一槍打中個頭！應聲倒地！

「嗚嗚！媽咪...好驚吖媽咪！」小妹妹亂跑亂撞！

「帶佢走！」晴晴用槍指住接種中心門口！

『哦哦...』我上前想攬住小妹妹之時...見到嗰對父母走都走唔切！完全冇諗過要理佢哋個囡生死！

唔好理人咁多！救咗個小妹妹先！

但就喺我想抱走小妹妹之時...接種中心側門殺出好幾個防毒面具人！

幾個防毒面具人都手持突擊步槍！正要舉槍指住我之時...

幾個防毒面具人瞬間爆頭！

咩...咩事吖？

唔係晴晴開槍...

然後...

“砰！！！砰！！！砰！！！”幾下超大嘅槍聲就由背後遠處傳嚟！

「仲唔快啲？！」晴晴都開槍掩護我！

“砰！砰！”

『哦哦！』我立即抱起小妹妹！

「嗚嗚！做咩吖？放開我吖嗚嗚！」小妹妹搏命掙扎！又用佢對小小拳頭仔揼我！

『哎吖哎吖...唔好亂郁...哎吖哎吖...我哋係嚟救你㗎！』就算我點講...

「嗚嗚！放開我嗚嗚！放開我吖！」小妹妹都係聽唔入耳！

「走！」晴晴繼續開槍掩護我！「抱佢走啦！」

“砰！砰！砰！”

『哦哦！』我就抱起小妹妹一個轉身！

“砰！！！砰！！！砰！！！”超遠距離又有幾聲巨大槍聲！

我都唔理咁多！跑多幾步...白色嘅輕型貨車就急停喺我面前！同時打開車門！

我抱住小妹妹跳上車！

“砰砰！砰！”晴晴都邊開槍邊上車！

坐都未坐穩！門都未閂得晒...

“吱...吱...”阿德就開車走人！

我同晴晴都望住車後...

『喂我哋架車咁鬼慢...走唔走得甩㗎？』龜速咁喎...

「得嘅...」晴晴眼定定望實後面，「只要佢哋唔追上嚟...」

『喂就係咁先驚喎！』即係追嘅話就實追到啦？！

「冇問題嘅...」晴晴點點頭，換排彈夾，「咁多次都唔會追上嚟...」

『係㗎咩？』咁多次即係幾多次吖？

「最起碼暫時係...」晴晴換好彈夾...

暫時...

「嗚嗚！媽咪呢？嗚嗚...媽咪吖！」小妹妹仲係喊得好悽慘...梨花帶雨...

睇到小妹妹咁...我都唔知可以點做...

我咁大個男人...都未照顧過啲小妹妹...仲要咁細...睇起上嚟都好似得嗰六七歲...

「嗚嗚！嗚嗚...嗚...」小妹妹喊多兩喊...就好似瞓著咗咁？

「係鎮靜劑...」晴晴摸摸小妹妹把秀髮...

『吓？』咩鎮靜劑？

「係國安班人做嘅好事啦...」晴晴點點頭，「應該係因為年紀太細...用唔到頭箍...」

頭箍？

雖然唔知係乜...不過都唔慌係好嘢啦...

“吱...吱...”阿德轉咗幾個圈之後...急停！

車門一打開，大孖就拎住支狙擊槍跳上車！

“吱...吱...”門都未閂得晒...阿德又踩行油！（話就話踩行油...都唔係好快㗎咋...）

「呼～」大孖抖咗啖大氣，「點吖？我啲槍法OK嘛？」

頭先？係班防毒面具人無啦啦爆頭...遠處又有好大槍聲...係大孖以狙擊槍超遠距離支援？！

應該就係啦～唔怪之得啦～

「唔好講呢啲住...」晴晴突然好凝重，「睇嚟...今次有麻煩...」

有麻煩？

晴晴好凝重望住後面...我都跟住佢嘅視線向後望...望出去...就見到有一...兩架車...好似追緊上嚟！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

望住後面有一兩架...兩三架！好明顯係國安！

點解可以咁肯定？因為佢哋架車係好唔同！同路上嗰啲...同我哋架輕型貨車！

佢哋架車明顯就新淨好多！先進好多！

「嗚嗚！媽咪呢？嗚嗚...媽咪吖！」小妹妹仲係喊得好悽慘...梨花帶雨...

唔使驚

陰公豬 喊到哥哥心都痛埋

咪就係囉唔好喊啦
埋黎哥哥抱抱錫返錫返

飛揚哥哥又出手

做咩咁驚驚吖

原來你係咁氹小妹妹㗎

冇出冇山 對手仲喺度

出 出 出 出 出 出 抄返六次

做咩呀
驚呀驚到打錯字喎
心虛呢

呢啲係根據飛揚嘅行為推斷出黎

無火箭炮好難搞喎
一係就狙擊槍瞄軚