之後我地去左隔離café ,導遊介紹點樣飲波斯尼亞咖啡。
波斯尼亞咖啡係土耳其引入,佢同土耳其咖啡最大分別係煮個陣唔會落糖,糖係分開上。同埋個杯無把手。
飲個陣係慢慢飲,係個咖啡盎到攪,之後倒落個杯到。先用糖點咖啡咬一啖,之後先飲咖啡。好似呢隻連龍廢老咁飲
![](https://cdn.lihkg.com/assets/faces/dragon/drink.gif)
。波斯尼亞有句俗語,If going west, don't drink coffee at noon,呢到飲咖啡文化非常盛行。
同團有個英國人,佢係中東做左幾年野,佢話呢度啲咖啡比起土耳其個啲好mild。佢話試過黎巴嫩同事比佢既黎巴嫩咖啡,heavy好多提神好勁持續12小時。佢話啲中國人飲咖啡係飲完就走,唔會享受,同埋中國咖啡唔好飲,茶就好飲 (南亞次大陸,中國,台灣,日韓都係)
呢個時候導遊順便問我香港同中國有乜唔同,佢知香港人講廣東話。除咗之化生活習慣好大差異,香港人講野
中英夾雜,無見過中國人會咁講野。
除左咖啡之外我地仲試左羊奶芝士,呢隻羊奶芝士唔會話好羶。導遊話呢隻芝士係羅馬尼一有亞南邊引入過嚟,以前羅馬尼亞係鄂圖曼藩屬國個陣啲羅馬尼亞人帶過嚟。有羅馬尼亞人試過證實呢隻芝士係同羅馬尼亞係同一隻。
食完之後導遊話間野個女人有啲面善,佢話個女人係以前薩拉熱窩圍城戰其中一個旅長。
之後行左去隔離山澗到睇,導遊話呢到啲山溪水可以就咁飲。
不過我諗起
農夫山泉-大自然搬運工人,同埋你有無常識飲無煲過既溪水廣告之後,我都係不了。
呢度有鱒魚魚塘,導遊話可以即刻捉之後拎入市區加工即食。
咁似海鮮拎去加工
隔離有啲紀念品鋪,地毯上嘅pattern 波斯尼亞先有。
![](https://na.cx/i/fxcsbiT.jpg)