[Balkan: The Powder Keg] 西巴爾幹CLS之旅 [半LIVE] [2024]

無 全線收晒 要等星期一
以為佢近邊境大城市點都有SIM card

係呢個得微弱wifi，身上無波斯尼亞銀而出面泊左5架的士嘅地方，我決定行八個字出市區。


塞族共和國旗


行過petrol 油站，有 WiFi ，不過我唔記得download Google translate 波斯尼亞語翻譯同聯絡定host


無耐行經一個公園，入面有人玩緊籃球game



行經Cathedral of St. Bonaventure ，佢造形好特別。


再行過啲係 Church of Savoir orthodox cathedral ，佢1941年比德國炸，之後比Ustashi 拆剩啲遺址。



行經市中心廣場


最後去到apartment 樓下，發現無WiFi 去住隔離DM 做WiFi 小偷借住個WiFi 叫屋主接我


[WiFi 極不穩定 welcome to Balkan]

上一張東正教堂

apartment 個wifi壞既所以我係下面間dm 寫緊

我apartment 隔離係Kastel Fortress ，係Banja Luka最早建築，係羅馬人起既。入面有唔同生活機能，不過都係二戰個陣比人炸。呢個堡壘遺址都比人自由咁行上去好原始，保留到當年面貌。



城牆嘅樣


去到個陣啱啱日落。


入面有個水井


入面有個監獄，宜家改建做餐廳，本來想入去食，不過入面開心包場party 緊，見到有人想入去比侍應彈鐘。

行完之後我好肚餓，唔計2 EUR既雪條已經光合作用接近24小時，係時候食野。有一秒懷疑自己會唔會係波斯尼亞訓街同餓死


去左附近呢間高級餐廳食野 同奧地利好小小一餐差唔多



叫左個頭盤同主食，頭盤其實係西式油醋醃生海鮮，下面墊左火箭菜


主菜係煎魚配白飯，煎魚外脆肉質ok，講真白飯好難食，個茴香汁係敗筆。果然係歐洲叫飯食係玩自己 交智商稅 ，我係想食煎魚先叫呢個。


食完之後去行街，先行經賭場。


市中心步行街，人流都唔差，都幾多女係到行，不過唔少拖住條仔



夜晚嘅Kastel Fortress城牆


行咁耐笑足咁耐嘅路人


隔離嘅清真寺


成功第二日之前搞掂遊記

腥港同大陸護照去波斯尼亞都一樣免簽 條友擺明係度玩嘢啦

Croats border 問
Bosnia border係車收passport 直接chip

條友以為我無神根visa free 唔知點攞Wien 個入境印

起身先搞SIM card


入面淨係收BAM現金，結果去隔離換20美金 (我手上面得100歐羅大紙 跟住5歐羅)


上到網唔洗做網絡孤島

去左昨晚見到個東正教堂睇下入面


入面都係細細地東正教堂咁嘅樣，大廳一眼睇完，有一兩個信徒參拜緊。



附近街景


行完就出返去唔打擾人


夜晚嘅樣

見到巴打話個飯難食，諗起有次去東歐，入去一間餐廳仔叫飯食，個飯似係無落水就煲，硬到好似生米咁
同埋Banja Luka 呢邊有無酒飲？印象中Sarajevo 同Mostar 呢啲地方係無，所以你如果會飲就趁而家

Sarajevo有酒飲

到埗嗰陣係齋戒最後嗰日 99%餐廳店舖早收或唔開
得酒吧餐廳同酒店係開嘅
跟著去咗一間酒吧餐廳食嘢 有酒賣的

感謝絲打指正

有

我今朝去左塞族博物館，想知佢地點寫歷史。一入門個staff 拍一拍我膊頭話我唔洗比錢。


一入門見到有條友係到講解


有啲部分講塞族民族衫



一開始都係講下石器去到鐵器時代



好耐之前波斯尼亞塞族人為主，係十二世紀中第一個波斯尼亞皇室出現。係1463年，土耳其人攻陷波斯尼亞，最後一代皇室被處決。自此土耳其人同匈牙利人爭奪波斯尼亞領土。亦係呢個年代開始回教傳入巴爾幹，開始有穆斯林同kebab同咖啡 (呢部分我補充，博物館無寫點解波斯尼亞點解有回教徒)


中間都係鄂圖曼人係波斯尼亞經營，起防禦工事，係18世紀奧地利同匈牙利成為二元帝國之後日漸強大，鄂圖曼放重兵守波斯尼亞都守唔住。


1804-1878年講塞族人起義，不過係到發大塞族夢，想波斯尼亞合併係塞爾維亞，但係係柏林會議將波斯尼亞劃入奧匈帝國，塞爾維亞人有自己王國。

遲左睇，唔係比張esim 卡你

有卡了

跟住就係一堆納粹扶植既克羅地亞政府點迫害異族，當然強調塞族人 佢仲有兩塊展版大篇幅講Ustashi 點迫害其他族人。


之後講南斯拉夫反抗軍起義，係1942年波斯尼亞首勝



當時反抗軍用電話

1943年德意軍隊係北非敗北之後想加防巴爾幹，不過1943年意大利投降之後，形勢大逆轉。德國無足夠軍隊控制巴爾幹。相反南斯拉夫反抗軍就地繳械意軍，人手一套意大利軍械，同埋攞晒意大利啲重裝例如火炮，逐漸控制南斯拉夫。



去到1944年南斯拉夫反抗軍 - 塞族人為主 (佢講)已經控制大部分農村，係1945年初陸續解放Sarajevo ， Banja Luka呢啲大城市。


*南斯拉夫有好多勢力，其中一支係塞爾維亞人為主既Chetniks
*南斯拉夫反抗軍首領Tito 係克羅地亞人+斯洛文尼亞人後代

跟住南斯拉夫同蘇聯意識形態路線唔同，同埋希臘共產黨問題上唔同部署 (呢part無講情有可原)，關係跌入冰點，南斯拉夫係1948年搵美帝爸爸協助，引入美援同馬歇爾計劃 (屌你無美帝幫你你食緊塵咋，又唔講)，同埋開放小型資本，令佢經濟起飛。

後來鐵托死左南斯拉夫問題逐漸浮面，壓唔住各民族衝突。斯洛文尼亞打響離開南斯拉夫第一槍之後，南斯拉夫瓦解。


南斯拉夫解體責任主要在德方 (佢講)


行完展館了，出面有啲二戰反抗軍武器。


總結：人一定有自己立場，而塞族人描述自己係波斯尼亞原住民同淨係得塞族人先會反抗，其他族係幫入侵者，成日有啲被害妄想情意結。跟住有啲關鍵位又特登隱瞞無寫 (點解波斯尼亞有一定人口穆斯林，Chetnik，Tito身份)，寫左就破壞塞族人個角色設定。咁唔誠實面對歷史咪好似日本/中國咁一直比人睇唔起。

** 日本呢方面都係師承中國，其實日本只係另一個中國

睇完接近一點鐘，啱啱好返去攞行李


跟住我沿去大巴站嘅路搵巴士搭，Google map 又老點叫我係反方向既路搵巴士搭，我見到有巴士寫autobus stanica就即刻搵錢上車，唔再理google。



去到大巴站我數下有幾多波斯尼亞幣先叫野食，間野問左唔收卡。間便利店無錢換


用我剩低嘅12 BAM叫今日午餐 - Cis Kebab，肉汁keep到，有啲熱氣。(1 BAM用左去廁所)


跟住上巴士去Sarajevo。


架車係鄉郊兜下人先。

Chetniks係「保皇派」同勾結法西斯 梗係唔講
另外盟軍官方認可咗南斯拉夫反抗軍為盟友 係有畀軍援佢哋 唔只執意大利啲軍備

南斯拉夫冇參加過Marshall plan 巴打記錯了

https://diplomacy.state.gov/online-exhibits/diplomacy-is-our-mission/development/the-marshall-plan/#:~:text=The%20sixteen%20Marshall%20Plan%20countries,Turkey%2C%20and%20the%20United%20Kingdom.

佢呢啲嘢呃到下人
但呃唔到熟讀歷史嘅睇到只會係度笑發噏瘋

了解下塞族觀點都幾好
有冇講內戰？

我見到幾多寫幾多

我記得係有送M48坦克 馬歇爾計劃個到真係記錯