MPF強積金掃盲/ 表現討論 (7)

MPF掃盲清潔工 · 2024-08-13T16:32:27+08:00

從兩年幾前的第一個集中討論帖開始，越黎越多連登巴絲開始關注自己係強積金既投資，最多人會問既問題係: A. 跌市轉唔轉保守好 B. 點解不停咁踩宏利永明呢類公司 C. 買北美好定環球好 D. 買左港股而家點算但我想講，以上問題都唔會係呢度得到你想要既答案，或者找到你想聽既野，因為呢度係好悶，好很悶，好撚悶咁不停又重覆咁勸告大家，要記住 A. 被動式基金，低管理費 B. 分散環球咁去投資 C. 多儲蓄去面對由治及興既環境 D. 咪撚手多 1.強積金戶口種類分別係「現職供款戶口」、「個人戶口」、「可扣稅自願性供款戶口」、「自願性供款戶口」以及「特別自願性供款戶口」。現職供款戶口是當你有一份工作時，便會擁有一個現職供款戶口。每月，僱主和僱員分別供款5%，供款上限為各$1,500。在2025年取消強積金對沖前，僱主的供款部分可以用來抵銷長期服務金。而僱員的供款部分則可以每年轉移到您心儀的其他受託人公司（即強積金半自由行制度）。個人戶口則是指您離職後轉移過來的供款戶口，或者您通過半自由行開設的戶口。如果您沒有整合和轉移多個工作的強積金，應該會出現好多個個人戶口，唔使擔心唔記自己有幾多個戶口，您可以去積金局網站查閱個人帳戶資料，該網站連結如下： https://epa.mpfa.org.hk/mpfa_web/index.html#?lang=tch 但缺點係上面個網頁只列出你係不同受託人機構擁有戶口數量，並唔包含詳細戶口資料，例如戶口號碼。您需要分別向不同受託人查詢自己的戶口號碼。否則你將無法成功整合強積金到你心儀的受託人計劃。可扣稅自願性供款戶口是從2019年開始，供受僱或自僱人士開設既一種戶口。您可以在每個稅務年度內進行供款，並享有最高可扣稅額為每年港幣60,000元。但需要注意的是，這個金額是與可扣稅年金共用的，並非獨立計算。建議大家使用稅務計算機（ https://www.gov.hk/tc/residents/taxes/etax/services/tax_computation.htm ）來評估是否值得進行供款。特別要提醒的是，對於超過65歲但尚未退休且收入中等以上的人士，可扣稅自願性供款是一項重要福利。自願性供款是指您的僱主額外為您每月進行的供款。然而，提取這些款項有一定的條件限制，例如您的工作年資不足，可能無法全額提取。這是公司為留住員工而提供的一種福利。特別自願性供款是在強積金制度監管下，成員自行開設的一個基金戶口。它具有以下優點：在銀行提供給一般市民認購的零售基金中，絕大部分都是主動式基金，而特別自願性供款戶口則提供了一個非常方便的機會，讓大家可以用港元資金購買被動式基金。 2. 想睇基金的表現成績，你可以參考以下網站：投資基金公會（Hong Kong Investment Funds Association）的網站： https://hkifa.org.hk/zh-hant/mpf/ 在該網站上，你可以點擊每月強制性公積金基金表現數據，它們每個月都會進行更新。這個網站整理得很好，你可以清楚地看到你選擇的基金在跑馬仔成績表上的表現。積金評級（MPF Ratings）的網站： https://mpfratings.com.hk/zh/mpf-monthly-performance-survey/ 積金評級每月的大概10號之前會發布上一個月的強制性公積金表現數據。你可以在這個網站上獲取相關資訊。強制性公積金計劃管理局（MPFA）的網站： https://mfp.mpfa.org.hk/tch/mpp_index.jsp 此外，各家公司也會發布每月的簡報和季報。但是請注意，季報不應作為調倉的參考，因為季報會延遲1.5至2個月才會上載。例如，第三季截至9月30日的季報，你可能要在11月中至尾才能看到 3. 選擇低管理費基金的重要性管理費水平確實非常重要。簡單黎講，避免選擇管理費超過1.1%的基金。因為長期來看，高管理費只會食曬你D回報率。根據數據顯示，同一種基金中，每增加0.2%的管理費差異，10年後高費用的基金會輸掉4-5%的回報。(可以參考永明強積金彩虹計劃的季報，清楚顯示他們提供的A類及B類基金，只是僅僅0.2%的分別，在10年期及20年期下，貴管理費的基金落後多少)考慮到強積金是一個長期的投資計劃，你想損失更多去面對退休？仲係度揀緊主動式基金的你，絕對雖要回顧一下基金的表現和費用，睇係咪真係物超所值。由於強積金計劃下的不透明，你根本不能知道是誰是你的投資經理，你只能憑有限的資訊或感覺去了解該受託人過去的投資風格，亦間接令你的投資風險提升。 4. 點去分析你所購買的基金係好定垃圾？首先，你可以參考相關指數來評估你的基金的表現。你可以進入<a rel="noopener noreferrer nofollow" href="https://www.lseg.com/en/ftse-russell/indices/mpf尋找相關指數，以了解你的基金是否跑贏了基準。" data-sr-url="https://r.lihkg.com/link?u=https%3A%2F%2Fwww.lseg.com%2Fen%2Fftse-russell%2Findices%2Fmpf%E5%B0%8B%E6%89%BE%E7%9B%B8%E9%97%9C%E6%8C%87%E6%95%B8%EF%BC%8C%E4%BB%A5%E4%BA%86%E8%A7%A3%E4%BD%A0%E7%9A%84%E5%9F%BA%E9%87%91%E6%98%AF%E5%90%A6%E8%B7%91%E8%B4%8F%E4%BA%86%E5%9F%BA%E6%BA%96%E3%80%82&d=Ygb4DG45nBb%2B%2FhtN7HCYebvwaiiVzQSVfqjLxq9diSQ%3D&h=b12bb068" data-auto-link target="_blank">https://www.lseg.com/en/ftse-russell/indices/mpf尋找相關指數，以了解你的基金是否跑贏了基準。被動式基金輕微落後基準是正常的，因為這些指數未計入管理費、股息稅和港元對沖合約的費用。但是，主動式基金實際上應該要跑贏基準。你支付高昂的管理費，基金經理理應能夠做出成績。然而，事實是強積金制度運作20年來，主動式基金的表現非常令人失望，更令到大眾質疑強積金能否真正幫助退休生活而提出廢除聲音。除了FTSE MPF指數外，你還可以參考S&P、MSCI等指數公司的指數，仔細比較你所持有的基金的表現，可以更全面地評估基金的優劣。主動式基金經理會如下圖所講，向客戶聲稱自己操盤的基金能夠交出表現，所以較高費用亦是物超所值，但現實是這樣嗎? 5. 點解保險agent咁鐘意話同你睇下份強積金搞下整合? 原因就係整合強積金可以知道你收入，絕對方便佢去做交叉銷售，可以按你年紀推介不同其他既保險產品。10個有1個肯買佢地就賺咗再留意埋 https://lih.kg/hfibaT ，解釋管理費當中保薦人費用既分佈，羊毛是出在羊身上的，整合雖然冇咩肉食，但一蚊唔係錢呀! 6. 北美指數同美國指數有什麼分別? 北美指數會多咗大概4-5%加拿大股票落去，傳統上加國股票波動較細，但主動式基金係可以按基金經理調整去獲得可能既超額回報 7. 恒生指數是全部香港公司嗎? 恒生指數係有82隻成份股，香港公司只29.13%(25隻)，其他都係支那公司(7/2024資料) 富時MPF 香港指數則有330隻成份股，支那股佔257隻，香港股佔73隻 (7/2024資料) 大部份MPF 公司港股都係追蹤恒指，永盲係追蹤富時，支銀係追蹤中證100，宏利屎忽痕改追蹤ESG系列 8. 一般大中華基金成份是什麼? 支那股大概佔55%，台灣佔30%，餘下係香港股票 9. 買港股? 買生不如買熟? 好多人啱啱開強積金果時都係好頭腦揀咩好，睇返數字投資返係中港市場既人佔左25%，條數仲未計買混合資產類別既人股票當中既比例，喂...問心下，恒指你隨口講得出幾多間公司同佢地既業務? 定係你講得出強生/ FB / TESLA / GOOGLE / 微軟 / VISA / 摩根佢地係咩公司黎，長期投資啵，你用到邊個服務多先? 如果你仲係重倉係港股，自己問下點解揀港股? 仲係玩繄23000 All in, 3萬點就放曬佢轉保守? 上面段文字係直接cap上個post的，今日恒指係19971 點(23 年5月15日)...講完上面段文字都係直接cap上個post，今日恒指係17024點 (23年11月30日)...ggggggg 上面段文字都係直接cap上個post，今日恒指係16600點 (24年3月19日)...ggggggg 上面段文字都係直接cap上個post，今日恒指係17174點 (24年8月13日)...ggggggg 10. 小心選擇強積金計劃下「派息」的基金市面上只有宏利的退休收益基金及BCT亞洲收益退休基金宏利果隻劣到不堪，上市基金價格係10元，現在只得8.675，不停派息都是從資本分派，根本是以本派息的陷阱。BCT 果隻雖然是從收入分派，但表現亦不太理想，都係輸緊本金。由於受限於強積金制度下對投資債券的限制，只能選擇投資級別的債券，因此這類基金的回報注定不會高，現在市面上派息的產品種類更多，更切及退休人仕需要，根本不宜選擇這2隻基金 11. 唔建議揀所謂增長/ 成長/ 平穩字眼既基金呢類基金大多都係由2000年開始就RUN 緊既基金，你會發現到側重係支那同香港股票比例係特別高，如果你係個想做環球分散配置既人，呢類基金會將你風險提高左好多，如果真係對自己揀股亳無信心又或者長年都唔會去打理，都盡可能唔好揀呢D 又貴管理費，持股奇奇怪怪既基金，要揀就揀DIS懶人基金，即係核心累積基金，已經好簡單咁自動同你做左環球配置

啜袋傷嬌 2025-03-10 14:16:28

你點轉

林明禎探屙男 2025-03-10 14:32:25

我知啊巴打

所以而家我想轉返自己跟
但唔知個程序點做好

勿以累聚 2025-03-10 14:36:43

轉永利咁勁

認真政府個收費好似間間都相對平嘅

勿以累聚 2025-03-10 14:37:15

想轉邊間就聯絡嗰間公司

大快勃 2025-03-10 14:37:51

直接去你想用嗰間強積金機構交資料申請就得

mpf唔係保險，冇cut單penalty

勿以累聚 2025-03-10 15:14:51

好似有啲放唔夠幾耐要嘔返轉倉回贈

大快勃 2025-03-10 15:16:48

嗰啲回贈又唔係多

林明禎探屙男 2025-03-10 18:23:27

唔該哂巴打

龍馬精神 2025-03-10 18:32:26

之前all in晒過去
智優逸北美股
本身賺到笑，而家蝕到喊

而家應唔應該轉走

懿牘筆回 2025-03-10 18:49:09

建議轉返港股，等港女大跌再轉返美

啜袋傷嬌 2025-03-10 20:49:03

當年做夠3年就可以轉

個個都話永明最強食正港股飛天果陣
一轉去就食正火棒
先轉投美帝 8:2 比咁溝同追追到今日先岩岩見到正數

想轉返中銀

但好怕從蹈當年覆轍

同埋諗緊點轉自己行入去中銀問？

勿以累聚 2025-03-10 20:53:46

唔係同人事部轉咩

利申唔清楚

JW王浩兒 2025-03-10 21:56:14

MPF掃盲清潔工 2025-03-11 10:48:50

信安5月7日加入積金易（未來會比bct 食埋）
入左平台3個月後減費表

真係多撚謝絕大部份仲係1.1%以上

痴依膠花 2025-03-11 11:04:22

兩個月前整合哂轉去aia北美，呢排美股跌到咁，洗唔洗轉返保守？

攬炒巴老婆 2025-03-11 11:13:49

唔該晒巴打尋日已經開左戶搞

而家睇緊d基金價格睇下轉唔轉保守
個價位係咪一個星期先update一次
最新update 去到上星期五

頭post既基金表現都係update 到2月
有無其他方法睇到即時？

影評仁 2025-03-11 11:35:14

而家都只係去到拜登時期既價位,大家幾時會第一注入市

優吉歐 2025-03-11 11:58:34

hsbc個mpf算係咁
第二日4pm打後左右就會睇得返上個工作天既價
想睇即時應該得指數基金
睇股票app睇返對應既指數你大概會知果日賺幾多

陳豪賭一場 2025-03-11 12:07:18

轉頭升番你又問幾時轉番北美

MPF掃盲清潔工 2025-03-11 12:08:07

其實對住堆日日係度驚，係咪要轉保守嘅人
我真係好冇心機再答落去，唔通你要去轉我仲阻你發達咩

轉之前，睇下呢個系列嘅ETF, 我已經講過好多次，每次跌市都要拎出黎講一次

https://www.paceretfs.com/products/trendpilot

睇下對基於規則下嘅避險調倉，對比返全倉持有嘅表現，自行評估風險水平

客家小子 2025-03-11 12:14:00

咁岩上星期246果陣轉番去保守等到咁上下就all in 北美

酩酊大醉 2025-03-11 15:32:37

高手

李慧思 2025-03-11 15:46:46

仲咁樣問嘅人即係無睇過依個post幾多

陳豪賭一場 2025-03-11 15:49:29

連登真係臥虎藏龍，mpf都炒到財自

陶古井 2025-03-11 23:33:44

早一個月睇到你講就好，我就係轉大貓前無轉保守，等轉會期間撞正美股波動，咁就輸咗錢