[Balkan: The Powder Keg] 西巴爾幹CLS之旅 [半LIVE] [2024]

一嚟就開車出Srebrenica，沿途司機講解點解塞族人做得出種族屠殺呢啲行為。


係1844年開始，塞爾維亞人有個瘋狂諗法，就係要將所有有塞族人嘅地方納入同一個塞爾維亞。係塞爾維亞人眼中波斯尼亞自由以來都係塞爾維亞嘅一部份，所以跨過Drina River 去波斯尼亞攞返佢哋土地天經地道。

係鐵托死個陣南斯拉夫經濟已經開始走下波，而啲人教育水平唔高。呢個時候出現左Milosevic (米洛舍維奇)，佢係一個野心家。佢選擇左做塞爾維亞共和國主席，因為啲錢，資源，秘密警察同軍隊都集中係Belgrade，方便佢調動。

佢一方面比塞族人特惠待遇，"好塞爾維亞人" (塞族血統 + 入左Milosevic 既黨) 會比武器佢私藏同可以加入秘密警察/親衛軍。導遊個塞族朋友有一日叫佢上去屋企，開箱鐵棍 開山刀 AK-47同150飛子彈。(個塞族朋友最後係幫波斯尼亞)

另一方面係到煽動塞族人製造仇恨，特別針對克羅地亞同波斯尼亞。克羅地亞人先話入面存在Ustashi ，納粹回歸，之後就話克羅地亞人全都係蟑螂納粹。波斯尼亞就老屈話佢哋同阿爾巴尼亞人想同土耳其建立Green Link，鄂圖曼回歸巴爾幹。

跟住就恐嚇同散播假消息，恐嚇如果塞族人去波斯尼亞獨立公投，就會擲名唔認佢係塞爾維亞人，同埋南斯拉夫消失左大家都無飯開，南斯拉夫強大大家先生活好。

仲有就係散播種族清洗言論，歧視波斯尼亞回教徒，搵個學者話波斯尼亞人DNA污糟，要淨化波斯尼亞土地。

1992年3月1日波斯尼亞獨立公投，塞族人聲稱佢哋無份參與唔計，同時係聯合國維和部隊到之前塞族民兵同南斯拉夫人民軍係波斯尼亞出動，內戰爆發。



時至今日係Novi Sad，塞爾維亞安排細路見坐完監，當年嘅波斯尼亞塞族戰犯，話佢係英雄。導遊話要塞族人承認佢哋大塞爾維亞主義有問題，呢個諗法當犯罪呢個問題先會真正結束。

山後面係塞爾維亞邊境，直線距離3km

三小時之後就開到Srebrenica 紀念博物館。佢係由以前聯合國荷蘭維和部隊駐紥營房改建而成。Srebrenica 宜家係塞族共和國，不過佢哋太惡名昭彰，佢哋警察唔可以隨便入紀念博物館同隔離墓地。 [為文筆通順，寫嘅次序同實際參觀次序有所出入]


博物館故事線分佈，分左三個角度寫。


一入嚟先帶我地去睇片，簡介由塞軍入安全區至大屠殺一星期發生咩事。


1992年3月1日，波斯尼亞公投獨立，塞族人恐嚇武統同要令穆斯林消失，並付諸實行，附上各民族形勢圖。


初期波斯尼亞民兵一度控制Srebrenica 全境，但係Srebrenica 太近邊境，塞族軍隊佔領Srebrenica附近村莊，反包圍Srebrenica 。塞族不斷炮擊Srebrenica，軍民陷入恐慌。



UNPROFOR成立，當時有個將軍去左Srebrenica 視察，啲居民求佢成立安全區。1993年4月Srebrenica同其他安全區成立，係塞族要求下Srebrenica 除左警察同維和部隊之外解除武裝。




之後兩年安全區一直相安無事，雖然物資短缺，有唔少附近地區嘅人入Srebrenica 避難

香港人去完日本旅行好似集體中邪教咁覺得日本好正，因為佢哋無感受過真正既日本係幾白卡

，又或者香港人應該考慮認自己係白卡

巴打呢句好搶口但我支持你 繼續留名支持

1995年春Srebrenica 地區衝突加劇，波斯尼亞軍隊聯合克族，係西方軍援同伊朗秘密訓練下逐漸重光失地。7月塞軍決定違反國際協議，完全佔領特別行政安全區，完成佢哋"止暴制亂，由亂及治"嘅"光榮"任務。


本來維和部隊係11號呼叫空襲，不過執行前取消左。維和部隊未開一槍，外圍荷蘭部隊被俘虜。難民湧入荷蘭軍隊駐地營房避難，不過人數太多部分難民被迫係出面住。影片見到佢哋帶埋木材入營諗住過冬。



難民代表同荷蘭被俘軍人同塞族將軍會面傾如何安置難民。塞族戰犯將軍決定將難民男女分開，女人同婦孺搵巴士送過去Tuzla 波斯尼亞軍隊佔區，中途啲塞族士兵捉啲女人強姦，所以大部分幸存者都係女人。有無殺BB？有，有個BB比塞爾維亞軍隊一腳踩死左。



而通常男女分開都唔係好野，過往例子會送佢哋去再教育營/集中營/做苦工，而塞爾維亞人將所有留係安全區見到嘅男丁用巴士送去Srebrenica唔同區域幾日內全部處決。

連登就係希望啲人睇自己想寫既野 就係要搶口做返自己
就住就住寫不如post IG/threads

香港最撚差係唔鼓勵發表自己意見 對非"主流"事物諸多批評 又唔肯承認自己見識淺薄了解下

外國最大分別係啲人願意聽唔同故事 即係同團有個英國人係杜拜 科威特 中國教國際學校 大家都會願意聽佢係中國奇遇 雖然有啲位我同佢相反立場 但係起碼佢有空間講晒佢立場

係香港試下好似我連登咁講野搬上現實 應該可以去小欖搵我

至於有大約15000人，包括一啲波斯尼亞士兵唔相信有國際保證嘅安全區，向西走去Tuzla。我希望個陣唔會一啲撚屌係到對選擇離開既人冷嘲熱諷，話安全區生活比西面好，出面生活困苦要冒險，要諗清楚有周詳計劃同充足資源先離開安全區


當然向西出走都唔容易，中途有啲人被塞族軍隊伏擊，炮轟。有人被俘虜，被迫叫躲藏係深山嘅仔投降，塞爾維亞人係隔離就安全。被俘虜既全部被處決。


最後唔計deport嘅生還人數
留係安全區: 0
離開安全區: ~5000 到Tuzla 另外幾百人匿藏深山成功生存 (三份一人生還)

跟住就介紹下啲物品
呢張枱係用嚟講數，當時塞族將軍叫難民比份名單。


波斯尼亞人了解塞爾維亞民族性，同佢哋講份名單cc左去聯合國叫佢哋唔好亂嚟，不過聯合國班官見到份野黑人問號，收埋份野入櫃桶就算。而塞爾維亞人不吃人權祖師爺，國際條約這一套，呢次bluff失敗左。


UN 維和部隊編制，本來係加拿大軍人，輪換荷蘭人因為政治原因派左精英空中機動排去，結果就好似波斯尼亞人控訴: UN = United NOTHING


跟住我地去左類似倉庫既物體，裏面有去Tuzla既人既經歷。



走難嘅鞋


難民心聲


倉庫有架影片出現嘅貨車，運貨又係佢，運兵又係佢。


最後美國CIA用衛星圖片發現有可疑，加埋生還者證供發現呢場大屠殺。北約之後大規模空襲塞族軍隊三週，迫塞族簽和平協議。

行左大屠殺紀念館之後，我哋就開車上山睇一睇Srebrenica 既風景。Srebrenica 宜家係塞族人地頭，第一任市長話大屠殺係假新聞，入面大部份係空棺，有野嘅棺係六七百年前係薩拉熱窩啲棺材運過去，係西方國家抹黑塞爾維亞嘅手段。


上到山頂了。



後面有間廢屋


睇左陣風景就落返去睇大屠殺墳墓。現存有紀錄係死左8372人。啲名見到好多係一家人，即係塞族人殺人全家男丁，強姦女士，令到波斯尼亞族無能力延續下一代，令佢哋越來越少人，邏輯好似以前部落衝突啲蠻族咁。





隔離有個細屋，係相片展覽。



跟住去附近bakery買pizza，英國佬分享佢去北韓啲經歷，佢話北韓係歡迎啲人拎野走，瓦姆比爾被捕真實原因有第二個，美國佬係到吹大呢件事。



導遊話波斯尼亞人同塞爾維亞人最大分別係有軍紀，唔會濫殺平民，波斯尼亞軍隊係會捉啲濫殺平民嘅士兵。佢相信人性同公義。


講下講下就到油站。


同團有個波斯尼亞裔既澳洲女仔，佢識波斯尼亞文。於是我哋吹水傾左陣澳洲。跟住個英國佬 (都係昨日個個) 係到同澳洲妹妹分享英國同澳洲啲教育。


之後拉到佢係上海教國際學校啲經歷，話好多假期 (中西假期+暑假)，機場好大可以飛好多port。其實我聽完好不以為然，真實嘅中國人同佢生活係完全相反，九九六工時，同埋中國人從來都唔係自由進出中國國土，新疆西藏人特別難出境。佢話中國地大乜都有得玩..... 可以去西藏。本來我係半睡眠狀態，聽到佢話去西藏即刻問你點入的，去西藏張邊防證外國人好難攞。佢話佢有中國永居證，唔怪得佢昨日講埋啲細路質素最後會東升西降，同美國propaganda吹大呢啲言論。

架車開到山上面一個風景位，司機停低比我哋打卡。英國佬好羨慕我有相機，於是我分享左SD卡糟卡住粒米既故事。



過左一個鐘我地返到Sarajevo市區。

返到市區之後，我就去city hall後面既河睇風景，啱啱搭車入市區經過見到。




後面公路隔離有個小型瀑布。




之後就去食飯，今晚食地道波斯尼亞野



Begova Cobra


Bosanski lonac


甜品Baklava

港譯「突襲安全區」就係關於呢單屠殺

就算心入面反對 但靜靜地聽人地講 知下人哋諗法
腥港好多人都唔識呢種尊重
小眾嘢 批評咗鞭屍公審咗先 佢個人選擇唔影響到人 關你咩事?

連尊重人 容納唔同事物都唔識 學咩人爭取民主?
唔鍾意唔夠講嘅就用「左膠」一句撻落去 冇任何解釋
只係另類獨裁之嘛

老實講 唔只腥港係咁 整個世界嘅民智倒退咗好多

白人係中國有超凡待遇 點會知道真實民間疾苦同社會真實情況 洗晒腦
超離地



腥港啲白人都係啦 又係離地嘅
(心諗撈唔掂先嚟腥港做大爺下嘩)

咁公道講佢觀察力比其他人偏強 (睇返地下教堂個到)
真實民間疾苦同社會真實情況又唔係佢哋受 唔關佢事

係我chok到佢有中國永居證之前都覺得佢講嘢有小小刺耳 不過佢又知香港人唔中意聽到人同佢講普通話 識走位都係技能嚟

所以連登我講嘢特別搶口，因為可以做返自己
現實世界比人話講嘢成個連登仔咁

唔鍾意唔夠講嘅咪靠惡同群體壓力 跟住話人唔識社交 唔識讀空氣 都無比人尊重咪開火搶口lol

諗返起我講野太快 係因為想正常速度講自己野成日啲人岔開話題唔比我講 所以咪傾向講得快嚟比自己有空間講晒自己野

佢哋唔係講左膠 係講獨醒撚

今日行程

[文字直播]
啱啱去完city hall，宜家等食cevapi ，之後去波黑國立博物館

改唔到pin message?

電話無電 啱啱返到hostel
今日行程: fall of Yugoslavia tour -> City Hall -> lunch -> National Museum -> AZAC tower view deck

今日遊記會按展品實際年份由古代到現代咁寫

食完飯之後我去左行國家博物館。好奇怪地歷史部份淨係展示到中世紀部份。 入面有人文部分同自然生物部份，仲有個花園。



呢座博物館係1888年係奧匈帝國時期起。


一嚟就石器時代


之後就銅器/鐵器時代


講古人點煉鐵。


講古人殯儀儀式



下一部分係羅馬時期，係波斯尼亞挖到唔少碑文/古蹟。



上一層就係中世紀時期波斯尼亞，係獨立王國。




以前嘅coat of arms，宜家波斯尼亞陸軍都見到佢融入左


第一代火槍


其實比起中世紀及以前歷史，我對佢座建築興趣大啲。

Natural Museum 部分唔比影相，其實入面都係講下波斯尼亞啲生物，展示啲動物標本咁。

人文館部分，地下都係展示啲屋既模型。


上樓梯，設計幾靚


一嚟到見到三張波斯尼亞地毯。


由鄂圖曼時期去到奧匈帝國時期生活面貌變化。



行完就去Bonatic Garden，裏面有班港女係到係咁擺post影港女相，個攝影師毒毒地淨係有得揸機無得合照。



呢個博物館行左三個鐘，如果唔係中世紀及之前歷史愛好者，或者對動物有研究呢個博物館可以skip。

我地跳返去現代，睇返今朝南斯拉夫解體half day tour。今日團有一個荷蘭家庭同德國姐姐。德國姐姐個樣有啲似我以前返工其中一位同事

首先架車係山上面一處地方停低。


我哋去左Yellow Fortress，呢座野係鄂圖曼時期起。


Yellow Fortress隔離有個平台，導遊話以前比人圍城會有人冒比人炮擊危險上呢到搵野食。


啲團包括Yellow Fortress 係想展示Sarajevo 地形係四面環山，而當時塞族人佔山包圍Sarajevo 。



導遊話巴爾幹鄰近國家旅遊業興旺幫到波斯尼亞，因為可以順便吸引埋啲人過嚟。佢介紹個陣特別話黑山啲人特別懶，唔中意返工所以中意旅遊業。荷蘭人家庭話佢哋黑山揸車過嚟都有相同結論。

跟住導遊開車係唔同位停一陣。
呢座係以前產科醫院，打仗之後荒廢左，附近一座建築係法國維和部隊前哨。隔離動物園打仗個陣啲動物走晒出嚟，因為太臭附近啲街要噴除臭劑。


羅密歐與茱麗葉之墓，異族通婚個陣好普遍，宜家少好多因為塞族人唔接觸其他族裔。白色係穆斯林墓地，而黑色係天主教/東正教墓地。

跟住我哋穿越機場。


去到Tunnel of Hope。簡單嚟講就係連接市區同郊外波斯尼亞控制區生命線，運人同物資都靠晒隧道。所以個陣係要預約先可以用。塞族民兵想水淹隧道，不過聯合國阻止左佢哋咁做。




入場個陣我 荷蘭佬 德國姐姐話越南都有類似，不過再矮啲。同埋狂野好多，可以係隔離開真槍。行下行下可以去金邊。 我話我知不過我無去過，因為香港人普遍少假期。佢哋問我咁我宜家有長假玩咁耐？我就答佢哋 。

樓上有間細房有介紹。機場本來比塞族人佔領，不過聯合國介入下由聯合國控制。


當時軍人用物資


之後我哋去左行隧道，入面有鐵軌方便運輸。實際size 會再矮啲。

連狗玩夠針對未？要電腦先改到pin message
Btw 宜家去Mostar

Tunnel of hope結構


呢張圖見到tunnel of hope貫穿機場。


隔離就係機場，我哋行個陣聽到Qatar Airways A320啱啱降落Sarajevo。



附近有個地雷陣樣版。


有啲圍城戰嘅相。



戰地電台同波斯尼亞軍迫擊炮。


用嚟裝軍火既箱。


呢個人起隧道個陣比呢種地雷炸死左。



當我行入嚟補影返我張相既時候，我聽到一個熟悉既聲音係到講解。係前兩日去Travnik 個導遊，佢話呢個團有個香港女仔。跟住我用一個好奇怪眼神望個女仔，之後同佢好尷尬咁say hi。呢個女仔塊面闊眼細，個樣似中國北方人樣，似係中國人扮香港人。 我差在無即場搵啲中英夾雜嘅香港語測試佢。

跟住行左入地庫，呢個地庫係啲人要去對面就係到等。之前個導遊見到個敘利亞人 (應該搬左嚟歐洲住) 嚟旅行，就講到敘利亞。佢話敘利亞政府係UN Srebrenica決議案投反對票，不過知道巴沙爾唔代表敘利亞人，同波斯尼亞一樣都係背後同一班勢力你到搞鬼。


當時波斯尼亞守軍手槍，除左西方既軍火，當時仲係伊朗，巴基斯坦買黑市軍火。

走個陣荷蘭家庭老豆話當時荷蘭國防部長係佢老豆個朋友，佢話呢個人幾decent，不過呢件事上面一蹋糊塗。

跟住架車開入塞族共和國領土，東Sarajevo係塞族共和國。個到啲人大部分有塞爾維亞護照，同埋視自己係塞爾維亞人。裏面有自己既東Sarajevo巴士站。波斯尼亞總統三族每八個月輪換，宜家攬住運動員既係塞族波斯尼亞總統，佢前日先阻止歐盟資助波斯尼亞嘅大筆援助。 十足十某地政黨大叫自己係外省人，有議席就搞國會擴權同想洗大筆政府儲備打穿自己龍脈。

導遊話塞族人會講令一個版本既故事，同Milosevic 係塞族人統一係塞爾維亞嘅英雄。佢個紀念碑比人打爛第二日就會有人補返上去。我係Banja Luka已經見識過了。


架車係Sarajevo 山上面，導遊話塞族政府係咁係自己領土大興土木起別墅，仲要敲詐中央政府話想唔起咁多就比錢。相反聯邦政府就保護環境，我地落車個到劃入保護區要行一段路先去到目的地。

荷蘭人問係山上面不斷係兩個共和國領地穿插，點樣知道自己係邊個共和國。我就話數下附近有無別墅就應該估到自己身處邊個共和國。