MPF強積金掃盲/ 表現討論 (7)

MPF掃盲清潔工 · 2024-08-13T16:32:27+08:00

從兩年幾前的第一個集中討論帖開始，越黎越多連登巴絲開始關注自己係強積金既投資，最多人會問既問題係: A. 跌市轉唔轉保守好 B. 點解不停咁踩宏利永明呢類公司 C. 買北美好定環球好 D. 買左港股而家點算但我想講，以上問題都唔會係呢度得到你想要既答案，或者找到你想聽既野，因為呢度係好悶，好很悶，好撚悶咁不停又重覆咁勸告大家，要記住 A. 被動式基金，低管理費 B. 分散環球咁去投資 C. 多儲蓄去面對由治及興既環境 D. 咪撚手多 1.強積金戶口種類分別係「現職供款戶口」、「個人戶口」、「可扣稅自願性供款戶口」、「自願性供款戶口」以及「特別自願性供款戶口」。現職供款戶口是當你有一份工作時，便會擁有一個現職供款戶口。每月，僱主和僱員分別供款5%，供款上限為各$1,500。在2025年取消強積金對沖前，僱主的供款部分可以用來抵銷長期服務金。而僱員的供款部分則可以每年轉移到您心儀的其他受託人公司（即強積金半自由行制度）。個人戶口則是指您離職後轉移過來的供款戶口，或者您通過半自由行開設的戶口。如果您沒有整合和轉移多個工作的強積金，應該會出現好多個個人戶口，唔使擔心唔記自己有幾多個戶口，您可以去積金局網站查閱個人帳戶資料，該網站連結如下： https://epa.mpfa.org.hk/mpfa_web/index.html#?lang=tch 但缺點係上面個網頁只列出你係不同受託人機構擁有戶口數量，並唔包含詳細戶口資料，例如戶口號碼。您需要分別向不同受託人查詢自己的戶口號碼。否則你將無法成功整合強積金到你心儀的受託人計劃。可扣稅自願性供款戶口是從2019年開始，供受僱或自僱人士開設既一種戶口。您可以在每個稅務年度內進行供款，並享有最高可扣稅額為每年港幣60,000元。但需要注意的是，這個金額是與可扣稅年金共用的，並非獨立計算。建議大家使用稅務計算機（ https://www.gov.hk/tc/residents/taxes/etax/services/tax_computation.htm ）來評估是否值得進行供款。特別要提醒的是，對於超過65歲但尚未退休且收入中等以上的人士，可扣稅自願性供款是一項重要福利。自願性供款是指您的僱主額外為您每月進行的供款。然而，提取這些款項有一定的條件限制，例如您的工作年資不足，可能無法全額提取。這是公司為留住員工而提供的一種福利。特別自願性供款是在強積金制度監管下，成員自行開設的一個基金戶口。它具有以下優點：在銀行提供給一般市民認購的零售基金中，絕大部分都是主動式基金，而特別自願性供款戶口則提供了一個非常方便的機會，讓大家可以用港元資金購買被動式基金。 2. 想睇基金的表現成績，你可以參考以下網站：投資基金公會（Hong Kong Investment Funds Association）的網站： https://hkifa.org.hk/zh-hant/mpf/ 在該網站上，你可以點擊每月強制性公積金基金表現數據，它們每個月都會進行更新。這個網站整理得很好，你可以清楚地看到你選擇的基金在跑馬仔成績表上的表現。積金評級（MPF Ratings）的網站： https://mpfratings.com.hk/zh/mpf-monthly-performance-survey/ 積金評級每月的大概10號之前會發布上一個月的強制性公積金表現數據。你可以在這個網站上獲取相關資訊。強制性公積金計劃管理局（MPFA）的網站： https://mfp.mpfa.org.hk/tch/mpp_index.jsp 此外，各家公司也會發布每月的簡報和季報。但是請注意，季報不應作為調倉的參考，因為季報會延遲1.5至2個月才會上載。例如，第三季截至9月30日的季報，你可能要在11月中至尾才能看到 3. 選擇低管理費基金的重要性管理費水平確實非常重要。簡單黎講，避免選擇管理費超過1.1%的基金。因為長期來看，高管理費只會食曬你D回報率。根據數據顯示，同一種基金中，每增加0.2%的管理費差異，10年後高費用的基金會輸掉4-5%的回報。(可以參考永明強積金彩虹計劃的季報，清楚顯示他們提供的A類及B類基金，只是僅僅0.2%的分別，在10年期及20年期下，貴管理費的基金落後多少)考慮到強積金是一個長期的投資計劃，你想損失更多去面對退休？仲係度揀緊主動式基金的你，絕對雖要回顧一下基金的表現和費用，睇係咪真係物超所值。由於強積金計劃下的不透明，你根本不能知道是誰是你的投資經理，你只能憑有限的資訊或感覺去了解該受託人過去的投資風格，亦間接令你的投資風險提升。 4. 點去分析你所購買的基金係好定垃圾？首先，你可以參考相關指數來評估你的基金的表現。你可以進入<a href="https://www.lseg.com/en/ftse-russell/indices/mpf尋找相關指數，以了解你的基金是否跑贏了基準。" data-sr-url="https://r.lihkg.com/link?u=https%3A%2F%2Fwww.lseg.com%2Fen%2Fftse-russell%2Findices%2Fmpf%E5%B0%8B%E6%89%BE%E7%9B%B8%E9%97%9C%E6%8C%87%E6%95%B8%EF%BC%8C%E4%BB%A5%E4%BA%86%E8%A7%A3%E4%BD%A0%E7%9A%84%E5%9F%BA%E9%87%91%E6%98%AF%E5%90%A6%E8%B7%91%E8%B4%8F%E4%BA%86%E5%9F%BA%E6%BA%96%E3%80%82&d=Ygb4DG45nBb%2B%2FhtN7HCYebvwaiiVzQSVfqjLxq9diSQ%3D&h=b12bb068" data-auto-link target="_blank">https://www.lseg.com/en/ftse-russell/indices/mpf尋找相關指數，以了解你的基金是否跑贏了基準。被動式基金輕微落後基準是正常的，因為這些指數未計入管理費、股息稅和港元對沖合約的費用。但是，主動式基金實際上應該要跑贏基準。你支付高昂的管理費，基金經理理應能夠做出成績。然而，事實是強積金制度運作20年來，主動式基金的表現非常令人失望，更令到大眾質疑強積金能否真正幫助退休生活而提出廢除聲音。除了FTSE MPF指數外，你還可以參考S&P、MSCI等指數公司的指數，仔細比較你所持有的基金的表現，可以更全面地評估基金的優劣。主動式基金經理會如下圖所講，向客戶聲稱自己操盤的基金能夠交出表現，所以較高費用亦是物超所值，但現實是這樣嗎? 5. 點解保險agent咁鐘意話同你睇下份強積金搞下整合? 原因就係整合強積金可以知道你收入，絕對方便佢去做交叉銷售，可以按你年紀推介不同其他既保險產品。10個有1個肯買佢地就賺咗再留意埋 https://lih.kg/hfibaT ，解釋管理費當中保薦人費用既分佈，羊毛是出在羊身上的，整合雖然冇咩肉食，但一蚊唔係錢呀! 6. 北美指數同美國指數有什麼分別? 北美指數會多咗大概4-5%加拿大股票落去，傳統上加國股票波動較細，但主動式基金係可以按基金經理調整去獲得可能既超額回報 7. 恒生指數是全部香港公司嗎? 恒生指數係有82隻成份股，香港公司只29.13%(25隻)，其他都係支那公司(7/2024資料) 富時MPF 香港指數則有330隻成份股，支那股佔257隻，香港股佔73隻 (7/2024資料) 大部份MPF 公司港股都係追蹤恒指，永盲係追蹤富時，支銀係追蹤中證100，宏利屎忽痕改追蹤ESG系列 8. 一般大中華基金成份是什麼? 支那股大概佔55%，台灣佔30%，餘下係香港股票 9. 買港股? 買生不如買熟? 好多人啱啱開強積金果時都係好頭腦揀咩好，睇返數字投資返係中港市場既人佔左25%，條數仲未計買混合資產類別既人股票當中既比例，喂...問心下，恒指你隨口講得出幾多間公司同佢地既業務? 定係你講得出強生/ FB / TESLA / GOOGLE / 微軟 / VISA / 摩根佢地係咩公司黎，長期投資啵，你用到邊個服務多先? 如果你仲係重倉係港股，自己問下點解揀港股? 仲係玩繄23000 All in, 3萬點就放曬佢轉保守? 上面段文字係直接cap上個post的，今日恒指係19971 點(23 年5月15日)...講完上面段文字都係直接cap上個post，今日恒指係17024點 (23年11月30日)...ggggggg 上面段文字都係直接cap上個post，今日恒指係16600點 (24年3月19日)...ggggggg 上面段文字都係直接cap上個post，今日恒指係17174點 (24年8月13日)...ggggggg 10. 小心選擇強積金計劃下「派息」的基金市面上只有宏利的退休收益基金及BCT亞洲收益退休基金宏利果隻劣到不堪，上市基金價格係10元，現在只得8.675，不停派息都是從資本分派，根本是以本派息的陷阱。BCT 果隻雖然是從收入分派，但表現亦不太理想，都係輸緊本金。由於受限於強積金制度下對投資債券的限制，只能選擇投資級別的債券，因此這類基金的回報注定不會高，現在市面上派息的產品種類更多，更切及退休人仕需要，根本不宜選擇這2隻基金 11. 唔建議揀所謂增長/ 成長/ 平穩字眼既基金呢類基金大多都係由2000年開始就RUN 緊既基金，你會發現到側重係支那同香港股票比例係特別高，如果你係個想做環球分散配置既人，呢類基金會將你風險提高左好多，如果真係對自己揀股亳無信心又或者長年都唔會去打理，都盡可能唔好揀呢D 又貴管理費，持股奇奇怪怪既基金，要揀就揀DIS懶人基金，即係核心累積基金，已經好簡單咁自動同你做左環球配置

MPF掃盲清潔工

893 回覆

44 Like 2 Dislike

情人如若貪啃奇 2025-02-23 12:49:17

冇第二個更好既選擇

overcode. 2025-02-23 20:47:23

唔係bct 低多dd 管理費？

情人如若貪啃奇 2025-02-23 21:02:44

performance 中銀好D

真·方丈 2025-02-24 08:53:11

我都係，轉咗即刻有正數

願人生若只如初見 2025-02-24 14:09:30

中銀保誠劃一0.8%，BCT買ETF無記錯係0.5%，其他就高d

情人如若貪啃奇 2025-02-24 14:38:08

我永明果時+33%，唔知轉左中銀會唔會多幾%呢

MPF掃盲清潔工 2025-02-24 14:49:53

(新基金資訊)
中銀保誠我的強積金計劃，應該好快就會出2隻新基金
因為係積金局個網已經批咗
我的中國國債及政策性銀行債券追蹤指數基金
我的歐洲優勢股票指數基金

等正式公佈後再睇下架構係點

願人生若只如初見 2025-02-24 14:56:41

巴打，政府MPF係咪中銀最好？如果中銀。& HSBC，邊個好？

MPF掃盲清潔工 2025-02-24 14:57:50

政府邊度有HSBC... 分左手好耐
中銀啦，總好過BCT同永盲

願人生若只如初見 2025-02-24 15:00:04

如果自選部份，中銀vs HSBC，你覺得邊個好？

MPF掃盲清潔工 2025-02-24 15:01:18

咁梗係hsbc啦，都唔使諗

願人生若只如初見 2025-02-24 15:02:44

多謝

獨身的理由 2025-02-25 01:13:39

MPF掃盲清潔工 2025-02-25 11:40:57

呢期恒指爆爆爆咁升，我知實有傻鳩會心動又想轉錢多手手
又等我比D數據你諗下
由2009年10月開始買BCT既恒指基金，假設每月供款固定
去到今日
你既累積回報係+26.97% (簡單數學概念，15年前當天投放100蚊，去到今日有126.97蚊)
XIRR 只得3.014% (整段15年期間，你分段投入每1蚊既運用效率)
CAGR年均複合成長率只係得1.58% (呢15年間投資平均回報)

繼續係衰過買ON9 儲蓄保既成績.......

MPF掃盲清潔工 2025-02-25 14:03:46

另外，backtest 垃圾宏利北美基金
如果由2000年12月1日上架開始每月供款1000蚊
係24年2個月後既今日，你既總供款係291期共$291,000
今日總資產值係$941,602，賺左$650,602蚊

持有期收益率係226.95%
XIRR係8.6594%
CAGR係4.979%
***************************************
backtest大貓智優逸北美追蹤
由2019月7月合併後開始每月供款1000蚊
係5年8個月後既今日，總供款係68期共$68,000
今日總資產值係$101,411，賺左$33,411

持有期收益率係49.13%
XIRR係14.037%
CAGR係7.308%

學識接受市場波動，盡早建立月供投資計劃，如果由20歲就開始投資，比起我遲到30歲後先開始(行多左好多冤枉路交學費)，條路係容易行好多

MPF掃盲清潔工 2025-02-25 14:11:04

最後一個backtest 係2021年11月上架既BCT美國股票基金
每月供款$1000，你既總供款係39期共$39,000
今日總資產值係$50,706，賺左$11,706蚊

持有期收益率係30.02%
XIRR係16.43%
CAGR 係8.41%

MPF掃盲清潔工 2025-02-25 14:35:14

就快取消對沖強積金，究竟僱員同僱主協商自己炒自己，一頭半個月再用新合約請返有冇著數，我地一齊黎睇下計法

我覺得僱員係有著數，因為係對沖下，可以提早拎到部份強積金金額出黎，脫離昂貴強積金管理費系統

對沖計法係用你離職前該月月薪同基準，再去計服務年資

假設你打左10年工，可對沖金額係用$22,500 上限 (高過呢個數既月薪都係用呢個數去做基準，即係你5萬月薪，都係用$22,500做基數) 的2/3即$15,000，再乘服務年資

$15,000 X 10年 = $150,000

打左10年工，理論上你個老強戶口「僱主供款部份」必定超過呢個數，咁你就可以拎返$150,000出黎用，或者作為自行投資，唔使再強迫咁留係呢個仆街制度裡面

但拎左錢，記得唔好洗左佢，呢筆錢係好應該自行用低成本指數基金作為退休投資用途

而對仆街僱主亦有著數，因為呢一點「根據連續性合約受僱. 不少於24個月先有遣散費拎」係好多仆街老板既行業，例如保安，飲食，清潔等等，用A公司B公司排頭去同班人去簽短期合約。低薪行業僱員想有僱主供款老強+額外長服金拎曬，我相信都好難

記唔記得以前D酒樓每幾年就轉一轉名，仆街到連遣散費都唔比叫僱員去申請破欠基金

小尼尼 2025-02-25 21:18:34

BCT XIRR & CAGR都比滙豐好
點解會話滙豐好啲嘅?

願人生若只如初見 2025-02-25 21:32:12

因為BCT 21年後先set up，過咗武肺美股大跌期，如果只比較同期的話，滙豐表現較好

願人生若只如初見 2025-02-25 21:43:48

曆年回報：
22年：
HSBC -19.81%
BCT -22.31%

23年：
HSBC +24.33%
BCT +25.1%

24年：
HSBC +22.40%
BCT +21.76%

HSBC隻ETF管理費又低一大截

MPF掃盲清潔工 2025-02-26 11:48:24

波哥啱啱係預算案話強積金全自由行會進行研究諮詢

即係冇時間表，冇實際推行時間

垃圾，2030年前做到都算有成績

勿以累聚 2025-02-26 11:48:37

終於話全自由行諮詢