MPF強積金掃盲/ 表現討論 (7)

公司用緊永明
想問美國股票基金同環球低碳指數基金比較
邊個比較值得揀

你鐘意啦

多謝樓主先，今年2月開始由永明增長基金>大貓北美智優勉+環球，啱啱睇下balance，多咗12.5%

想問下美股依家~4萬5，好唔好轉番D去保守，遲D跌2/3千先入番？

......其實你繼續抱有timing the market， 時刻想諗高賣低買， 咁你就算用緊低成本收費嘅基金都冇用， 扑中幾次高賣低買唔出奇，但你win rate要去到幾高？

建議你轉
轉完之後你就會學到野

月經，S&P 5000點果陣已經大量問好唔好轉好唔好轉保守

半自由行，今年要做趁早

有冇人用富達供環球/北美？

賺bonus 要擺足一年？

用緊Manulife 北美同aia美洲，好似Manulife 升得多啲

lm

Agger
一律建議轉

我花左2日時間去研究宏利季報係平均成本法下個回報百分比
每個月模擬返定額月供去計數
終於知點解佢個百分比可以高人一截

因為佢年化率回報個計法，係同HSBC, BCT 係唔一樣
HSBC BCT就係用CAGR年均複合成長率(Compound Annual Growth Rate) 去計
但宏利個數字就應該係IRR黎

正屎忽鬼黎，根本係誤導，佢備註果度又同其他公司一樣咁寫，真係100個人睇不同公司季報都肯定會比佢FAKE 撚到，根本CAGR同IRR係2組唔到既數字黎
IRR有考慮到每一蚊既時間價值，即係你每一蚊既運用效率；而CAGR係比人簡單APPLE to APPLE去比較一段時間下個回報.....

其實我都好抱歉，一直都發覺部份公司季報個數字同其他公司係有好明顯出入，但真係好懶唔得閒去認真研究
對比過AIA, HSBC, 宏利, BCT 呢4間公司都分別有提供平均成本法下回報呢個參考數字

以上4家公司既核心累積基金，你睇完後平均成本法下個數字
話我聽你會選邊間.....

你會睇到AIA / HSBC present 出黎係同宏利 / BCT唔同
但不論4間公司，成份季報都冇話過比你聽條數係點計點得黎
所以大家做比較果時，切勿唔好拎2間唔同公司既季報就咁簡單去對比呢個數字，因為根本大家個計算方式都唔同，今日我入足24年宏利北美基金模擬月供去做對比，終於知佢個數字大概係點計出黎

值得考慮獨立出個post表揚呢個仆街

唔怪得睇宏利個%好似好高咁，但實質d錢唔係多左好多…

有hsbc+宏利，北美為主

要加埋落po頭啦

Lm跟進

咁即係強積金基金平台啲數都唔可以直接比較？
咁究竟點比較到

積金平台個數據係可以參考
因為佢係計算你1年/ 5年/10年/ 基金推出至今第1日一炮過買入咁計
假設拎5年做例子，假設以5年前今日做基準，
佢show比你睇5年後既今日，你累積回報係幾多，再計返每年年化比你睇

TWRR=[(1+第1年回報%)×(1+第2年回報%)×(1+第3年回報%)X(1+第4年回報%)x(1+第5年回報%)]-1
你會得出得出呢5年既累積報酬率
再用公式計算每年回報率係幾多出黎=((1+累積報酬率)^(1/5年))-1

我地係講緊係有幾間受託人，係季報裡面，有提供到「平均成本法」下既模擬回報比用戶參考
如果2份季報放埋一齊比較，我會建議只參考累積回報呢一部份，而唔好參考平均成本法下年化率回報呢一部份，因為我發覺唔同公司個計法係唔同

平均成本法下年化率回報
HSBC 個計法係假設你5年每月月供個總額係60000，佢季報列出個百分比假設係4%，即係你呢60000持續每年用4%增長咁解
優點係非常容易對比，可以直接同上面一筆過all-in 累積回報個年化率做對比，你會發覺一筆過all-in個年化率回報大部份時間都係贏平均成本法，咁係因為你筆錢係一開始整筆投入，有更多時間做複利，所以話點解投資要襯早先享受到複利既優勢。但實際上打工仔只可以月供投入，所以缺點就係沒有考慮到筆錢流入既時間

宏利個計法就應該係IRR黎，佢個計法係會根據果筆錢投入時間，佢得出黎個百分比用簡單去解釋，就係「一段時間」內你投入左既錢的運用效率。再用簡單文字去表達，就係假設你20年前月供第1期，回報可以已經有400%，但近年既月供，可能係得10幾個%或者負數。因此IRR得出黎個%就係你整筆錢每1蚊係呢20年黎每一年個運用效率

絕對絕對唔可以同累積年化回率去做參考比較，亦唔可以同另一家公司份季報做參考比較，除非你知道對方一樣係用同樣計法。但根本係季報上係完全冇講過會點計，亦從來都冇教過大家點去睇呢個數字。

所以我地就算拎HSBC好早期果隻主動式北美基金 (非智優逸)同宏利北美去做比較
係月供下，5年 / 10年/ 2000年推出至今 HSBC都贏宏利；係1年/ 3年就輸

所以好好諗下點解大家一直都有個假象就係宏利北美表現，好條撚，連平手都做唔到，但咁多年就一直比宏利踩住咁上

我覺得某程度上好多人係因為季報顯%較高就即係表現好過對家就揀黎用，累撚左好多好多人。