【重甜】【明就明唔明就黎明】《XG快落》(6)

1001 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

揸𨋢人2.0 2024-10-02 17:05:46

飛揚 2024-10-02 17:07:42

揸𨋢人2.0 2024-10-02 17:20:27

揸𨋢人2.0 2024-10-02 17:22:58

飛揚 2024-10-02 17:30:48

飛揚 2024-10-02 17:31:05

飛揚 2024-10-02 19:00:26

上回講到綽廷又係瞓得唔好...
都冇計啦...都講唔上生活質素啦...
起身梳洗完，咁啱又遇到晴晴醒咗～
仲係有啲老尬囉...
落樓下等啦～
肚餓但又唔可以隨便食嘢！因為食物好珍貴！
除正餐，就只可以食爛生果！
阿南拎咗綽廷手上個爛蘋果～咁綽廷只好食爛蕉啦～
食完就集合！今次嘅行動由晴晴指揮喎～
咩行動吖？
只知係要突擊！但又唔知突擊啲乜！
晴晴仲要俾咗支手槍綽廷！
嘩咁大鑊咁吖？
上車先啦！
望住出面...駛過殘舊嘅舊區...駛上所謂嘅高速公路...呢個方向...又係去返市區？
去市區拎晒武器咁？唔係去打劫吖化？！
綽廷知佢哋糧食短缺！但都唔係拎晒槍去打劫掛？
講起槍...
晴晴都拎咗支手槍出嚟檢查...
咁綽廷都拎支手槍出嚟睇睇...
上齊晒子彈...不過得一排...夠唔夠㗎？
「等陣要開槍嘅話...」晴晴都拎排彈夾出嚟睇睇，「唔好手軟吖...」
『我唔會手軟...』綽廷上返彈夾，『係唔知會唔會心軟...』
「心軟？」晴晴上返彈夾同時打量住綽廷，「對咩人？」
『我哋要對咩人？』綽廷打量住晴晴...
「一班賤人...」晴晴好認真咁望實綽廷...
『賤人都係人...』係人嘅話就有血有肉...
「佢哋對手沾滿鮮血...」晴晴眼都唔眨...
『你哋都係...』綽廷講完呢句之後...空氣都好似停頓咗一樣...
晴晴望住綽廷...綽廷望住晴晴...
你眼望我眼咁...大孖都望住佢哋兩個...
綽廷唔知自己係講錯？定抑或講得太啱...
只係知晴晴擰擰頭...帶住微笑望出車窗外...
綽廷都望出車窗外...望住殘舊嘅公路...比地獄更地獄嘅陌生且熟悉嘅世界...
跟住既劇情發展又會係點呢？

準備出文

飛揚 2024-10-02 19:00:38

“吱...吱...”坐咗差唔多個幾兩個鐘頭車...又Un到屎忽都開晒花...都差唔多返到嚟“市區”...

「睇你睇到皺晒眉咁...」大孖突然開聲，「都仲未接受到呢？」

『嗯...』我只係點點頭...

乜原來我有皺晒眉咩？

「就如你所見...」大孖都望住出面，「現實嘅世界就係咁...而所有人都被幻覺所矇騙...」

望住街上嘅人...一個又一個...勁攰勁殘...但又帶住幸福嘅微面...喺呢個殘舊嘅地獄之中...

「所以點解要令所有人醒覺，就係要改變返呢個地獄嘅世界。」大孖點點頭。

改變？點改變吖？真係改變到咩？就靠我哋幾個？

飛揚 2024-10-02 19:02:44

先唔好話我都仲未知我哋個組織有幾大...係大就唔使鬼鬼祟祟咁啦！

所謂嘅地下組織就係因為唔夠大！先要匿喺地下！

喂大佬吖...而家係講緊同成個政府吖！都唔好話背後有成個國家撐腰！

淨係一個地區政府都搞不撚掂啦！

單憑我哋呢啲地下組織，可以令幾多人醒覺吖？

我都真係唔知究竟係我未醒，定係佢哋仲沉睡喺佢哋嘅甜夢當中喇！

“吱...吱...”阿德泊埋路邊之後...

大家講句：「願榮光歸香港...」晴晴就帶住我落車！

飛揚 2024-10-02 19:04:03

“吱...吱...”阿德就立即揸走架車！

『佢哋...』我望住架白色輕型貨車越駛越遠，轉入彎，『要去邊吖？』

「唔使理人哋...」晴晴就帶住我行，「做好自己本份就得...」

『自己本份？』我跟住喺晴晴身邊！『你都仲未講我哋要做啲乜喎！』

「你頭先有冇聽㗎？」晴晴企喺交通燈前，「我哋係負責突擊㗎嘛！」

『突擊啲咩先得㗎？』咁叫講咗吖？聽咗都唔知要做啲乜啦！

「我哋係要突擊...」晴晴見交通燈轉咗綠公仔，就橫過馬路，「接種中心！」

『接種中心？！喂等等先！』我跟住晴晴橫過馬路，『你唔係話我哋要拎住支手搶就咁衝入去大開殺戒吖化？！』

喂唔好玩啦！得支手槍仔就想打仗？玩閪咩？！

飛揚 2024-10-02 19:04:45

「你又唔好咁單純～」晴晴半帶恥笑擰擰頭～

『喂你講清楚啲得唔得吖？』講到唔清唔楚咁鳩知你想點咩？！

「跟我嚟咗先啦～」晴晴繼續行～

『好囉...』你係大佬我唔係...

跟住晴晴喺殘舊嘅街道上行...

唔單止要不經意咁避開街上嘅雜物垃圾...無視貓咁大隻嘅老鼠...仲要無視埋啲防毒面具人！

冇錯吖！又遇到佢哋喇！數量都仲要唔少添㗎！

越行越多！身邊都有好幾個！

飛揚 2024-10-02 19:06:12

都過咗幾日...總算習慣無視佢哋嘅...冇俾佢哋察覺到我見到佢哋嘅...

然後晴晴就帶我嚟到一間露天咖啡店。

其實我都唔知算唔算係露天啦...總之就係喺室外有幾張爛木檯...爛木凳...

晴晴買咗兩杯咖啡返嚟坐低：「望唔望到對面吖？」

『望到...接種中心吖嘛...』雖然有煙霞...但大大隻字寫住...而且...係行過咁多地方，最整齊完整嘅一座建築物...

話說...呢邊市區都已經有煙霞...空氣都變得差呢...

「我哋嘅目標就係呢間接種中心...」晴晴望住對面，「我勸你就唔好飲杯咖啡喇...」

係吖...我拎起咗杯咖啡正想飲一啖...

但點解晴晴話唔好飲呢？

飛揚 2024-10-02 19:06:59

睇清楚杯咖啡...啡色冇乜嘢咁吖...

我都係唔唔聽話...飲一啖...

『唔！』喂咩嚟㗎？難飲到差啲就噴出嚟！

「講咗㗎啦...」晴晴仲係望住對面...

『OKOK...係我衰...不聽老人言...』我抹抹嘴，『咁我哋要做啲咩先得㗎？殺入去吖？』

「都話咗唔好咁單純...」晴晴半帶恥笑咁擰擰頭，「我哋係要等...」

『等？』等咩吖？等運到吖？

「我哋係要等有潛質嘅人...」晴晴眼定定望實對面...

『有潛質？』講嘢唔好一節節咁得唔得？

飛揚 2024-10-02 19:07:58

「受Pure&True影響吖...」晴晴冷眼打量咗我一眼，眼定定望返對面...

『你係指受Pure&True影響嘅人...』我都望住對面，『都會嚟接種中心？咁係點知道？』

「情報係咁講...」晴晴點點頭...

係情報...

「我哋收集咗啲數據返嚟分析...得出嚟嘅資料...同時與Hack返嚟嘅情報作對比...受到Pure&True影響嘅人都會嚟呢間接種中心...」晴晴偷偷望望間咖啡店...

『咁厲害？』我有啲驚訝！

Hack返嚟喎！Hack政府吖？有咁易咩？

政府嘅保安做得好足！好嚴格！連外國嘅政府機構都Hack唔到入嚟㗎喎！

飛揚 2024-10-02 19:09:16

『咁佢哋嚟呢間接種中心做乜？』嚟打針吖？

「佢哋短時間內會被安排到嚟呢間接種中心...做初步評估...」晴晴拎咗...三文治出嚟，「食啲嘢先啦...」

『哦...唔該...』我接過晴晴手上份三文治...

係頭先大細孖喺廚房整嘅三文治？

自己人整嘅就可以放心食用啦～

我咬一啖...雖然唔可以話好味...但總算叫做入得口...

『做咩初步評估？』我邊食邊問。

「問啲簡單問題...睇吓有冇乜嘢異樣...或者異心嗰啲...」晴晴都邊食三文治邊講解，「受Pure&True影響又好...冇受Pure&True影響又好...」

『冇受Pure&True影響都計算在內？』望晴晴咬住個三文治...好得意...

佢仲係同當初一齊生活嘅時候一模一樣...都係一個可愛得意嘅小妹妹...

「嗯...」晴晴咬住份三文治點點頭，「因為佢哋係唔知有Pure&True嘅存在...」

『唔知有...Pure&True嘅存在？！』

飛揚 2024-10-02 19:09:39

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～